ازيكم يا حبيباتي

انتم مستعدات للحكايه بتاعتي

والله العظيم حكاية كفاح وبجد والله

بدايتا كان نفسي اشتغل تريكو واتقنه

وقررت اعمل كوفيه لزوجي وقعدت فيها شهرين في حين اني ممكن اعملها في يومين دلوقت وكمان اللي اكتشفته بعد خبرتي دي اني ممكن الكوفيه دي اعمل بيها 3 كوفيا لأنها اخدت مني كمية خيط رهيبه جداااا وهي عريضه أوي أوي لدرجة ان زوجي في ايام البرد يقولي طلعيلي اللحاف وانا خارج بدل ما يقول الكوفيه

وعلي العموم هنزلكم صورة الكوفيه
وبعد الكوفيه قلبي جمد واتجرأت وقلت هعمل بلوفر لزوجي

ما أنا عملت كوفيه بقا !!!!!!

بدأت في البلوفر وكل ما ازهق أو اتعب اسيبه واشتغل حاجه تانيه وهكذا حتي مر عليا شتويتين وانا بشتغله

اشتغل وافك واشتغل وهكذا وكمان اكتشفت اني كان ممكن استخدم كمية خيط اقل واشتغل بأبره اوسع

بس بجد اللي مفرحني اني ما في حد بيشوفوه الا وميصدقش انه شغل يدوي وبجد انا بعتبر نفسي محظوظه انه طلع كده


ايه رأيكم تحبوا تشوفوه انا ما صدقت ان زوجي وافق يخليني اصوره عليه عشان يظهر شكله


زهقتوااااااا



مليتتتتتتتتتتوا



متزعلوش




اتفضلوا
.

.

.

.

منزلتيش الصور ليه يا أم مازن

دا أنتي فظيعه

.

.

.

الكوفيه وهي مثنيه نصفين













هي دي بقا الكوفيه يا ست ام مازن
؟؟؟؟؟؟؟؟؟؟

طيب فين البلوفر

وده البلوفر أوعواااااا متقولوليش رأيكم ياحبايبي

.

.

مع السلامه يا حبايبي

هروح انام واستنا ردودكم بكره ان شاء الله

في رعاية الله

ماشاء الله

ماشاءالله روعه البلوفر من صدق كانو جاهز وكمان الكوفيه جنان و الالوان متناسقه تسلم ايديك ام مازن و يخليلك زوجك يارب

ماشاء الله حلوين تسلم ايدك

رووووووووووووووووووووووووعة تسلم ايديك

علي فكره بسم الله ما شاء الله
بجد مش مهم تقعدي في الحاجه اد ايه
لكن المهم بجد الناس ليها حق انها
ما تصدق انه شغل يدوي
والله لوله انك قولتي انه عمل ايدك ما كنت صدقت ابدا

ولونه تحفه بجد تسلم ايدك وعنيك يا ام مازن
والله شجعتيني اني اعمل واحد زيه لخطيبي
لانه عايز واحد زي ده ونفس اللون
حفظته علي جهازي
وكمان الكوفيه حلوه اووي
تسلم ايدك تسلم ايدك
اكيد بتفرحي لما بتلاقي زوجك ( حفظه الله لك ولبيته )
بيخرج بيه


بس ياريت يا ام مازن
تقوليلي ابتدتيتي كام غرزه
وطريقه خطواته

علي فكره انا عملت لخطيبي كوفيه

كان لونها بيج