بسم الله الرحمن الرحيم


السلام عليكم ورحمه الله وبركاته



دي أول مره أنزل درس مصور وباتمني إنه يكون مفيد للمبتدئات وأي استفسار أنا حاضره للإجابه عنه


يلا بينا نبدأ خطوه خطوه


في الدرس ده هنتكلم عن البدايه في الشغل وإزاي نعملها علشان تبقي مضبوطه


في الأول باشوف الخيط بتاعي وحجم الإبر اللي تنفع معاه وده الخيط والإبر بتاعتي







وبعدين لما أبدأ الشغل باشتغل علي الإبرتين معا علشان الشغل يبقي مرتب ومش مشدود







وبعدين باقيس الخيط علي طول الإبره علشان أعرف هاشتغل كام غرزه بطول الخيط لإني باحب أشتغل بالخيط مجوز علشان ميبقاش مشدود







بعد ما أحدد طول الخيط أثنيه من آخره علشان يبقي مجوز ( مزدوج )







هنبدأ في الجد بقي استنوني وتابعوني


برجاء عدم الرد

نيجي دلوقتي لخطوه عمل البدايه

بنحط الجزء المزدوج من الخيط من فوق الإبره وبيكون علي اليمين

والجزء الفردي بيكون كمان من فوق الإبره من علي اليسار بالشكل ده

وبعدين باحط الخيط المزدوج فوق أصابعي بالشكل ده

وبعدين بألفه فوق صباعي بالشكل ده

وبعدين بادخله في الإبره بالشكل ده

وبألف الخيط المفرد من الناحيه الثانيه علي الإبره بالشكل ده

ونمسك الخيط المفرد بإيدنا علشان يبقي مشدود علي الإبره

ونلف الخيط المزدوج من فوق الإبره ومن فوق الخيط الفردي بالشكل ده

استنوني هنكمل مع بعض

برجاء عدم الرد

بدايه موفقه ياحبيبتي في انتظار المزيد

وبعدين يا حلوين بنبدأ بشويش نشد الخيط المزدوج والخيط الفردي علشان نعمل غرزه علي الإبره بالشكل ده

وهكذا لحد ما نعمل عدد الغرز اللي محتاجينها

أنا هنا عملت 20 غرزه علشان لما أشتغل يكون شكل الغرز باين

نيجي لحاجه مهمه دلوقتي بعد ما خلصنا عدد الغرز

إننا بشويش نشد إبره من الإبرتين للوراء والتانيه للأمام مع الحفاظ علي الغرز في منتصف الإبره علشان ميتفكوش بالشكل ده

وكده الحمد لله فصلنا الإبرتين وتمت العمليه بسلام

وده شكل الغرز اللي اشتغلناها بعد ما سحبنا الإبره

يلا يا بنوتات يا جميلات مستنيه التطبيق علشان نبدأ في الدرس التاني

وعلي فكره الدروس دي مهداه للجميله لحن القول ولكل بنوته عاوزه تبدأ تشتغل الشال بتاع رونا ومش عارفه تعمل إيه

بالتوفيق يا قمرات

في انتظار تطبيقاتكم يا غاليات

درس جميل يا عسولتى
وعلى فكرة انا كنت دايما ابدأ بالشغل على ابرة واحده وعلشلن كده كان دايما بتبقى الغرز ضيقة
شكرا على المعلومات يا قمر

كتبت بواسطة نجم الزمان

بدايه موفقه ياحبيبتي في انتظار المزيد

تسلمي لي يا قمرايه يا سكره

يا رب تكون الدروس مفيده لإني بصراحه أول مره أحاول أشرح بالشكل ده

ومستنيه تطبيقك يا قمر

كتبت بواسطة ميس فلة

درس جميل يا عسولتى

كتبت بواسطة ميس فلة

وعلى فكرة انا كنت دايما ابدأ بالشغل على ابرة واحده وعلشلن كده كان دايما بتبقى الغرز ضيقة
شكرا على المعلومات يا قمر

أنا مش مصدقه نفسي

أموله الجميله منوره موضوعي بنفسها

ربنا يخليكي ليا يا قمرايه ويحفظك من كل سوء ويا رب يكون عجبك بجد

أنا كنت متخيله إن كل الناس عارفه المعلومات دي وإني مش هابقي باضيف حاجه جديده والله رفعتي معنوياتي

موضوع روووووووعه
تسلمين من كل شر و ربي يوفقك يارب
معلومات بجد رااااااااااائعه

معلومة جامدة يا مورو ومهمة جدا
انا كنت بشتغل بيها بس علي ابرة واحدة وبعد كدا جربت الابرتين
الغرز كانت بتبقي مرخية والشغل بيتظبط
تسلمي يا جميل علي الدرس