المرحلة الاولى هى المسافة بين السهمين اللى فى الصورة حسب الطول اللى انت تحبية

اشتغلى سلسلة بالطول المطلوب

السطر الاول اشتغلى فوق كل سلسلة عمود لاخر السطر

السطر الثانى اشتغلى 3سلسلة بمثابة اول عمود ثم 1سلسلة ثم ركزى معايا

سيبى2غرزة من تحت واشتغلى عمود فى تالت غرزة
ثم عمود اخر فى تانى غرزة من اللى سيبتيهم فى الاول وبكدة يصبح عندك عمودين متقاطعين

ثم( 1س وسيبى غرزتين من تحت وعمود فى الغرزة التالتةثم عمود فى تانى غرزة من اللى سيبتيهم )

كررى ما بين الاقواس لاخر السطر

السطر التالت وجميع السطور الفردية مثل السطر الاول

السطر الرابع وجميع السطور الزوجية مثل السطر الثانى

كررى السطور حتى تصلى للطول المساوى لدوران الذراع واقطعى

المرحلة التانية حنعمل حافة المعصم
اديرى الشغل بحيث يصبح جانب الشغل فى وضع افقى امامك واشبكى الخيط فى الطرف

اشتغلى سطر غرزة حشو ثم السطر الاول اعمدة مثل السطر الاول السابق

السطر الثانى متل السطر التانى السابق

كررى حتى تصلى للطول المناسب

هذاشرح للمعصم الاول الرصاصي الىغامق

بالنسبة للمعصم التانى



اشتغلى سلسلة بطول دوران الذراع

السطر الاول اشتغلى 3س بمثابة اول عمود ثم 2س واتركى 2س من السطر اللى تحت واشتغلى عمود فى الغرزة التالتة

(ثم 2س واتركى 2 س من السطر اللى تحت ثم عمود فى الغرزة التالتة )وهكذا لنهاية السطر وبكدة تحصلى على سطر مكون من مربعات فارغة

السطر التانى اشتغلى عمود فوق اول عمود ثم 2س ثم عمود فوق تانى عمودثم عمودين فوق السلسلتين اللى تحت ثم عمود فوق تالت عمود وكدة يصبح عندك مربع فارغ ومربع مليان

كررى لنهاية السطر مربع فارغ ومربع مليان

السطر التالت متل التانى ولكن اعكسى وضع المربعات
يعنى فوق الفارغ اشتغلى مليان وفوق المليان اشتغلى فارغ
كررى السطور بنفس الطريقة حتى تصلى للطول المناسب وخلى السطر الاخير كلة مربعات فارغة

لعمل الحافة

اشتغلى عمود فوق اول عمود ثم 3عمود فوق السلسلتين اللى بين العمودين ثم ثم عمود فوق العمود التانى ثم 3عمود فوق السلستين التالين ثم عمود فوق العمود الثالت وكدة تبقى اشتغلتى 9 اعمدة فوق المربعين الاول و التانى

ثم 2س واتركى المربع التالت واشتغلى فى وسط المربع الرابع عمود وسلسلة وعمود ثم 2س واتركى المربع الخامس

كررى ما سبق 9اعمدة فوق المربع السادس والسابع ثم 2س واتركى المربع التامن واشتغلى فى وسط التاسع خمود وسلسلة وعمود ثم 2س واتركى المربع العاشر

كررى بنفس الطريقة لنهاية السطر

السطر التانى اشتغلى فوق ال9 اعمدة عمود فوق كل عمود ثم 2س ثم فى وسط العمودين اشتغلى عمود وسلسلة وعمود ثم 2س

ثم 9اعمدة ثم 2س ثم عمود وسلسلة وعمود ثم 2س وكررى لنهاية السطر

السطر التالت اتركى العمود الاول من ال 9 اعمدة ثم اشتغلى 7 عمود فوق السبع اغمدة التالين ثم اتركى العمود الاخير ثم 2س ثم عمود وسلسلة وعمود ثم 2س
كررى لنهاية السطر
السطر الرابع
اتركى العمود الاول من السبع اعمدة السابقين واشتغلى 5عمود فوق ال 5 اعمدة التالية واتركى العمود الاخير ثم 2س ثم عمود وسلسلة وعمود وسلسلة وعمود ثم 2س
كررى لنهاية السطر

السطر الخامس
اتركى العمود الاول ثم اشتغلى 3عمود واتركى العمود الاخير ثم 2س
ثم( عمود / س /عمود/س / عمود /س /عمود ) ثم 2س
كررى لنهاية السطر
السطر السادس
اتركى العمود الاول واشتغلى عمود ثم اتركى العمود الاخير ثم 2س ثم
(عمود /س /عمود /س/عمود /س/عمود/س/عمود )ثم 2س

السطر الاخير اشتغلى غرزة بيكو لتجميل الطرف

ارجو ان اكون افدتكم لاتنسوني من دعواتكم

يعطيج العافية
ويجعلة الله في ميزان حسناتك

اهلا بيكى حبيبتى
نورتى المنتدى

بس للأسف ما فيش صور
وكمان أنا مش عارفة الموضوع عن ايه
مشكورة

ظهرت عندى صورة المعصم التانى
ماشاء الله
شيك أوى وجميل
كدة المحكمة اتنورت
ههههههههههههههههه

تسلم ايديكى حبيبه قلبى
معصم رائع
وعلى فكره ممكن نطوله شويه
ان احنا نكرر الجزء اللى فى الوسط
مره اخرى ثم نعمل النهايات

تسلمي يا قمر علي الشرح

يسلموا يا قمر

تسلم الاياادي شرحك حلوو وجميل

بس لو حطيتي معااه صور بيكون مميز

يعطيك العافيه ي غاليه

مشكورة ويعطيك العافية
كتير حلوين
تسلم الايادي

ماشاء الله المعصم حلو كثير
ربي يبارك فيك