تسلم ايديكى ... شغل رائع

طولتي علينا يا غالية فين الدرس

السلام عليكم ورحمة الله وبركاته
أنا موجوده والله
ويلا رح عوضكم الانتظار بتنزيل الدرسين الثاني والثالث الباقيين الآن

وأترككم مع التطبيق وعرض السكارفات الحلوه

بسم الله ابدأ بالرد القادم

بسم الله الرحمن الرحيم

الدرس الثاني
خلصنا من سطرين الخط الاول
واخر شي الخيط موجود عند منزلقه اخر بتله

الان تقدري تطلعي فورا بعشر سلاسل للخط الثاني بس رح تبقى الورده بتتحرك وانا ما حبيت حركتها لانها بتطوي على بعضها وعاللبس رح تبقى مو مبينه
فعملت هالحركه القادمه ولقيتها أحلا بهالشكل والشي راجعلك

عملت سلسلتين

وعملت بعدهم منزلقه بين البتلتين الي في الاعلى

شوفي كيف

شو بتحبوا اعملوه هون على راحتكم


بعدين منطلع بالعشر سلاسل الي قلنا عنهم وباينين بالصوره
رح يكونوا خمسه منهم ارتفاع بالطول والخمسه الثانين رح يمشوا بالعرض لنعمل الخط التاني من السكارف
بعدين خمس سلاسل ونغلقهم بمنزلقه هكذا

اطلعي الان بسلاسل البتله الاولى لهذه الورده وقلبي الشغل
(3 سلاسل-2عمود - 3 سلاسل)

اغلقيهم بمنزلقه بدائره مركز الورده الاولى لهذا الخط

خلي الشغل مقلوب واعملي عمود بتلات لفات على عرزه الحشو الي عملناها بين سلاسل الخط الاول
وهي صوره الشغل الان وهو مقلوب
ويااااااااااااااااااااااارب ما تضيعوا معي

ههههههههه

اعملي الان البتله الثاتيه الي من تحت لهذه الورده

بعد اغلاق البتله بالمنزلقه تابعي العمل فورا بخمس سلاسل

الان عمود ب 3 لفات فوق الورده الثانيه من الخط السابق ودخلي السناره لهذا العمود داخل دائره المركز للدائره الي تحته

وهي صوره للعمود بلافاته ال 3 قبل ما ارفعه للتوضيح اكثر

كملي هذا الخط ب خمس سلاسل وبعدهم كمان 5 سلاسل مغلقين بمنزلقه
ايضا راعي اغلاق هذه الدائره للورده من الاسفل حتى نعمل البتلتين يلي تحت

عملي البتله الاولى لهذه الورده ثم عمود ب 3 لفات على غرزه الحشو من الخط السابق

البتله الثانيه (3 سلاسل - 2 عمود بلفه - 3 سلاسل يغلقوا بمنزلقه في دائره المركز لهذه الورده) وبعدهم فورا خمس سلاسل

عمود ب 3 لفات يدخل بين البتلتين الي فوق من وردة الخط السابق واضح هيك؟ والصوره والبترون بيوضحوا اكتر

يتبع بإذن الله

الان تقلبي الشغل
خمس سلاسل ومنزلقه داخل دائره مركز الورده وتبدأي فورا بارتفاع البتله الثالثه وتخلصيها وتعملي البتله الرابعه فورا وتغلقيها بمنزلقه
لا تنسي مراعات ان تكون المنزلقه الاخيره لاغلاق الورده بجانب السلاسل من السطر السابق
الان خمس سلاسل وغرزه حشو فوق العمود ب3لفات من السطر السابق
وبعدهم خمس سلاسل ثانيه ومنزلقه داخل الدائره الي امامك

شدي الشغل يإيدك كل شوي حتى يبان معك اكتر
اعملي بتلتين الثالثه والرابعه للورده الثانيه من هذا الخط
( بالترتيب المعتاد لكل بتله 3 س 2 عمود 3 س)

ثم خمس سلاسل ونختم الخط الثاني بغرزه حشو بالسلسله الخامسه من السطر السابق

شوفي الصورة

خلص هيك مراحل عمل السطر الثاني وننتقل للسطر الثالث والدرس الثالث

الخط الثالث
نعمل خمس سلاسل للوصول الى ارتفاع الخط الثالث ثم:
نعمل 5 س ونغلقهم بمنزلقه يصبح لدينا دائره مركز الورده الاولى بالخط الثالث
بعدها فورا خمس سلاسل هكذا



اعملي عمود ال 3 لفات ويكون في منتصف الدائره من الورده الي تحتها بين البتلتين وبعده خمس سلاسل
وكمان خمس سلاسل واغلقيهم بمنزلقه(المنزلقه باسفل متل الصوره) ومثل ما عملنا سابقا لتكون مركز الورده المنتصف لهذا الخط

اعملي البتله الاولى لهذه الورده من الجهة السفلى متل الصوره



ثم عمود ب ثلاث لفات وينزل على غرزة الحشو الي في الخط السابق
واكملي فورا بالبتله الثانيه لهذه الورده



تابعي السطر بخمس سلاسل و عمود ب 3 لفات ينزل بين البتلتين للورده الي في الخط السابق


ثم خمس سلاسل وكمان خمس سلاسل مغلقين يمنزلقه

وارتفعي 3 سلاسل بدايه للبتلات واعملي اول بتله

ثم العمود ب 3 لفات على اخر سلسله من الخط السابق متل الصوره التاليه

وابدئي فورا ببقيه البتلات الاربعه متل الصوره التاليه
مع خمس سلاسل بعدهاهنا العمل بينقلب معاكي بالاتجاه العكسي.. غرزه حشو فوق العمود من السطر السابق وكمان 5 غرز سلسله ومنزلقه داخل دائره مركز الورده الوسطى ثم ارتفعي 3 س للبتله الثالثه من هذه الورده

كملي عمل البتلتين الثالثه والرابعه وبعدهم 5 سلاسل وغرزة حشو فوق العمود ب 3 لفات الي بالسطر السابق

كمان 5 س و منزلقه داخل دائره مركز الورده الاخيره بهالخط

ارتفعي فورا 3 س وابدأي بالبتلات الاربعه نفس طريقه اخر ورده بالسطر الاول الي اشتغلناها بالدرس الاول والصور واضحه

في ملاحظتين هنا:

حاولي باخر بتله باخر الخط انك تدخلي عوميدها ومنزلقه سلاسلها بالزاويه الي رح حدد عليها بدائره وهالشي حتى يطلع الشغل ارتب

ومتل ما قلنا عند عمل الورد الي على الزاويه فكره انك تعملي سلسلتين ومنزلقه بين البتلتين الي بالورده من فوق حتى تثبت الورده مكانها وما تتحرك وبرجع بقول لووو حبيتي

وفي طريقه تانيه حتى نثبت الورده انك تسحبي خيط السناره من جوا مركز الدائره لبرا متل هالصوره


وخلي 5 سلاسل الارتفاع يبدأو من بين البتلتين الي فوق وبالتالي بتثبت الورده مكانها وبيكون شكلها حلو

ولو ما فهمتي مني شي انسي الملاحظه التانيه وخلي الورده تتحرك بيكون كتير منيح هههههههههههههههههه

ارتفعي 5 سلاسل وابدأي نفس الدرس الثاني خلصيه ثم ابدأي بالدرس الثالث ثم الثاني ثم الثالث وهكذا
حتى يكتمل عندك السكارف التالي

يلا خلصنا الدروس والآن كملي ارتفاع بالخطوط حتى توصلي للطول يلي بيعجبك بالاسكارف

يلا يا حلوات التطبيقات ولو عندكم اي سؤال أنا حاضره بإذن الله

همتكم بقا

الله يعطيكي العافية يارب
وتسلمي على الشرح الواضح والصور الاوضح
الف شكر شامو
معلش بعد اذنك يا ابلة انا تطبيقي رح يجي بعد بنطلون بنت اخي

كتبت بواسطة alyaman

الله يعطيكي العافية يارب
وتسلمي على الشرح الواضح والصور الاوضح
الف شكر شامو
معلش بعد اذنك يا ابلة انا تطبيقي رح يجي بعد بنطلون بنت اخي

هههههههههههههههه

ولا يهمك يا عيون ابله

انتي خلصي من طقم بنت اختك وخلينا نشوفو مع السكارف

كتبت بواسطة shamooo0

هههههههههههههههه

ولا يهمك يا عيون ابله

انتي خلصي من طقم بنت اختك وخلينا نشوفو مع السكارف

ولا يهمك يا ابلة بس انتي طولي بالك علي ومشان التأخير لا تنقصي العلامات