و شكرا متلا ربط قطع كروشي لصنع كاب

بصي ياقمر انا شفت التشبيك ده في مواقع كتير
شوفي كده
ممكن تشبكي بابره وخيط من نفس لون البطانيه زي كده


بس خدي بالك هو مشبك بلون احمر علشان يبان الطريقه وشبكي في اللوب الخلفي علشان الخياطه مش تبان وعلشان القطعه تبقي مسطحه ومستويه


واسهل طريقه انك تحطي القطعتين وجها لوجه وتخيطي في اللوب الخلفي وبعد ماتخلصي رديهم لوضعهم الطبيعي


وفيه طرق تانيه باستعمال ابره الكروشيه
ووبتكون اما بعمل غرز منزلقه من اللوب الخلفي للغرزه وبتكون بانك بتطي المربعين وجها لوجه وبابره الكروشيه تعملي غرز منزلقه في كلا اللوبين ولما تخلصي تفردي المربعين في وضعهم تاني يعني زي الخياطه بالابره بس دي بابره الكروشيه
وممكن تشبكي بغرزه حشو بدل الغرزه المنزلقه بس فس الحاله دي حايكون فيه حرف من الخلف =ارتفاع غرزه الحشو والصوره توضح كلامي


لو انتي بتشبكي مربعات فيها مسافات بين الغرز في السطر الاخير زي المربع بتاعك ممكن تعملي سلاسل مشبكه بغرزه منزلقه او غرزه حشو علشان فيه مسافات بين الوحدات
وفي المثال ده عمل سلسلتين ثم غرزه حشو في الفراغ بين الوحدات وممكن تزودي عدد السلاسل حسب رغبتك في حجم المسافات بين المربعات او حجم الفراغ بين وحدات كل موتيف
وشوفي المثال


وممكن تكوني بتقصدي ان التشبيك يبان علي وجه الشغل
يعني ممكن تكوني بتشبكي بلون يليق علي البطانيه وعايزه يبان التشبيك كشلك جمالي
في الحاله دي بتشبكي علي وجه الشغل بغرزه حشو وفي خلال اللوبين للغرزه مش اللوب الخلفي بس
كده

يعطيكي العافيه ام قسمت....

موفقه حبيبتي

شكرا ام قسمت
أعرف و لكن ما لا أعرفه هو كيف أبدأ من البداية خصوصا الحالة رقم 5 عند إستعمال إبرة الكروشي هل أعقد الخيط ( كما في المثال الخيط الأحمر هل يعقد في الأول)
و لكي جزيل الشكر

كانت الاخت ميمو على ما اذكر عاملة دورة تشبيك متصل بس للاسف ماعندى الرابط بتاعها