السلام عليكم يا اخواتى فى هذا الركن الجميل ممكن طلب من احدي الخبيرات بالتريكو المتخصصه فى عمل بلوفرات للاطفال انا الان اقوم بعمل بلوفر للنونه بتاعتى اللى جايه ان شاء الله قريبا انا بدات بالظهر عايزه اعرف طريقه حرده الابط وحرده الرقبه المدوره وحرده الكم مع العلم اننى اريد عمل زرارين للبلوفر من عند الكتف الشمال عشان يبقى سهل عند اللبس والخلع اتمنى من احدى الخبيرات ان تتبنانى فى ها الموضوع وتمشى معايا خطوة خطوه وا تزهقش منى لغايه ما اخلص البلوفر جعله الله فى ميزان حستاتها
انا عملت الظهر على 55 غرزه اشتغلت حوالى 3 سم بليسيه مزدوج ثم كملت جيرسيه وانا الان قربت اوصل لحرده الابط انا عندى فكره بسيطه عنها وهى 3 3 2 2 1 1
وشكرا للى هتساعدنى جعله الله فى ميزان حسناتها

حبيبتي اهلا بيكي
عايزه اسال بس
انتي ماشيه علي باترون ولا بتشتغلي كده من غير باترون
طيب المقاس جبتيه منين
يعني بداتي علي 55غرزه علي اي اساس
وبالنسبه للبيبي علشان بيكون مش بتعرفي تلبسيه بسهوله في الشهور الاولي بيكون ياريت تعملي له حاجه مفتوحه من الامام
يعني انا باقول لك ملاحظه وانتي ورغبتك ياقمر
لو المقاس كده مظبوط معاكي وناويه تكملي بنفس الفكره ممكن مش تحردي للباط خالص وحايطلع حلو برضه ولو حردتي خلي الحرده صغيره
يعني ممكن 3-2-1 ولو اني افضل الحرده اللي مره واحده يعني بتقفلي 3او4غرز وخلاص
وعلي فكره برضه كويس فكره انك تسيبي كتف مفتوح لسهوله اللبس

انا فرحانه جدا ان حضرتك بالذات اللى رديتى عليا يا ام قسمت لانى بجد بحبك فى الله
انا عملت المقاس ده على اساس بلوزه للبيبى بتاعتى انا بعمله من غير باترون من دماغى بس واتمنى انى انجح لانى بحب التريكو جدا
يعنى انا لما اوصل للباط اقفل 3 غرز بس واكمل عادى طيب لغايه كام سم وبعدها ابدا فى حرده الرقبه
ممكن ابقى ابعت لحضرتك على الخاص اى استفسار بخصوص الموضوع ولا خلينا على العام