السلام عليكم
اهلا حبيباتى
الحكاية ومافيها ان زوجى العزيز اخيرا اقتنع بعملى فى الكروشيه وطلب منى اعمل له جيليه شتوى شيك ... لكن هو ليه مواصفات خاصة وطلبات خاصة
اولا : لازم يكون فتحة الرقبة للجيليه ( v ) تكون مطاطة ومرنة مش محجرة كده لسهولة اللبس وكمان تكون بارزة شوية عن مستوى باقى الجيليه ( يعنى تكون عاليه كده زى التريكو )
ثانيا : لازم الكمر يكون شكله مظبوط ومطاط برضه ونفس الشيء لحردة الاكمام
ايه رأيكم ؟ مش انا غلطانة برضه انى عرضت عليه العرض ده من الاول
انا بافكر اكبر دماغى وأرفض
بس حرام ده ابو عيالى برضه والعشرة ماتهونش عليا
يلا حبيباتى ساعدونى .. هل ممكن طلباته دى تتنفذ بغرز الكروشيه ولا ده بيبقى متاح اكتر فى التريكو ؟؟؟... اللى تعرف الرد ما تبخل عليا

عزيزتي هذه المواصفات تجديها بالتريكو وبس
لان الرقبة والاكمام المطاطة في جرسية التريكو وايضا التريكو رقيق وناعم وراقي
يس مشكلة التريكو ياخذ وقت ولاكن يعطي شي جميل
هذا راي واتمنا لك التوفيق

هو امامك حلين وانتى اختارى ما يناسبك: اما انك تشتغلى كروشيه و الرقبة و الاكمام تعمليهم تريكوه او انك تعمليهم بالكروشيه غرزة امامية و غرزة خلفية بتعطى شكل حلو و نتكون مطاطة شوية .

أنا رأيي من راي إيمان برضه كمان خلي بالك من نوعية الخيط عشان يطلع النسيج مرن ومش محجر زي ما بيقول زوجك.

انا راي من راي ايمان اما تعمليها تريكو او غرزة الامامية وخلفية كروشية
وربي يعينك وتعملي شي يعجب زوجك
والابعدين يحرم عليك مسك السنارة

تسلمو على الردود حبيباتى
المشكلة انا فى التريكو ابيض خالص ومعرفش ولا حاجة
اخاف اعمل الجيليه كروشيه واوصل للرقبة والاكمام وألخبط الدنيا واخسر تعبى
فكرة الغرزة الخلفية والامامية جميلة بس هاجربها على عينة صغيرة الاول وأشوف
معاكى حق يا أم مسرة احنا مش ناقصين كفاية ان نص وقتى تقريبا بأقضيه فى المنتدى وهو شايفنى وصابر عليا ههههههههه

عزيزتي

عمل الجليه بقبه سبعه
واستيك مرن

افضل شيء

ان يكون تريكو
لان عمل الكروشي يكون شاد شويه

التريكو يكون مرن وبيكون الاستيك مطاطي

لكن عمل الجليه قبه سبعه صعب

وبده مهاره خاصه في هذا الفن

بالتوفيق حبيبتي

شوفى يا ام الكتاكيت الغرزة الاماميه والخلفيه حتديكى المطلوب بس اهم شىء الخيط يكون طرى وناعم معاكى وكمان مش تشدى ايديكى فى الشغل اوى عشان تبقى مطاطه لان الغرزتين دول بيلموا الشغل
وماما لبنانيه عملت دوره عشان القبه السبعه وهى سهله ان شاء الله
رجعى خطواتها واعملى عينه من الغرزة اللى حتستخدميها للجيليه واعملى حوالى 3 او 4 اسطر غرزة اماميه وخلفيه وشوفى النتيجه و وريها لجوزك

شوفي هذا كروشيه أتمنى أكون أفدتك