ام حسين كيفك وحشتينى والله انااحترت مع الخيوط انا لسه جديده فى عالمها لسه جايبه خيوط من التربيعه اختى ارسلتها لى خيط مصر البيضا الشله 100 ب6.5 جنيه وخي الصياد الكيلو40 جنيه المشكله انى باحتار فى الخيوط ما بابقاش عارفه الخيوط ا لمناسبه لكل شغله فياريت لو تقولولى ولكم الاجر عند الله لما اشترى الخيوط ايه الخيط المناسب من ناحيه الجوده والسعر معا لمفارش او البلوزات.........وهكذا من حكم خبرتكم
رغايه انا مش كده معلش استحملين
ويا ريت اسم الخيط اللى انتى اشتريتيه وسعره وحجم البكره واسم الخيط الفضى وسعره
لكى يكون عندنا درايه بالاسعار لما نشترى
المفرش رائع تسلم ايدك انا عملته بالصوف اللى كان متوفر عندى طبعا القطن احلى
وبالنسبه الشال انا شايفه ان الثانى اخف فى الشكل والشغل ويا رب تتهنى بيهم يا رب

تسلم ايدك يا ام حسين ياغالية

بجد والله المفرش فوق الرائع جداااا

وكل الكلام اللي افادتك بيه حبيبتي ام قسمت وفراولايه انا معاه 100%

وفعلا متستعجليش عالشغل لازم اللي بتحب الكروشيه والكروشيه بيحبها بيكون عندها خيط ومش عارفه تعمل بيه ايه لحد ما تيجي الفكره المناسبه

وطبعا مش عايزه اعيد الكلام تاني لكن فعلا بالنسبه للشال اشتغلي الأول واستخدمي البر التخينه واستخدمي منها الرقم 4 مع خيط وغرزة الشال هيعطيكي نتيجه هايله ان شاء الله

وربنا معاكي ومعانا يارب ويفتحلنا ابواب الرزق ويصلح احوالنا جميعا يارب

ما شاء الله عليكي يا أم حسين ,, أفكارك روعة و شغلك جميل جدا ..
ما تزعليش يا أم حسين مادام بتعرفي تشتغلي و شغلك جميل و مرتب و بيعجب الأصحاب و الأقارب يبقى خلاص ,, اشتغلي و ربنا يقدرك و إن شاء اللله اللي صرفتيه على الخيط هيرجعلك تاني يا تبيعي شغلك يا تهادي بيه و في الحالتين انتي كسبانة ..

ممكن سؤال ,, انتي لفيتي الخيط اللي بيلمع مع خيط قطن مش كده ,, طيب لما غسلتيه الخيط القطن كش و لا لأ ,, انا عجبتني الفكرة قوي و عاوزة انفذها .. و معلش هو البكرة اللي بتلمع اسمها ايه و بكام ؟؟

الله عليكو كلكم حلوين وعسلات وقمرات
بس واضح انكم فهمتونى فى موضوع الشال غلط
انا هعملهم صوف العينه اللى عاملاها صوف موهير تركى جايباه من فتره ال100 جرام ب12
جنيه جنب البيت ووجدته فى التربيعه ب10 جنيه بس ودا شكله


والشال التانى جبت له خيط موهير تركى فيه لمعه خفيفه
والشله من التربيعه ب8 جنيه ودى صورته

وطبعا غير الخيط بتاع المفارش ده

دا غير الوان تانيه من الصوف العادى الشله 100 ب4 جنيه ودا شكله


مش بقولكم عاوزه سنه شغل متواصل

الخيط اللى فيه اللمعه اسمه خيط سيرما
والبكره منه ب8 جنيه وفيها خيط كتير قوى
انا لفيت منها كتير وكانى ما خدتش منها حاجه
لنا عوده فى الحديس تانى لانى لسه عاوزه ارغى كمان وكمان
وللى سألت عن خيط القطن انا غسلته اصبح شكل الشغل منسق اكتر من ذى قبل
القطن لا يكش ولكن تنظمى الغرزه بعد الغسل

اسلووبك حلووو الله يحفظك ،، ومفرش الاناناس رااااااااااائع من زمان عاجبني ونفسي فيه وتطبيقك اروووع ،، وربي يوفقك وتعمل كل الي نفسك فيه وتخلصي كل الخيوط وتجيبي كمان ههههههههههههه

شكله جميل تسلم ايديكى بس الخيط السيرما الفتلة لون واحد ولا اكتر من لون (جنجا)

كتبت بواسطة محبتكم هجير

اسلووبك حلووو الله يحفظك ،، ومفرش الاناناس رااااااااااائع من زمان عاجبني ونفسي فيه وتطبيقك اروووع ،، وربي يوفقك وتعمل كل الي نفسك فيه وتخلصي كل الخيوط وتجيبي كمان ههههههههههههه

شكرا لمرورك يا قمر وكلامك الحلو

كتبت بواسطة جوهرة القصر 1

شكله جميل تسلم ايديكى بس الخيط السيرما الفتلة لون واحد ولا اكتر من لون (جنجا)

السيرما الوان كتير كل الالوان اللى تيجى على بالك بس ساده مش جنجاه
انا جبت الفضى والذهبى
شكرا لمرورك

موضوع جميل ورائع والخيط روعه بس لى استفسار انتى لفيتى الخيط القطن على السيرما صح والقطن ده رفيع اوى ؟ لفيتى فتله قطن وفتله سيرما ولا ممكن تلفى اكتر من فتله ؟ طيب اسم المحل ايه وموجود فين بالضبط ؟ وممكن الراجل اللى فى المحل يلفه وهاياخد كام ؟

كتبت بواسطة tata

موضوع جميل ورائع والخيط روعه بس لى استفسار انتى لفيتى الخيط القطن على السيرما صح والقطن ده رفيع اوى ؟ لفيتى فتله قطن وفتله سيرما ولا ممكن تلفى اكتر من فتله ؟ طيب اسم المحل ايه وموجود فين بالضبط ؟ وممكن الراجل اللى فى المحل يلفه وهاياخد كام ؟

انا لفيت الخيط ده مجوز ومعه خيط السيرما

وبعد كدا اشتغلت معهم خيط قطن حلوان
الراجل يلف لك زى مانتى عاوزه مفرد او مجوز ومعاه السيرما
بس هياخد كام ما اعرفش
المشكله انه كان عاوزنى اروح تانى يوم
بس اكيد لو انتى عملتيه هيكون ارخص

ماشاء الله جميل جدا
تسلم ايديكى