الغالية الحوراء
هلا فيكى يا قمر. موضوعى نور بتشريفك
مستنية تطبيقك يا جميلة
للبحث في شبكة لكِ النسائية:
|
الغالية الحوراء
هلا فيكى يا قمر. موضوعى نور بتشريفك
مستنية تطبيقك يا جميلة
تمام يافندم التلميذ مستعد
بانتظار الباقى بس بشويش علينا
يمكن افرج امى على كارتون وارجع لك يعنى لوغيبت عليكِ لاتقلقى ماشى
ماشى يا جميل مستنياكى
سلمى لى على ماما
حاضر بتقول الله يسلمك ويسلمها
يلا بقى خدى وقتك بالشرح
و شوية وآجى اشوف التطورات
واهريكى اسئلة ان شاء الله
انا جالسة انتظركي
مشكلتي فقط غرزة الورقة المائلة انا فاهمة غرز البنبون والرز والظفيرة
الضفيرة الامامية:
تتكون الغرزة من تكرار 8 غرز
السطر الأول: كله ع
السطر الثانى: كله م
السطر الثالث: كله ع
السطر الرابع: كله م
السطر الخامس: كله ع
السطر السادس: كله م
السطر السابع: نضع 4 غرز على ابرة كروشيه أمام الشغل (ننقلهم بدون شغل)– نشتغل 4 ع – نشتغل الـ 4 غرز التى على ابرة الكروشيه ع ايضا
السطر الثامن: كله م
بس يا بنات انا معنديش صورة ليها للاسف
طبعا حجم الضفيرة عرض وطول بيتغير حسب الرغبة او حسب الباترون
يعنى ممكن تكون اعرض أو اطول زى ما احنا عايزين
الضفيرة الخلفية:
تتكون الغرزة من تكرار 8 غرز
السطر الأول: كله ع
السطر الثانى: كله م
السطر الثالث: كله ع
السطر الرابع: كله م
السطر الخامس: كله ع
السطر السادس: كله م
السطر السابع: نضع 4 غرز على ابرة كروشيه خلف الشغل (ننقلهم بدون شغل)– نشتغل 4 ع – نشتغل الـ 4 غرز التى على ابرة الكروشيه ع ايضا
السطر الثامن: كله م
وبرضه ما عنديش صورة لها
ونفس الحكاية بالنسبة للضفيرة الامامية بنتحكم فى حجمها حسب ما احنا عايزين
متااااااااابعه للورشة
ماشاء الله الشرح رائع
في انتظار البقيه ان شاء الله
زى غرزة البونبون الغرزة بتتبنى اساسا من غرزة واحدة ويفضل العدد يزيد بشكل تدريجى لغاية حد معين هو اقصى عرض للغرزة وبعدين يرجع ينقص برضه بالتدريج لغاية ما يرجع العدد الى غرزة واحدة مرة تانية
وبرضه نقدر نتحكم فى عرض ورقة الشجر وطولها حسب الرغبة او الباترون
احنا دلوقت هنقول الحجم المعتاد
وعلى فكرة ده برضه تدريب على الغرزة نفسها
لان الورقة هنا بتطلع مستقيمة
بينما ان شاء الله لما هنشتغلها فى الموتيف هتكون مائلة بحيث تدى الشكل الانسيابى لفرع الشجرة
وده طبعا هيكون حسب الباترون
وده الشرح بتاعها بالتفصيل
اولا: يتم عمل الغرزة على خلفية من الغرز المقلوبة عددها بيكون حسب الرغبة او حسب الباترون
نقول مثلا 5 غرز قبلها و5 بعدها وكلهم هنشتغلهم مقلوبين
ناخد بالنا طبعا ان عدد الغرز هيتغير فى كل سطر
السطر 1: (1 غرزة)
1ع
الاسطر الزوجية للغرزة كلها مقلوب
الاسطر الزوجية للخلفية كلها عدل
السطر 3: (1 غرزة)
لفة – 1 ع – لفة
(بحيث يكون العدد النهائى للغرز 3 غرزة)
السطر 5: (3 غرزة)
1 ع – لفة – 1 ع – لفة – 1 ع
(بحيث يكون العدد النهائى للغرز 5 غرزة)
السطر 7: (5 غرزة)
2 ع – لفة – 1 ع – لفة – 2 ع
(بحيث يكون العدد النهائى للغرز 7 غرزة)
السطر 9: (7 غرزة)
3 ع – لفة – 1 ع – لفة – 3 ع
(بحيث يكون العدد النهائى للغرز 9 غرزة)
السطر 11: (9 غرزة)
4 ع – لفة – 1 ع – لفة – 4 ع
(بحيث يكون العدد النهائى للغرز 11 غرزة)
السطر 13: (11 غرزة)
11 ع
السطر 15: (11 غرزة)
(ا سلت – 1 ع – اقلبى المسلوتة على العدلة) – 7 ع – 2 ع معا
(بحيث يكون العدد النهائى للغرز 9 غرزة)
السطر 17: (9 غرزة)
(ا سلت – 1 ع – اقلبى المسلوتة على العدلة) – 5 ع – 2 ع معا
(بحيث يكون العدد النهائى للغرز 7 غرزة)
السطر 19: (7 غرزة)
(ا سلت – 1 ع – اقلبى المسلوتة على العدلة) – 3 ع – 2 ع معا
(بحيث يكون العدد النهائى للغرز 5 غرزة)
السطر 21: (5 غرزة)
(ا سلت – 1 ع – اقلبى المسلوتة على العدلة) – 1 ع – 2 ع معا
(بحيث يكون العدد النهائى للغرز 3 غرزة)
السطر 23: (3 غرزة)
(غرزة ثلاثية: 2 سلت – 1 ع – اقلبى المسلوتين على العدلة)
(بحيث يكون العدد النهائى للغرز 1 غرزة)
وبهذا تتكون لدينا ورقة الشجرة
وده نموذج الغرزة
ابعتها لكم بعدين عشان الحق النت
الروابط المفضلة