بيتهيا لى ان الصورة كبيرة جدا لدرجة ان معالمها مش واضحة
عموما هاحاول انى اصغرها وارجع انزلها تانى
بس اعتقد ان غرزة الرزة سهلة وكلنا عارفين شكلها
يلا باة اجدعنوا وورونى شكل العينة
للبحث في شبكة لكِ النسائية:
|
بيتهيا لى ان الصورة كبيرة جدا لدرجة ان معالمها مش واضحة
عموما هاحاول انى اصغرها وارجع انزلها تانى
بس اعتقد ان غرزة الرزة سهلة وكلنا عارفين شكلها
يلا باة اجدعنوا وورونى شكل العينة
تسلم الايادى
غرزة الـ Noppe (غرزة البونبون)
يتم تكوين الغرزة بالكامل فى غرزة واحدة
الغرزة مكونة من 5 غرز يتم شغلها جميعا فى غرزة واحدة كالتالى
(1 ع – 1 م – ا ع – 1 م – 1 ع) جميعها فى نفس الغرزة (اى نشتغل 5 غرز من غرزة واحدة)
وهذا هو السطر الاول
السطر الثانى: نلف الشغل – نعكس اتجاه السطر بدون الوصول الى نهاية السطر - ونشتغل الـ 5 غرز كلها مقلوب
السطر الثالث: نلف الشغل ونشتغل الـ 5 غرز كلها عدل
السطر الرابع: نلف الشغل ونشتغل الـ 5 غرز كلها مقلوب
السطر الخامس: نلف الشغل ونشتغل الـ 5 غرز كلها عدل
السطر السادس: 2 مقلوب معا - 1 مقلوب – 2 مقلوب معا
السطر السابع: نشتغل غرزة ثلاثية = تنقيص مزدوج (3 غرز معا دفعة واحدة)
وبهذا نعود بعدد الغرز الى العدد الاصلى وهو غرزة واحدة ثم نكمل السطر حسب الباترون
ودى الصورة
لاماتحرجيش ولاحاجة مسترتى احنا اخوات وبراحتك خالص المهم ماتسيبيناش
وفعلا وحشتينى انتى كمان وكنت بدخل ادور على موضوعك اشوفك جيتى ولالسة مسافرة
وادى النهاردة عملت كدة ولقيت الموضوعين الحمد لله
بصى الرزة عملت عينة لها قبل كدة هبقى اصورها واوريها لك
البونبون دى هى الحمصة ولاواحدة تانية ؟؟؟
وهحاول اعمل العينة زى ماكتبتى ويارب اعرف انفذ لان نقطة نلف السغل دى مش فاهمها اوى يعنى مش هكمل السطر كلة هفضل الف واستغل بغرزة واحدة بس وبعد كدة اكمل السطر !!
بصى يا عسل الحمصة حاجة والبونبون حاجة تانية وعلى فكرة اسم البونبون ده من اختراعى لانى دايما كنت باشوفها فى مجلات اجنبية وما اعرفش فى العربى بيسموها ايه
بصى ياقمر تلفى الشغل معناها انك ما تكمليش شغل بقية السطر وترجعى تشتغلى على ال5 غرز بس كل السطور بتاعة الغرزة لغاية ما تخلص خالص وبعدين ترجعى تكملى السطر
مثلا لو السطر 11 غرزة مثلا وفيه خمس غرز قبل البونبونة و5 غرز بعدها
فنشتغل 5 غرز اللى قبل البونبونة وبعدين
نعمل 5 غرز من واحدة فى الغرزة السادسة وبعدين نلف الشغل عشان خاطر نعمل السطر الثانى فى الغرزة (ال5 غرز بس) وهكذا تشتغلى بس على الـ 5 غرز كل ما السطر يخلص تلفى وتشتغلى الثانى
بعد نهاية جميع الاسطر وترجع الغرز الى عددها الاصلى وهو غرزة واحدة نكمل السطر الاساسى اللى هوة كان باقى فيه 5 غرز
ماشى يا قمر
يلا ورينى الشطارة يا قمر
على فكرة يا جميل هنبقى جيران فى دورة الفيليه ونفكر بعض انشاء الله
اوكى هجيب خيط واجرب 11 غرزة زى ماقلتى ونشوف
بس اصبرى عليا لانى بطيئة سلحفة يعنى
اول ما اخلصها هصورها واوريكى
وحلو انك معى بالفيلية لانى مسطولة خالص
هههه وساعات بنسى ادخل المنتدى اصلا
حالة مستعصية عايزة اشوف علاج بقيت صعب خالص والله
معك ان شاء الله راح اتابع معك وراح اطبقها،،
لأنها بجد غرزة جميلة،،
مشيتى انا رحت اعملها واهى طلعت كدة الصوف طلع له خراج ولادمل هههه
انفع بقى ولاغلط
هروح اكمل حاجة من المتعلقة لحين ماترجعى ان شاء الله
الروابط المفضلة