السلام عليكم ورحمة الله وبركاتة
طلباتى كترت اليومين دول معلش استحملونى
انا نفسى اكون شاطرة زيكم علشان كدة انا بتعلم منكم وبسأل كتير
الغرزة دى انا مش عارفة بدايتها فين وكمان معانى الاسهم الموجودة
دى البلوزة




ودة الباترون

فينكم يا خبيرات الركن
محدش رد عليا
38 قراءه ومحدش رد
طيب انا اعملها شرائط وبعدين اشبكها ولا اعمل اية؟
ياريت تقولولى

شوفى يا اختى الغرزه محتاجه تركيز كانت فيه اخت عملت منها شال بس بادور على الرابط مش لاقياه هاحاول اشرحها على السريع
الاسهم بتعرفك على خط السير هاتبداى من عند السهم اللى تحت على الشمال وتعملى( 3سلسله) وتكملى كمان 4سلسله وتشبكيها فى ثالث سلسله من الاول اللى بين القوسين ثم تعملى 3سلسله كارتفاع اول عمود ثم2 عمود ثم 3سلسله وتشبكيهم فى الدائره المكونه من ال4س ثم اعملى 3س و 2عمود ثم اعملى 10 سلسله( اللى هما تحت واضحين) وهاتعملى 4سلسله وتشبكيهم فى ثالث سلسله وها تعملى زى الشرح فى الاول وامشى مع الاسهم وانتى هاتفهمى وهاتمشى فى الشغل ان شاء الله
ولو فيه اى حاجاه انا موجوده يارب حد من الاخوات يكون عنده رابط الشال يحطهولك

دى غرزه حلوه وعندى شرح لها هنقله لكى يارب يفيدك

راح اشرحلك الباترون الاول ولازم تنتبهي ان كل صف من الوردات بلون يعني بنستخدم 3 او 4 الوان

نشتغل بالبداية 6 غرز سلسله ونقفلها بمنزلقه
نرتفع 3 سلاسل ونستغل عامودين وثلاث سلاسل ونقفل بحشو بالدائرة
نرتفع 3 سلاسل ونشتغل عامودين و3 سلاسل ونقفل بحشو راح نكرر هذه 4 مرات

نشتغل 11 غرزة سلسله اللي باللون الاخضر الفاتح
ونزيد عليهم 6 سلاسل ونقفل بمنزلقة في 6 سلسله
نشتغل 3 سلاسل ووعامودين و3 سلاسل ونقفل بحشو
نرجع نرتفع 3 سلاسل وعامودين و3 سلاسل وحشو
مرتين فقط
ونرجع ونشتغل 11 سلسله+ 6 سلاسل ونقفل بسادس سلسله بمنزلقة ونكرر شغلنا
تشتغلي قد ماتحبي من الانصاف وردات ( عشان هذا السطر الاول

بعد ماتنتهي من الطول المطلوب
راح تشتغلي آخر وردة كأول وردة اربع بتلات وتنتهي منها وتشتغلي 5 سلاسل وحشو بالسطر السابق وترجعي تشتغلي 5 سلاسل \راح توصلي لنصف الوردة اللي بالسطر السابق اشتغلي حشو وبعيدن 3 سلاسل وعامودين وثلاث سلاسل وحشو
يكرر مرتين ( صار عندك 4 بتلات لوردة كامله)

هذا شريط واحد من الشال اذا فهمتي شرحي اكملك شرح السطر الثاني

بس انتي اقرئي بتركيز وطبقي راح تفهميها بسرعه


واي مساعدة ولايهمك
ودا شكل الشال اللى كان مرافق الشرح والباترون بتاعه

الغرزه جدا جميله..

الله يوفقك

الاخت تاتا
جزاك الله خيرا وشكرا لتعبك معايا

جزاك الله خيرا ام حسين المصرية
انا تقريبا فهمت بنسبة 80%
هجربها واقولك على النتيجة
وشكرا لك ولاهتمامك

جزاك الله خيرا ويسلموا ايدكيييييييييييييييييييييييييييييييييييييييييييييي ييي

الاخت ام حسين المصرية
انا جربت الغرزة وهى مش صعبة بعد شرحك لها بس لى ملحوظتين
1.. الوردة الاولى فى السطر الاول اعتقد انها تتعمل فى الاول 3 بتلات والبتلة الرابعة تكمل بعد اتنهاء السطر صح ولا لأ؟
2.. بعد الانتهاء من الوردة كامة (يعنى واحنا راحعين نكمل الورد) بعمل 5 سلسلة ثم غرزة حشو فى الغرزة السادسة من الـ11 سلسلة الى بين الوردتين ولا بنعمل 11 سلسلة على طول بدون غرزة حشو (شكلها فى الباترون من غير حشو)
معلش تعباكى معايا بس دة مش غريب على هذا المنتدى الرائع واعضاءة الرائعات
بارك الله فيهم جميعا
انا اتعلمت منهم كتيييير

انا مستنية باقى الشرح

الاخت ام حسين المصرية
انا مستنية باقى الشرح
انتى فين انتى تعبتى منى ولا ايه.؟