اخواتى الاعزاء من فترة جى على بالى اعمل شنطة تريكو قال يعنى انا استاذة فى التريكو ماعلينا قلت ادب فيها وبعد تدوير كتير لقيت ضالتى فى موضوع الاخت ميسترى فى كنوز التريكو

عايزة رايكم اعملها باى خيط ياترى صوف او خيط الصنارة اللى هو زى خيط المنجد السميك وحد يقول لىالكور اللى تحت بتتعمل ازاى

وعايزة دعواتكم علشان ربنا يسهل لى واعملها وتطلع حلوة

Ana aqoul a3mleha b ket al sof ahsan, w alkoar ali taht ten3amal bel snarah

best wishes

ماشاءالله الشنطه حلووه وان شاءالله مبدعات التريكو يفدوكي ,,,

موفقه ,,,

محدش عايز قول لى رايه ليه

رووووووووووووووووعه
وخيط صوف غالى هيخليها تحححفه
متسترخصيش لانك هتتعبى فيها
والخيط النظيف بيظهر جمال الشغل

أنا ما أفهم في التريكو إلا حاجة بسيطة جدا
ان شاء الله الفنانات في التريكو يفيدونك
بالتوفيق

فعلا الصوف لو خاماته كويسة بيبقى شغله جميل فى الكروشيه والتريكو
والكور هى كروشيه
بتبدأى ب2س وتعملى 6 غرز حشو فى تانى سلسلة من الابرة وتكملى السطر التانى على طول من غير ما تقفلى بمنزلقة علشان الشغل يبقى حلزونى وتعلمى بداية الشغل بقطعة من الخيط علشان تعرفى بداية السطر كويس

السطر التانى
2 حشو فى كل حشو من السطر السابق

السطر التالت
حشو ثم 2 حشو ثم حشو ثم 2 حشو و هكذا للنهاية

السطر الرابع حشو ثم حشو ثم 2 حشو ثم حشو ثم حشو ثم 2 حشو وهكذا للنهاية

السطر الخامس والسادس غرزة حشو فى كل غرزة حشو من السطر السابق

السطر السابع هتبدأى تنقيص تدريجيا
تعملى حشو ثم حشو ثم تنقيص وحشو ثم حشو ثم تنقيص وهكذا يعنى زى ما كنا بنزود 6 غرز فى كل سطر هنقص 6 غرز فى كل سطر


احشى الكورة بالفايبر او القطن
السطر التامن حشو ثم تنقيص ثم حشو وتنقيص لنهاية السطر
تكملى تنقيص لحد ما تلاقى الكورة بتاتك خلصت تقطعى الخيط وتسيبى منه حته كبيرة علشان تخيطى الطرف فى الكورة علشان ما يفكش منك
ويا رب اكون افدتك

والله ياقلبي ماعندي خلفية مع الاسف لانى
ما اشتغلت شنط الى الان وماعندي خلفية عن التريكو كمان

اشكركم على مروركم واشكر بالاخص الاخت امل مبروك على شرحها الجميل بارك الله فيها