انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 4 1234 الأخيرالأخير
عرض النتائج 1 الى 10 من 31

الموضوع: $$$ للغالية التقوى الأصلية: كيفية تحديد عدد غرز البداية لأى عمل$$$ "تريكو وبس"

  1. #1
    تاريخ التسجيل
    Nov 2006
    الموقع
    أحلى بلد مصر
    الردود
    2,841
    الجنس
    أنثى

    work $$$ للغالية التقوى الأصلية: كيفية تحديد عدد غرز البداية لأى عمل$$$ "تريكو وبس"

    حبيباتى الغاليات
    وحشتونى كتييييييييييييير

    الغالية التقوى الأصلية كانت سبق وسألت عن
    كيفية ضبط مقاس قبعة تريكو؟

    فى الرابط ده

    وللغالية التقوى الأصلية ولكل البنوتات الحلوات
    الموضوع سهل جداً يا جماعة

    أولاً: تحديد مقاس الابر

    معظم الخيوط بيكون مكتوب عليها حجم الابر المناسب للشغل

    لأن حجم الابر مهم جداً عشان شد الخيط يكون مضبوط

    يعنى لو الخيط تخين والابر رفيعة بيكون الشغل مشدود وتقيل (يعنى مسامه بتكون ضيقة جداً)
    ولو الخيط رفيع والابر كبيرة
    بيكون الشغل مفرغ ومش حلو

    فمراعاة تناسب حجم الابر مع سمك الخيط من الحاجات المهمة


    طيب نيجى بأة
    للخطوة التانية
    وهى خطوة أخذ المقاسات
    عادة بيكون فيه جداول مقاسات ممكن نمشى عليها ونعرف المقاس المطلوب

    لكن مش دائماً الجداول دى بتتماشى مع اجسامنا... ده فى حالة وجودها من أساسه

    بنتغلب على الموضوع ده باننا ناخد مقاساتنا باستخدام المازورة
    أو نقيس على قطعة ملابس مضبوطة موجودة عندنا

    طيب بعد ما حددنا المقاس الطلوب
    ازاى نحدد عدد الغرز اللى هنشتغل بيها الموديل

    (واللى أعتقد انه الهدف الأساسى من السؤال)

    أفضل طريقة اننا نشتغل عينة من الغرز اللى ناويين نستخدمها بنفس الخيط ونفس حجم الابر اللى ناويين نشتغلهم

    ونقيس محيط الصدر ومحيط الوسط للشخص اللى احنا عايزين نعمله الموديل
    طبعا بالنسبة للمحيطات نقسمها على 2
    يعنى لو المحيط مثلا = 80 سم يبقى اذاً نصفه (اللى بيمثل الصدر او الظهر) هيساوى 40 سم

    وبعدين نقيس أبعاد العينة بالسم

    (يعنى الطول والعرض)
    والحقيقة ان اللى يهمنا اكتر هو العرض

    يبقى لو احنا محتاجين 40 سم والعينة مثلاً عرضها 13 غرزة بـ 7 سم
    يعنى السم الواحد فيه غرزتين تقريبا يعنى احنا محتاجين 80 غرزة بداية

    يعنى ممكن نزود 4 غرز مثلا عشان الخياطات والكلام ده

    هى تبان صعبة شوية لكن مع الخبرة والتكرار هتعمليها بمجرد النظر


    وآخر حاجة بأة

    توزيع الغرزة على الشغل


    بنشوف احنا محتاجين نكرر الغرزة كام مرة عشان خاطر نجيب العرض اللى احنا محتاجينه
    ويبقى ده نفس تكرار الغرزة

    يعنى فى المثال اللى فات
    احنا قلنا اننا محتاجين 80 غرزة للبداية وعرض الغرزة المطلوب عملها = 13
    يبقى محتاجين نقسم 80 على 13 = 6
    ويزيد غرزيتن (13× 6 = 78) نعمل واحدة على الحافة يمين وواحدة شمال للخياطات


    دى تقريباً كل الخطوات المطلوبة لتنفيذ أى موديل
    ودى مجموعة صور للتوضيح




    وكمان واحدة أقرب شوية




    وكمان هتلاقى مثال عملى فى ورشة الشال اللى احنا عملناها
    واللى الصور متاخدة منها
    اتفضلى الرابط
    http://www.lakii.com/vb/showthread.php?t=702280
    المشاركة
    رقم 31، 32

    أتمنى ان الشرح يكون واضح ومفهوم
    وأنا حاضرة لأى استفسار أو تساؤل


    على فكرة أنا عندى فيديو يوضح الطريقة
    بس مش عارفة ارفعه من على الجهاز

    أنا نزلت موضوع مخصوص فى ركن الكمبيوتر اسال ازاى ممكن ارفع مقطع فيديو
    وبمجرد ما يجينى رد
    ارفعه على طول

    فى امان الله

  2. #2
    تاريخ التسجيل
    Feb 2007
    الموقع
    الاسكندرية -مصر
    الردود
    3,314
    الجنس
    أنثى
    يسعدنى اكون اول واخدة تردعليكى شكرا على المعلومات المفيدة بارك اللة فيكى

  3. #3
    تاريخ التسجيل
    Nov 2006
    الموقع
    أحلى بلد مصر
    الردود
    2,841
    الجنس
    أنثى

    work

    تعقيب كتبت بواسطة شفيقة عزت محمود عرض الرد
    يسعدنى اكون اول واخدة تردعليكى شكرا على المعلومات المفيدة بارك اللة فيكى

    سعادتى أنا أكبر يا حبيبتى
    لأنك من الناس الجمال اللى انا بأعتز بيهم وبمداخلاتهم
    مشكورة
    مرورك عطر صفحتى

  4. #4
    تاريخ التسجيل
    Jun 2009
    الموقع
    بين احبابي
    الردود
    10,329
    الجنس
    امرأة
    التكريم
    (أوسمة)
    مشكورة اختي على المعلومات القيمة
    بارك الله فيك
    ويعطيك العافية

  5. #5
    تاريخ التسجيل
    Jan 2011
    الردود
    188
    الجنس
    أنثى
    مشكورة ياقلبي على الشرح الجميل
    وصار الموضوع كله عمليه حسابيه
    وربي يفتحها عليك ونولك الي في بالك

  6. #6
    تاريخ التسجيل
    Dec 2007
    الموقع
    فلســ قلب ــــطين
    الردود
    11,612
    الجنس
    أنثى
    التكريم
    (أوسمة)
    الله يعطيكي الف الف عااااااااافية




  7. #7
    تاريخ التسجيل
    Nov 2006
    الموقع
    أحلى بلد مصر
    الردود
    2,841
    الجنس
    أنثى

    work

    تعقيب كتبت بواسطة يبرودية عرض الرد
    مشكورة اختي على المعلومات القيمة
    بارك الله فيك
    ويعطيك العافية
    ويعطيك ألف عافية حبيبتى
    نورتى الموضوع
    بطلت الحلوة
    وحشتينى

  8. #8
    تاريخ التسجيل
    Nov 2006
    الموقع
    أحلى بلد مصر
    الردود
    2,841
    الجنس
    أنثى

    work

    تعقيب كتبت بواسطة التقوى الاصلية عرض الرد
    مشكورة ياقلبي على الشرح الجميل
    وصار الموضوع كله عمليه حسابيه
    وربي يفتحها عليك ونولك الي في بالك
    الحمد لله انك شفتى الموضوع
    والحمد لله انه عجبك
    كنت بأفكر ابعت رسالة على الخاص
    عشان أقولك على الرابط
    لكن أهو الحمد لله انك دخلتى
    وان شاء الله يكون الموضوع اصبح سهل بالنسبة لك
    واى اسئلة انا تحت أمرك

  9. #9
    تاريخ التسجيل
    Nov 2006
    الموقع
    أحلى بلد مصر
    الردود
    2,841
    الجنس
    أنثى

    work

    تعقيب كتبت بواسطة ~~زهرة المدائن~~ عرض الرد
    الله يعطيكي الف الف عااااااااافية
    ويعطيكى
    1000
    1000
    عافية يا قمر
    نورتينى

  10. #10
    تاريخ التسجيل
    Apr 2007
    الموقع
    عروس البحر المتوسط
    الردود
    1,271
    الجنس
    امرأة

    ايه الجمال دا يا مسترى
    موش قلت لك حتخلينى
    اعشق التريكو
    انا كنت بحبه الاول واهملته
    بس شكلى كده على ايديكى الجميله دى
    حعشقه
    تسلمى يا موسوعه التريكو

مواضيع مشابهه

  1. صيفنا إبداع: " روضة السعداء" ***///سعادة الدنيا والاخرة " التقوى " ***///الجزء الثالث//
    بواسطة الثمال في روضة السعداء
    الردود: 12
    اخر موضوع: 13-10-2011, 03:54 AM
  2. صيفنا إبداع: " روضة السعداء"***///سعادة الدنيا والاخرة " التقوى " ***///" ردود قيمة "
    بواسطة الثمال في روضة السعداء
    الردود: 17
    اخر موضوع: 03-09-2011, 03:43 PM
  3. الردود: 16
    اخر موضوع: 03-09-2011, 03:42 PM
  4. $$$ كيفية تحديد عدد غرز البداية لأى عمل $$$ "تريكو وبس"
    بواسطة mistry في ركن الكروشيه والتريكو
    الردود: 32
    اخر موضوع: 20-12-2010, 07:50 AM
  5. سلطة القيصر ""سيزر سالاد"" بالصوص الأصلية ... من لبنان وبالصورة !
    بواسطة لبنان وحبايبه في المقبلات والسلطات والشوربات والمشروبات
    الردود: 70
    اخر موضوع: 03-09-2009, 10:35 AM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ