السلام عليكم

بنات طلبتكم ادري مراح تردوني
الشاطرة في الباترونات ياريت تقرا لي الباترون حتى لو نصه

بترجم الباترون دلوقتى
ان شاء الله الصبح لو النت مظبوط انزلك الترجمة
بس لو اعرف هو باترون ايه

البترون سهل والفكرة انك تكونى فاهمه ترجمه الرموز وهى عبارة عن غرزة السلسلة وعمود بلفة وعمود من غير لفه انا مستعدة للمساعدة مع الاخوات

هو باترون بونشو

ما شاء الله
البونشو شيك أوى
والبنوتة زى العسل
ان شاء الله أمل فيها بركة وبقية البنات يساعدوكى

وان شاء الله نتفرج عليه من ايديكى الحلوة
موفقة

البونشو روعة
ان شاء الله على ميعادنا

مشكورة مقدما

موفقه باذن الله

بما ان الموضوع بونشو
فالبداية انك تعملى عدد من السلاسل على محيط رقبة الطفلة
السطر الاول عمود بلفة فى كل غرزة من السلسلة من السطر السابق
السطر التانى مثل السطر الاول
السطر الثالث تعملى على كل عمود عمود وسلسلة ثم عمود على العمود الذى يليله
السطر الرابع
عمود ثم 6س غرز طائرة اللى هى السلسلة وبعدين تسيبى 3 عمدان وتعملى عمودفى العمود التالت ثم 3س ثم عمود فى الفراغ ما بين العمود الرابع والخامس ثم 3س وعمود فى الفراغ اللى ما بين العمود الخامس والسادس و3س ثم تعملى عمود فى الفراغ التالى
وتكملى 6سلاسل وتسيبى 3 اعمدة وتعملى فى العمود الرابع وتكررى الخطوات دية للنهاية

السطر الخامس
البداية عمود ثم 10 اعمده فى فراغ الست سلاسل اللى فى السطر لسابق
ثم 2س ونص عمود فى اللوب الاول المكون من الثلاث سلاسل من السطر السابق
ثم 3س ونص عمود فى وسط اللوب التانى و3س ثم نص عمود فى اللوب التالت
هتلاحظى تكون لوبين بس
وتعملى 2س وتكملى 10 اعمده فى فراغ الست سلاسل من السطر السابق وتكملى باقى الخطوات للنهاية

السطر الخامس
عمود فوق كل عمود من السطر السابق ثم 2س ونص عمود فى اللوب من السطر السابق وبعدين 3س ثم نص عمود فى اللوب التالى هيتكون عندك لوب تانى ثم 2س وتكملى العاومايد زى الاول
للنهاية
السطر السادس
عمود فوق كل عمود من السطر السابق بس المرة دية بينهم سلسلة وبعدين 2س وتعملى نص عمود فى اللوب الوحيد من السطر السابق
ثم 2س وتكملى العمدان وبين كل عمود وعمود واحد سلسلة