أهلا و سهلا فيكم جميعا
مها انا طبعا فردت البطانة و فوقها الشنتة بعد مصلت المربعات و الفراشات و عملت الايدين لكن و خيطتهم بالشنتة
لكن حطيت عالشنتة من الداخل من مكان اليد دوائر بلاستيك من اللي بيستعمل للستائر عشان يعني ما يتمغط الصوف من كتر الحمل.. يعني دوائر على حجم طرف اليد في الشنتة من الداخل و رح يتغطى بالبطانة

هلا بعدين بفرد البطانة و فوقها الشنطة و هي مش مطبقة على بعضها لسة
و بقص البطانة و بخلي مسافة 1 او 2 سم اكبر من الشنتة عشان اثنيها

اما اذا كنتي طبقتي الشنتة قبل البطانة فكمان مش مشكلة لأني ما وصتها بالشنتة غير من الفتحة العلوية طبعا اللي باينة عندك بالصورة

بتثني قماش البطانة و بتحطي الشنتة عليها و بتقصيها مع ترك مسافة

البطانة المثنية بتخيطيها عن الجوانب

و بتدخليها بالشنتة و طرف الخياطة بيكون بين الشنتة و البطانة و بتبدئي من عند الكباس... انا برضو عملتله دائرة بلاستيك علشان ما يخرب الصوف مع فتح الكباس

و بكمل بعدين

ماشاء الله
شغل حلو و مرتب
يسلموو الايادي

يعطيك الف عافيه
يسلمو ايدكٍ
مودتي

أهلا فيكم الله يزيدكم عافية

بكمل تبدي الخياطة من عند الكباس ليش؟ عشان تعرفي وين بدك تحطي الكباس بالضبط لأنه رح ييجي فوق البطانة من داخل الشنطة..

و بمشي بالخياطة لعند الكباس التاني و بتركبي الكباس و بتكملي خياطة لترجعي للكباس الأول

و لما تخلصيها بدنا نشوفها
بالتوفيق

حلوه , و مرتبه الشنطه ,
الفراشه هذي كتير بحبها , لو عندك باترونها ممكن تديني اياه ,,

ماااشاء الله فنانه تسلم ايديك
والله شنطه متنقنه عجبتني

روعه
الله يسلم هالادين

أهلا و سهلا بالجميع

شكرا كتير

غفران هاد الرابط فيه الورشة و فيه باترون الفارشة
http://www.lakii.com/vb/showthread.php?t=634141

بتعملي سلسلة فيها 9 حبات
بتعبيها 24 عمود مرصوصين
من اول عمود بتطلعي سلسلة من 5 حبات و بتعملي غرزة بلفة وحدة على العمود الثالث و كمان غرزة بحبة على العمود الرابع
و بتطلعي سلسلة 5 حبات و بتعملي غرزة بلفة على العمود السادس و هطذا بيطلع معك 8 سلاسل بتعملي على كل سلسلة 4اعمدة وسلسلة حبتين و اربع أعمدةبتصير وردة من 8بتلات في وسط كل بتلة بتعملي بلون تاني 5 اعمدة و سلسلة حبتين و خمس اعمدة بعدين بتخلص لما تطويعا بتطلع معك فراشة
بتعملي جسم الفراشة و قرونها بلون ثالث

شكرا لك , و انشاء الله اعملها اليوم , ^_^

روووووووووووووعة تسلم الايادي
الله يعطيك العافية