السلام عليكم ورحمة الله وبركاته
ازيكم يا قمرات ... وحشتونى
بصوا بقى ... انا عاوزة اعمل بونيه شعر لوالدتى الغالية عليا اوى ونور عيونى
ويكون شيك ممكن تقابل به الضيوف فى البيت وفى نفس الوقت يكون ناعم علشان الصيف والحر هل ممكن الاقى معاكم باترونات للطلب ده حبيباتى
حاسة انكم مش هاتخذلونى .... وباشكركم من كل قلبى حتى من غير اى حاجة

بصى يا ايمان انا هاقولك افتكاسه وممكن تطلع صح اختارى موديل مفرش يكون شيك وكبير شويه مش كتير بس لازم اكبر من محيط الراس وبعد ما يخلص اعملى غرزة حشو داير المفرش هيلم معاكى ونقصى فى الغرز لحد ميبقى على قد ما يدخل الراس وبعدين ممكن تزينيه بلولى او خرز باللون اللى هاتعمليه
اتمنى تكون الفكره اللى فى دماغى وصلتلك
وانها اصلا تكون صح هههههههه
بس انت عارفة ساعه عصارى بقى ولسه مشربتش الشاى
وبرضه هحاول ادورلك على حاجه ليها باترون

اهلا ام كتاكيتى
الله يخليلك الوالده ويخليكى لها يارب
عارفه لو الطلب ليكى ماكنتش تعببت فيه كدا
لانك نقدر عليكى وانتى مننا وعلينا
بالعربى ممكن اطنشك بالرغم من غلاوتك
انما لست الحبايب عنينا لها
جبت لك
اربع ربطات يارب يعجبك حاجه منهم
وتعيشى وتعملى لها ياقلبى هى يااااااما عملت عشانك

تسلم ايديكى ام حسين

تسلم ايدك ام حسين وصحيح تستاهل ست الحبايب
وانا عجبتني فكرة D/HEBA لانها حتلم الشعر كله
(استني عليها بعد شرب الشاي اكيد بطلع فكرة جنان)

موفقة ان شاء الله البنات يفيدوكي يارب
و يخليلك ست الحبايب

كتبت بواسطة hmedo

تسلم ايديكى ام حسين

تسلمى لى يا غاليه

كتبت بواسطة mnooola

تسلم ايدك ام حسين وصحيح تستاهل ست الحبايب
وانا عجبتني فكرة D/HEBA لانها حتلم الشعر كله
(استني عليها بعد شرب الشاي اكيد بطلع فكرة جنان)

تسلمى ياقمر وان ما استاهلت ست الحبايب مين يستاهل
الله يخليهم لنا احنا عايشين ببركه دعواتهم لنا

تستاهل ست الكل ربنا يخليها لك

تسلمولى حبيباتى
وانا رأيي يا هبه انك تعملى فنجان شاى كده وتظبطى نفسك وبعدين تمسكى ابرة وخيط وتنفذى فكرتك دى ولو نفعت؟؟؟...... ابقى ابعتيلى فنجان الشاى ههههههه ( تسلميلى ياقمر )

وحبيبتى ام حسين كل كلامك صح الصح والام دى هى ست الحبايب كلهم
والف شكر لأخواتى الغاليات اللى اسعدنى مرورهم جدا

و"" على فكرة انا شكلى كده هأجرب فكرة هبة وأمرى لله """