السلام عليكم ..

كيفكم يا عضوات المنتدى .. وحشتوني جدا ووحشتني الأيام اللي كنا نشتغل فيها مع بعض ..

فاكرين الموضوع اللي أتكلمنا فيه عن طريقة كل وحدة في ترتيب خيوطها ؟؟

هنا حأحط آخر ما توصلت اليه .. الفكرة فكرتي وجات على بالي من محلات بيع الخيوط .. لكن زوجي جزاه الله خير شاركني في تطوير الفكرة وفي العمل كمان ..

أولا الصور .. وبعدين الشرح :







في السابق كانت مكتبة كتب .. ولمن قلت لزوجي اني أبغى أفصل رفوف للخيوط قاللي خدي مكتبة الكتب وخلينا نفصل مكتبة جديدة .. هي كانت مكتبتين ( واضح من الصورة المكتبة التانية لكن من غير رفوف ) فأخدت رفوف وحدة وحطيتها في التانية علشان تسير المسافة أضيق وأقدر أحشك البكرات ..
أما الكراتين التلاتة اللي شايفينها دي فحطيت فيها البكرات المستخدمة واللي مافي منها اتنين :



صراحة أنصح كل وحدة عندها كمية خيوط انها تعمل زيي .. لأني جربت طرق كتير ومانفعت .. كانت الخيوط بتتعقد وتتشربك مع بعض .. وأنسى اش عندي لأنها ماهي معروضة قدامي زي كدة .. أما دحين أقدر أحدد اش ناقصني لمن أبغى أشتري .. وعلى فكرة .. اللي تحب تشتري من عندي الله يحييها .. أسعاري أحلى من المكتبات هههه ..

ماشاء الله شئ رائع ومرتب والفكرة حلوة قوى قوى
تسلمى حبيبتى على الطرح المميز

جزاك الله كل خير

ما شاء الله فكرة جميلة

فكره حلوة

من زمان و الفكرة دي في بالي اشحني لي مكتبتك الثانية &_&
بس نصيحة خلي البكرات جوا اكياس شفافة مثل محلات الصوف عشان لا تتغبر

فكره رائعه تسلمي

فكرة حلوة تتهنين فيها يارب