ده صوره البونشو






الباترون






وده رابط الورشه اللى حابه تتابعها بالتفصيل بس انا جمعتلكوا الخلاصه علشان مش تتوهوا

http://www.lakii.com/vb/showthread.php?t=692215


البداية
اعملى س وليكن من 60 غرزة

السطر الاول غرزة حشو على طول السلسلة

السطر التانى
3س ثم صدفة مكونة من 2 عمود مجمعة و2س ثم 2 ع مجمعة فى تالت غرزة حشو
وتسيبى غرزتين حشو وتكررى الصدفة للنهاية وتنهى السطر بعمود


السطر التالت
تعملى 3س كاول عمود
تعملى صدفة فوق الصدفة ثم 1س ثم صدفة فوق الصدفة للنهاية وتنهى بعمود بلفة

السطر الرابع
تعملى 3س كاول عمود +2س ثم صدفة فوق الصدفة ثم 3س ثم صدفة فوق الصدفة وتكملى للنهاية
تنهى ب 2س وعمود


السطر الخامس
3س ثم عمود فى نفس المكان ثم 2س
ثم صدفة فوق الصدفة و5س ثم صدفة فوق الصدفة وهكذا للنهاية وتنهى ب2س و2عمود فى نفس المكان

السطر السادس
3س ثم 2ع فوق اعمدة السطر السابق ثم 3س
صدفة فوق الصدفة ثم 3س ثم صدفة فوق الصدفة ثم 2س وع و2س ثم ع ثم 2س فى الغرزة التالتة من فراغ الخمس سلاسل

صدفة فوق الصدفة ثم 3س ثم صدفه فوق الصدفة وهكذا للنهاية
ولاحظى ان اخرالسطر ينتهى بصدفتين
و3س ثم 3 اعمدة بلفة فوق اعمدة السطر السابق


السطر السابع
البداية 3س ثم 2 اعمده فى نفس المكان
ثم 3س ثم صدفة فوق الصدفة ثم 2س ثم 2ع بلفة و2س و2ع
فى فراغ 2س اللى بين العمودين ثم 2س ثم صدفة فى الصدفة وتكملى للنهاية بنفس الطريقة
وتنهى بنفس البداية
لاحظى شكل الصدفة بالعاوميد العادية
وكمان هتلاحظى فى الصورة ان الشغل ملخبط فى السطور اللى قبل كده
ما تاخديش فى بالك ماشى ههههههههههه

السطر الثامن

البداية
4س ثم 3 عمود بلفتين فى نفس المكان وس
صدفة فوق الصدفة ثم س وصدفة فوق الصدفة
ثم س و7 عمود بلفتين فى فراغ الاتنين س من الصدفة بالعامويد العادية
ثم س ووصدفة فوق الصدفة
وتكررى للنهاية ولاحظى ان النهاية مثل البداية فى كل السطور






السطر التاسع
5س ثم عمود بلفتين فوق العمود الاول من السطر السابق ثم س وعمود بلفتين على العمود التانى من السطر السابق

وس ثم عمود بلفتين على العمود الاخبر
ثم س وصدفة فوق الصدفة ثم صدفة على الصدفة التالية من غير اى فواصل بينهم

ثم س وتعملى 7 عمود بلفتين على ال7 من السطر السابق وبينهم س
وتكملى للنهاية










السطر العاشر
البداية 3س ثم 2 عمود مجمعة فى فراغ السلسلة بين العامودين
ثم س وعمودين مجمعة فى فراغ السلسة القادم وكمان س وعمودين مجمعين فى لفراغ القادم
ثم س وصدفة فوق الصدفة ثم صدفة فوق الصدفة التالية
ثم س و6 عمودين مجمعة فى الفراغ ما بين العامودين من السطر السابق
ثم س وصدفة فوق الصدفة ثم س وصدفة فوق الصدفة وتكملى للنهاية




السطر الحادى عشر

البداية س ثم حشو فى نفس المكان
ثم 5س وحشو فى السلسة ما بين العامويد المجمعة ثم 5س وحشو فى الفراغ القادم ثم 3س
وصدفة فوق الصدفة ثم 3س ثم صدفة ثم 3س وحشو فى اول فراغ ما بين العمودين المجمعة
ثم 5س وحشو و5س وحشو تكررى لحد ما يبقى عندك 4 لوبات كل واحد مكون من 5س
ثم 3س ثم صدفة فوق الصدفة ثم 3س وصدفة فوق الصدفة وتكررى حتى النهاية

مشكورة اخت تاتا
يعطيك العافية

السطر التانى عشر
البداية 5س ثم حشو فى وسط اللوب من السطر السابق ثم 5س وحشو فى وسط اللوب التانى
3س ثم صدفة فوق الصدفة ثم 2س وع ثم 2س ثم ع ثم 2س فى السلسلة التانية من فراغ الثلاثه سلاسل
ثم صدفة فوق الصدفة و3س وحشو فى وسط اللوب الاول وتكملى لوبين مكونين من خمس سلاسل هيبقوا 3 لوب


السطر الثالث عشر

البداية
6س ثم حشو فى وسط اللوب من السطر السابق
3س ثم صدفة فوق الصدفة ثم 2س و2ع و2س و2ع فى السلستين ما بين العمودين من السطر السابق
ثم 2س وصدفة فوق الصدفة ثم 3س وتعملى لوبين بس مكونة من خمس سلالسل
وتكملى للنهاية على نفس المنوال



السطر الرابع عشر
البداية
س ثم حشو فى نفس المكانثم 5س وحشو فى اللوب
ثم 4س وصدفة فوق الصدفة ثم 3س و7 اعمدة بلفتين فى الفراغ ما بين الاعمدة من السطر السابق ثم 3س وصدفة فوق الصدفة ثم 4س وتعملى لوب واحد فقط من 5س و4 س وصدفة فوق الصدفة وتكملى السطر للنهاية




وده نص الاناناسة من بره



السطر الرابع عشر
س ثم حشو فى نفس المكان وتعملى 5س وصدفة فوق الصدفة
ثم 3س و7 اعمدة بلفتين بينهم س على السبع عمدان من السطر السابق و3س ثم صدفة فوق الصدفة
ثم 5س وتعملى حشو فى راس اللوب الوحيد من السطر السابق ثم 5س وصدفة فوق الصدفة وتكملى للاخر على هذا الشكل

السطر الخامس عشر
ملاحظة فى الباترون الاساسى واللى اتضح انه اصلا باترون ياقة مش بونشو السطر الخامس عشر هو الاخير
بس علشان يبقى الطول مقبول ممكن تكررى الاناناسة من جديد زى السطور اللى فاتت
وممكن ترجعى لصورة البونشو مش صورة الباترون
البدايه 3س ثم صدفة فوق الصدفة ثم 3س و2ع مجمعة فى فراغ السلسلة ما بين العمودين من السطر السابق وتعملى كمان 5 عمودين مجمعة فى فراغ السلسلة علشان يبقى عندنا 6 عمدان مجمعة بينهم س
ثم 3س وصدفة فوق الصدفة ثم صدفة فوق الصدفة التالية بدون اى سلاسل بينهم
وتكملى للنهاية بنفس الطريقة

بسم الله الرحمن الرحيم
نستكمل مع بعض يا حلوين

كنا وقفنا عند السطر الخامس عشر وقلنا انه الاخير فى الباترون
بس البونشو كده يبقى صغير اوى
وعلشان كده هنكمل دور اناناسة علشان نطول البونشو شوية

كان شكل الدور الخامس عشر كده















هنبتدى فىا السطر السادس عشر وده من الصورة الاساسية للبونشو
البداية 3س ثم صدفة فوق الصدفة ثم 3س وحشو بين اول عمودين مجمعة والتانية ثم 5س وحشو فى الفراغ التالى وتكملى الخطوة دية لحد ما يبقى عندك 4 لوبات مكونة من 5س ثم 3س وصدفة فوق الصدفة ثم 3س وصدفة فوق الصدفة وتكملى للنهاية بنفس الطريقة

والنهاية هتبقى
صدفة فوق الصدفة ثم عمود







هتبداى تكررى الاسطر السابقة من الاناناسة بنفس الخطوات ماعدا ان الفرق هيبقى فى البداية والنهاية
يعنى البداية هتبقى 3س وصدفة فوق الصدفة والنهايه هتبقى صدفة فوق الصدفة وعمود

السطر السابع عشر
تكرار للسطرالثانى عشر

السطر الثامن عشر تكرار للتالث عشر وهكذا لحد ما توصلى للسطر








من تانى اللى هو السطر تقريبا الرابع والعشرون
#اتاكدوا من العدد الصحيح لانى مش متذاكره قوى # مع فرق وحيد
انك بدل ما تعملى المسافة بين العمدان المجمعة س واحده هتعملى 3 س

وتبدأى تعملى الحافة

فى حاله انك مش عاوزة تعملى لياقة
ولكن اذا كنتى هتعملى لياقة استنى على ما تخلص اللياقة وكملى شغل الحافة

الحافة امشى بغرزة الحشو على الحافة بتاع البونشو مع عمل بيكو او 3س بين كل 3 غرز حشو بالشكل ده



اللياقة هنيجى من فوق ونعمل سطر حشو فوق السطر الحشو الاول



ثم نكرر الدور التانى من البونشو
يعنى تطلعى 3س وتعملى صدفة فى الحشو التالتة ثم تسيبى 2حشو وتكملى صدفة فى التالتة وهكذا للنهاية


السطر التالى هتكملى الصدفات وبينها س
السطور التالية انا عملت 5 كمان نفس السطر التالت
وهيكون عندك الشكل ده



وبعد ما تكملى الحافة بيبقى شكل اللياقة كده
عملتها بلون مخالف علشان تبان

طبعا
ده شكل شغل البونشو بال2 اناناسة
انصح اللى ناوى يعمل البونشو بعد كده ما يستخدمش خيط جنجناه لانه مش مبين الغرزة زى ما هتشوفوا دلوقتى












وده تطبيقات الحلوين المشتركين فى الورشه

شكرا تاتا على التجميع يا قمر
سبقتينى بجد ليها بس مفيش فرق بينا
تسلمى على المجهود يا قمر وان شاء الله نشوف من تحت ايديكى احلى بونشو

جزيل الشكر لكما علي هذا الجهد
تسلموا حبايبي ميس وتاتا