بسم الله الرحمن الرحيم

السلام عليكم ورحمه الله وبركاته

رجعت لكم يا حلوات القسم مع الدرس الثاني وهو (( الغرزه العدله ))

نفتكر مع بعض شكل غرز البدايه اللي عملناها في الموضوع الأول اللي موجود في الرابط ده

http://www.lakii.com/vb/showthread.php?t=702782

ده شكل غرز البدايه اللي عملناها وكان عددهم 20 غرزه

ودلوقتي هنشوف طريقه شغل الغرزه العدله وهي سهله جدا

يلا بينا مع بعض نشوفها

الأول بنحط الإبره اللي عليها الغرز في إيدنا الشمال والإبره الفاضيه في إيدنا اليمين

بندخل سن الإبره الفاضيه اللي في اليمين في أول غرزه في الإبره الشمال بالشكل ده

وبعدين بنلف الخيط علي الإبره اليمين من تحت بالشكل ده

ودي صوره كمان

وبشويش بنسحب الخيط اللي لفيناه من جوه الغرزه اللي وضعنا الإبره بداخلها بالشكل ده

استنوني علشان نكمل

رجاء عدم الرد

يلا بينا نكمل

بنسلت الغرزه اللي اشتغلناها من علي الإبره الشمال بالشكل ده

وبكده نكون اشتغلنا أول غرزه

يلا بينا نكرر الموضوع ده في باقي ال20 غرزه لحد ما نخلصهم كلهم

وهيبقوا بالشكل اللي احنا شايفينه ده

وطبعا هنلاحظ إن الغرز اللي كانت علي الإبر الشمال دلوقتي بقت علي الإبره اليمين

طيب ما تيجوا نشتغل سطر تاني علشان نمرن إيدينا علي الغرزه

يلا إنقلوا الإبره اللي عليها الغرز في الإيد الشمال

ويلا بينا نكرر اللي عملناه من الأول تاني لحد ما نخلص السطر كله وده هيكون شكله

طبعا ملاحظين إن الشغل بدأ يطول ويبان شكل الغرزه

طيب مين الحلوه اللي هتطبق 10 سطور وتفرجني علي التطبيق بتاعها

أنا مستنيه علشان نبدأ في درسنا الثالث بتاع الغرزه المقلوبه

يلا يا جميلات يا أمورات متتأخروش عليا

وده شكل التطبيق بتاعي للـ 10 سطور

وطبعا الغرزه العدله بنختصرها وبنرمز لها بالرمز ع

يا رب يكون شرحي واضح وبسيط ومش ملخبط

وأي استفسار أنا في الخدمه

يلا وروني التطبيقات

حلو الدرس وسهل
ممكن تستنى تطبيقى بس مش النهاردة ولا بكرة لانى عندى امتحان بكرة
وان شاء الله ابقى تلميذة شاطرة واعجبك يا ابلة

ما شاء الله
شرحك رائع جدا
جزاك الله كل خير

الدروس دي نزلت في وقتها تمام
ياريت بقي تكملي شرح التريكو كله
بالحردات اصل دي عقدتي
تسلمي يا احلي مورو

ما شاء الله شرحك ممتاز ذكرتيني بالاستاذة الي علمتني ..

تسلمي اختي الغالية .. و إن شاء الله يكتبلك أجر عملك ..

كتبت بواسطة ميس فلة

حلو الدرس وسهل

كتبت بواسطة ميس فلة

ممكن تستنى تطبيقى بس مش النهاردة ولا بكرة لانى عندى امتحان بكرة
وان شاء الله ابقى تلميذة شاطرة واعجبك يا ابلة

حبيبه قلبي ربنا معاكي في الإمتحان

ومستنيه تطبيقك لآآآآآآآآآآآآآآآآآآآآآآآخر العمر هههههههههه

وإنتي شطوره من غير تطبيق ولا حاجه يا قمر

كتبت بواسطة لبنانية بجدة

ما شاء الله

كتبت بواسطة لبنانية بجدة

شرحك رائع جدا
جزاك الله كل خير

يا خبر أنا مش مصدقه نفسي

لولو في موضوعي

ربنا يخليكي ليا يا سكره ويجازيكي كل خير

وألف شكر علي الشعار اللي باعتبره وسام علي صدري