انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 34 1234511 ... الأخيرالأخير
عرض النتائج 1 الى 10 من 337

الموضوع: شرح الباترون المرسوم "تريكو وبس"

  1. #1
    تاريخ التسجيل
    Nov 2006
    الموقع
    أحلى بلد مصر
    الردود
    2,841
    الجنس
    أنثى

    Jhd شرح الباترون المرسوم "تريكو وبس"

    حبيباتى الغاليات
    السلام عليكم ورحمة الله وبركاته
    كتير منكم حبيباتى سالوا عن شرح الباترون المرسوم
    والحقيقة ان تعلم قراءة الباترون المرسوم ضرورة لاى واحدة فينا حابة تحترف التريكو وتبدع فيه
    عشان معظم المجلات ده ان ما كانش كلها بتعتمد بشكل اساسى على الباترون المرسوم
    وكتير جدا من بنشوف غرز جميلة جدا مش نقدرش ننفذها لاننا مش بنعرف نترجم الباترون المرسوم

    والحقيقة انا فى رايى المتواضع باعتقد ان الباترون المرسوم اسهل كتير فى قراءته وترجمته من الباترون الكبير
    لدرجة ان اى غرزة مكتوبة باحولها الى باترون مرسوم
    وعندى دفتر للغرز باحط فيه كل الغرز بعد ما اترجمها الى رموز
    وده له اكتر من ميزة
    اولا: بيوفر وقت كبير ومساحة كبيرة وخصوصا لو الغرزة عدد سطورها كتير

    ثانيا: وده الاهم انك تقدرى تترجمى اى غرزة وتطبقيها بغض النظر عن اللغة اللى هى مكتوبة بيها
    يعنى مثلا انا ما باعرفش المانى ولا اسبانى خالص
    انا ثقافتى عربى
    هههههههههههه
    ومعروف ان اشهر مجلات التريكو بتكون المانى زى "البوردا"، "فيرنا" وكمان فيه "ساندرا" وهى تقريبا اسبانى
    يعنى المهم ان انا باقدر بانفذ منهم موديلات من الباترون المرسوم

    ان شاء الله هاحاول فى الموضوع ده انى اشرحلكم ترجمة الرموز المختلفة للغرز

    وهاحاول ان شاء الله انى اغطى كل الغرز او على الاثل اكثرها شيوعا

    نبتدى على بركة الله

    بصوا يا جماعة
    طبعا الرموز بتختلف من لغة للغة او دولة لدولة
    يعنى لفترة طويلة جدا فى بداية تعلمى للتريكو
    كانت الرموز ثابتة فى مجموعة كبيرة من المجلات لكن للاسف بعد كدة فى الكام سنة الاخيرة ابتدت كل مجلة تعمل رمز مختلف
    هنحاول بقدر الامكان نغطى الاشكال المختلفة لنفس الغرزة
    طبعا الباترون المرسوم بيكون عبارة عن مربعات كل مربع يمثل غرزة

    الغرزة العدلة
    وهى طبعا اساس شغل التريكو
    بيكون رمزها فى معظم الباترونات عبارة عن مربع اسود مصمت



    واحيانا بيكون عبارة عن شرطة راسية جوة المربع كالتالى



    أما الغرزة المقلوبة
    وهى برضه الاساس اللى بيتبنى عليه اى شغل
    يعنى التريكو كله اما عدل او مقلوب
    فيكون عبارة عن مربع فاضى



    واحيانا بتكون شرطة عرضية داخل المربع



    واحيانا تالتة بيكون شكلها كدة



    اما اللفة فبيكون رمزها عبارة عن دائرة مفرغة داخل المربع
    (اتفقنا ان المربع هو الغرزة)



    واحيانا تانية بيكون رمزها عبارة عن حرف U



    آخر مرة عدل بواسطة mistry : 29-04-2010 في 02:46 AM

  2. #2
    تاريخ التسجيل
    Nov 2006
    الموقع
    أحلى بلد مصر
    الردود
    2,841
    الجنس
    أنثى

    flower2 تعالوا نكمل

    وطبعا برضه من الغرز الاساسية جدا
    الـ 2 عدل معا
    اللى بيتعمل بيها التنقيص
    وغالبا اى لفة بيكون مقابلها 2 عدل معا
    وبيكون رمزها كدة



    ومن الغرز الاكثر شيوعا برضه وهى بتكون عكس الـ 2 عدل فى الاتجاه
    1 سلت – 1 عدل – اقلبى المسلوتة على العدلة
    (وهى برضه من طرق التنقيص) وعادة بتكون مصاحبة للفة
    وده رمزها



    وبما اننا باة بنتكلم عن التنقيص
    فلسة فيه التنقيص المزدوج
    اللى هو 3 عدل معا
    وهى لها اكتر من شكل حسب الطريقة اللى بنعمل بيها التنقيص المزدوج
    خلينا دلوقت نقول تشهرها
    اللى هى
    اننا بناخذ الـ 3 غرز على الابرة (يعنى بنغرز الابرة اليمين فيهم كلهم) ونشتغلهم غرزة واحدة عدل معا

    ودى يتكون زى حرف الـ U المقلوب



    اما دى بأة فغرزة الحافة
    اللى بتتعمل فى بداية ونهاية كل سطر وبتكون دايما عدل بغض النظر عن شغل بقية السطر

    وهى ليها ميزة كبيرة فى ضبط بدايات ونهايات السطور


    وبيكون شكلها زى علامة الـ +



    طبعا فيه غرز تانية كتير
    لكن خلونا دلوقتى نكتفى بدول عشان ما تتلخبطوش
    ماشى يا قمرات

  3. #3
    تاريخ التسجيل
    Nov 2006
    الموقع
    أحلى بلد مصر
    الردود
    2,841
    الجنس
    أنثى

    butterfly2 ودلوقتى بأة مثال عملى على الباترون المرسوم

    ودلوقتى بأة مثال عملى على الباترون المرسوم


    ده باترون سهل جدا
    الارقام اللى على اليمين بتبين عدد سطور الغرزة
    يعنى هنا غرزة مكونة من 4 سطور
    اللى باين منهم طريقة السطر الاول والسطر الثالث
    معنى كدة ان السطور الزوجية بتتعمل كلها زى ما بتبان يعنى العدل عدل والمقلوب مقلوب
    واللفة دايما مقلوب

    على فكرة دى قواعد ثابتة فى اى باترون

    طيب ده بالنسبة لعدد السطور
    لمعرفة عدد الغرز نعد المربعات بحيث كل مربع يمثل غرزة
    أما السهمين الموجودين دول فبيحددوا تكرار الغرز
    مش فى البترون المكتوب بنقول (يكرر ما بين القوسين) او (يكرر حتى نهاية السطر)
    هنا بنقول
    يكرر ما بين السهمين

    يبقى لما نعد المربعات هنلاقيهم 10 (8 بين السهمين +2)
    يعنى نفهم من كدة ان الغرزة تكرار 8 + 2 حافة

    طيب يلا باة نترجم السطر الأول
    (ما تنسوش كل مربع بيمثل غرزة واحدة)

    غرزة حافة ]2 مقلوب – 2 عدل معا – لفة – 2 عدل – 2 مقلوب [ يكرر ما بين القوسين (اللى همة السهمين فى الرسم) وينتهى السطر بـ غرزة حافة

    اما السطر الثالث:
    غرزة حافة ]2 مقلوب – 2 عدل – لفة – (1عدل – اسلت – اقلبى المسلوتة على العدلة) – 2 مقلوب [ يكرر ما بين القوسين وينتهى السطر بـ غرزة حافة

    طيب والسطور الزوجية
    زى ما اتفقنا
    نشتغله حسب ما يظهر
    يعنى العدل عدل والمقلوب مقلوب
    واللفة نشتغلها مقلوب


  4. #4
    تاريخ التسجيل
    Nov 2006
    الموقع
    أحلى بلد مصر
    الردود
    2,841
    الجنس
    أنثى

    happylove استنوا لسة فيه واجب

    دلوقتى بأة راح نعمل واجب

    ما تخافوش ده سهل خالص

    مطلوب منكم تترجموا هذا الباترون
    وعلى فكرة هو سهل جدااااااااااااااا



    وبعدين ان شاء الله نتدرج فى الصعوبة
    المطلوب:

    1- تحديد عدد سطور الباترون
    2- تحديد عدد الغرز المطلوبة
    3- تحديد عدد الغرز المطلوب تكرارها
    4- ترجمة الباترون الى باترون مكتوب سطر بسطر
    5- والله باة الشاطرة اللى تطبق وتحط صورة العينة

    يلا باة يا شطورات
    مين اول واحدة هتحل الواجب

    انا عموما مخمنة اكتر من واحدة
    يا ترى تخمينى هيكون صح ولا
    هتكسفونى !!!

    هتوحشونى

  5. #5
    تاريخ التسجيل
    Jul 2007
    الموقع
    مَدينةُ آلنور~ ≛ جـَـآرةُ المُصْطًفى ≛ طيبة الطيبة~
    الردود
    16,390
    الجنس
    أنثى
    التدوينات
    16
    التكريم
    • (القاب)
      • لمسات فنية
      • لمسة عطاء
      • درة صيفنا إبداع 1431هـ
      • بصمة إبداع
      • فرحة عدسة
      • فن وإبتكار
    (أوسمة)
    مشكووره حبيبتي .......

    بصراحه موضووعك اكثر من رائع ويعتبر من اهم اساسيات تعلم التريكو

    ربنا يبارك بجهوودك ويكون بميزان حسناتك يوم الدين..
    دائما ما يجبرني الحنين
    أن أعود لـِ تلك الزوايا
    وألقي باقات التحايا
    على قامة الشموخ (لكِ)

  6. #6
    تاريخ التسجيل
    Oct 2009
    الردود
    586
    الجنس
    أنثى
    ايوة ياقمر طولتي الغيبة انا بسجل العلامات عندي لاكن عند التنفيز بتحير في اتجاة العلمات يعني بحتار وانسي مفيش مشكلة اننانعرفا مع الممارسة هتتحفظ في الراس لاكن ارجوك وارجو كل الاصدقاء يضعو الترجمة لاني بكتبها واشتغل عينة واحتفظ بيها لما احتجها ارجع لها بسهولة لانة صعب قوي حفظ العلمات كلها انا كل يوم اعد ادو علي تركو ا ولما ملقيش واللة بزعل واتقهر حتي ولادي لاحظو الموضوع دة وبتعصب انا عيذة اعرف حبيبتنا ام قسمت فين مش بلاقي لها مشاركات لية يارب يكون خير و و

  7. #7
    تاريخ التسجيل
    Mar 2008
    الموقع
    الجزائر
    الردود
    910
    الجنس
    امرأة
    ايه النشاط دا يا ماستري بارك الله فيك وانا راح اشاركك في شرح اي استفسار للبنات في التريكو وان شاء الله يفتحونا قسم خاص

  8. #8
    تاريخ التسجيل
    Jun 2006
    الموقع
    مصر
    الردود
    773
    الجنس
    امرأة

    work

    السلام عليكم
    عدد السطور 7
    عدد الغرز 12
    عددالغرز المكررة 10
    السطر الاول=1عدل+ 2مقلوب+4عدل+2عدل معا+لفة+2 مقلوب+1عدل
    السطر الثالث= 1عدل+2 مقلوب +3 عدل+2 عدل معا+1 عدل+لفة+2 مقلوب+1عدل
    السطر الخامس=1 عدل+2 مقلوب+1 لفة+1 عدل-اسلت-اسلت المسلوتة على العدل+4 عدل+2 مقلوب+1عدل
    السطر السابع=1عدل+2مقلوب+1لفة+1عدل+1عدل-سلت-اسلت المسلوتة على العدل+3عدل+2مقلوب+1عدل
    الاسطر الزوجية تشتغل كما تظهر يارب يكون الترجمة صح وجزاك اللة خير على الافادة وسامحينى على عدم التطبيق لضيق الوقت

  9. #9
    تاريخ التسجيل
    Oct 2008
    الموقع
    الاحساء
    الردود
    827
    الجنس
    أنثى
    يعطيك العافيه ع المجهود الرائع

  10. #10
    تاريخ التسجيل
    Jan 2010
    الموقع
    مملكتى بيتى وبناتى زهراتى الحلوين
    الردود
    531
    الجنس
    امرأة
    الله ايه الروعهه دى ايوة ياعم ادى النشاط ولا بلاش هحاول اطبق واوريكى

مواضيع مشابهه

  1. """"<<<فستان كروشية لبنوتك جديد مع الباترون >>>"""
    بواسطة نجمة 2 في ركن الكروشيه والتريكو
    الردود: 27
    اخر موضوع: 28-06-2013, 09:07 PM
  2. """$$مفارش كروشية روووووووووعة مع الباترون$$"""
    بواسطة نجمة 2 في ركن الكروشيه والتريكو
    الردود: 19
    اخر موضوع: 11-08-2010, 10:52 PM

أعضاء قرؤوا هذا الموضوع: 0

There are no members to list at the moment.

الكلمات الاستدلالية لهذا الموضوع

الروابط المفضلة

الروابط المفضلة
لكِ | مطبخ لكِ