السلام عليكم
ياخبيرات الكروشية

قررت بأذن الله اعمل بلوزة حلوة رقيقة خالص

بس انا مبتدئة ومفهمتش الباترون دة



بس ماعرفت منين ابدأ واحسب المقاس ازاي والمهم حردة الابط والرقبة

وعملت الوحدات الي عند الوسط

ودي صورة البلوزة وكمان الباترون










في انتظاركم

واووووو فعلا رقيقة خالص
ذوقك حلوو
موفقة يارب وان شاء الله الخبيرات يساعدوكي

يارب يساعدووووووووووووني

واخلصة قبل العيد
انا لسة فاكة فستان بعد ما وصل للنص
لائني اكتشفت انة ينفع لانجري مش فستان

ان شاء الله تلاقى طلبك يا قمر
كل سنة وانتى طيبة يا عسل

البلوزة روعة وان شاء الله تلاقي من يساعد
وباذن الله بعد العيد اعملها

مشكورة يابنات ان شاء الله الاقي لها شرح

على فكرة لبلوزة دى جميلة جدا جدا

وانا كنت بدأت اعملها ووصلت لجزء معين ووقفت

بس انا عندى شرحها هنزلهولك

يااااااااااااااااااريت يا روونا ا

في انتظار الشرح يا قمر

وكفايا ان اسمك رووناا يعني الكرم كلة

بصى يارنا انا عندى باترونتها كلها اهم







شوية وانزل الشرح
انتظرينى

الله يخليكى يارنا بس ده اسم دلع

لكن انا اسمى رانيا

بصى بقا ده شرح البلوزة منى ومن ماماسارة فى منتدى تانى

هذه البلوزه فعلا روعه بس حبيبتي شغلها كتير دقيق وخيطها كتير رفيع الله يعينك على تطبيقها
بتعملي اول شئ 8 وحدات من الورده راح يكونوا اربعه للظهر واتنين للامام اليسار واتنين للامام اليمين وبتشبكيهم مع بعض بالعرض وهذا عرض الخصر وبعدين من فوقهم بتطلعي لشغل الصدر مع مراعاة تنقيص غرزه من كل بدايه سطر وهو لحردة الابه على شكل سبعه
وراح تكوني بتشتغلي الامام والخلف مع بعض فوق الوحدات ولما تخلصي ترجعي تشبكي الخيط تحت الوحدات وتنزلي بالشغل لتحت الخصر حتى الذيل ثم تشتغلي الاكمام بنفس الطريقه اول تعملي الوحدات ثم تشتغلي فوقهم وتحتهم
هذا مسار الشغل
اما بالنسبه للغرزه فمثل ماانتي شايفه في الباترون عندك فوق كل قوس شكل مثل الفيونكه او الربطه هذه عباره عن 3 بيكو في وسط القوس من السلاسل
القوس عباره عن 8 سلسله انتي بتعملي 4 سلسله منه ثم بيكو وهي عباره عن دائره تزيينيه صغيره من 5 سلسله ثم تشبكيها على شكل دائره في اول سلسله في نفس الغرزه
بعدين تعملي البيكو الثانيه ثم الثالثه وكلهم ورا بعض ثم تكملي عمل القوس ب 4 سلسله الباقيه له ثم تشبكي قوس السلاسل هذا في الغرزهللسطر السابق كما في الباترون
والسطر الذي يليه لما بتعملي قوس السلاسل كما شرحت مسبقا بتشبكيه في البيكو الوسطيه للسطر السابق
شوفي حتى تشبيك الوحدات بيكون كله 3 بيكو
اما اذا وجدتي في الباترون رمز مثل علامة الاستفهام مقلوب لتحت اذا كانت وجهته لليسار فهو غرزه اماميه واذا وجهته لليمين فهو غرزه خلفيه
يعني غرزة العمود بلفه او الثلاثيه في قمتها من فوق بتلاقي عليها غرزة سلسله صح؟
والسلسله لها عروتين عروه امامك وعروه خلفيه وراها صح؟
اذا طلب منك الباترون تكون اماميه راح تدخلي الابره لعمل الغرزه الجديده في العروه الاماميه اللي امامك انتي ولو طلب انها خلفيه راح تدخلي الابره من العروه اللي ورها الخلفيه وهذا مطلوب لتكون الغرزه بارزه في الشغل
واذا لم يطلب منك الباترون ان الغرزه تكون اماميه او خلفيه فراح تشتغليها عادي وتدخلي الابره من تحت عروتين السلسله لقمة الغرزه للسطر السابق
انا ملاحظه في الباترون ان في الدوران الثالث لوردة الوحده بينهم غرزة حشو خلفيه
وطبعا بعد ماتخلصي بتشتغلي على داير الابه السبعه وحول الرقبه من الخلف بنفس الغرزه التزيينيه اللي في الباترون
انا فسرت لك كل مايمكن تجديه صعب في الباترون فاذا في شئ تاني انتي مش فاهماه منه ابلغيني وافصله لك حبيبتي
هنبدأ عمل الوحدات الأول للبلوزة وماما سارة قالت نعمل 8 وحدات منهم أربع وحدات للظهر ووحدتين للجزء اليمين ووحدتين للجزء الشمال
[url=http://www.herosh.com]
نقره على هذا الشريط لعرض الصورة بالمقاس الحقيقي
[/url


هنبدأ أول سطر بعمل سبع سلاسل ونقفلهم بمنزلقة
السطر الثانى هنطلع بسلسلة ونعمل عدد 15 غرزة حشو ونقفلها بحشو
السطر الثالث هنطلع بثلاث سلاسل كأول عمود ونعمل كمان تلات سلاسل وتسيبى فى السطر اللى تحته غرزة حشو وتعملى فى اللى بعدها عمود أى غرزة البريد بلفة واحدة وبعدين تلات سلاسل وتسيبى غرزة حشو وتعملى بريد بلفة وهكذا الى آخر السطرونقفله بحشو
السطر الرابع نطاع بسلسلة فى العمود اللى تحته وبعدين غرزة حشو فى اول سلسلة بعد العمود وبعد كده هنعمل خمس غرز بريد منها اول بريد وآخر بريد هيكون نصف عمود والتلاتة اللى فى النصف بريد بلفة واحدة وبعدين غرزة حشو فى تلات سلسة( يعنى كل تلات سلاسل بين البريد نعمل فيهم غرزة حشو وخمس بريد وحشو) وهنفصل بغرزة أمامية راح تدخلي الابره لعمل الغرزه الجديده في العروه الاماميه اللي امامك انتي
العروة الامامية للسلسلة ونكرر لآخر السطر.
السطر الخامس هنطلع بسلسلة ونعمل بعد كده فى كل عمود سلسة يعنى هيكون عندنا 5 سلاسل ونعمل بعدهم فى الغرزة الامامية غرزة حشو وهكذا الى الآخر ونقفله.
السطر السادس هنسيب اول سلسلة و هنعمل غرزة حشو فى السلسلة التانية وهنعمل عشر بريد بلفة ماعدا أول بريد و آخر بريد هيكونوا نصف بريد أى نصف عمود و هنعمل غرزة حشو فى السلسة قبل الأخيرة وهكذا نسيب أول سلسلة ونعمل فى التانية غرزة حشو ونعمل عشر بريد فى الوسط وبعدين نعمل غرزة حشو فى السلسلة قبل الأخيرة ونكرر للآخر.
السطر السابع هنعمل فى العمود التالت 5 سلاسل وبعدين فى عندكم فى الباترون شكل الفيونكة دى غرزة البيكو عباره عن دائره تزيينيه صغيره من 5 سلسله ثم تشبكيها على شكل دائره في اول سلسله في نفس الغرزه بعدين تعملي البيكو الثانيه ثم الثالثه وكلهم ورا بعض وبعدين هنعمل 5 سلاسل ونقفلهم فى العمود التالت من الخلف يعنى البريد رقم 8 ونطلع بخمس سلاسل وبعدين البيكو وننزل بخمس سلاسل بس المرة دى هنقفلهم فى النصف اى فى البريد رقم خمس يعنى واحدة كده وواحده كده وهكذا لآخر السطر.
السطر الثامن هنطلع بخمس سلاسل من غرزة البيكو التانية ونعمل بعد الخمس سلاسل غرزة البيكو وننزل بخمس سلاسل فى البيكو التانية للغرزة اللى بعدها وبعدين هنعمل سبع سلاسل ونرجع ونعمل فوقيهم فى أول سلسلة غرزة حشو وبعدين عشر بريد بلفة ماعدا أول بريد و آخر بريد هيكونوا نصف عمود ونعمل فى آخر سلسلة غرزة حشو ونرجع ونعمل فوقيهم مشعارفة ده حشو ولا ايه هسئل ماما سارة وبعدين نرجع ونعمل فوقيهم حشو فى أول عمود ونعمل خمس سلاسل ونسيب عمودين ونقفل فى الثالث بحشو وهكذا ونرجع ونطلع بحشو ونعمل تانى حشو وبعدين سبع بريد بلفة ماعدا أول واحد و آخر واحد هيكونوا بنصف لفة وبعدين حشو فى آخر سلسلة وهكذا ونكمل بعد كده السطر هننزل بسلاسل مش عارفة صح ولا لاء فى الفيونكة التانية ونطلع بخمس سلاسل وبعدها البيكو وبعدها ننزل بخمس سلاسل فى الفيونكة التانية للغرزة اللى بعدها يعنى السطر ده هنعمل مرتين الخمس سلاسل والبيكو والخمس سلاسل ومرة الجزء اللى فيه شغل كتير ده.
السطر التاسع هنطلع بخمس سلاسل من البيكو التانية ونعمل غرزة البيكو وننزل بخمس سلاسل نقفلها فى الغروة اللى بعدها ونطلع كمان بخمس سلاسل وغرزة البيكو وننزل بخمس سلاسل هنقفلهم فى تانى بريد ونطلع بخمس سلاسل والبيكو وننزل بخمس سلاسل نقفلهم فى النصف بين الجزء الاول والتانى( انتوا هتلاقوا عندكم ثلات دوائر أو اجزاء هم دول)ونطلع برضو بخمس سلاسل والبيكو وننزل بخمس سلاسل ونقفلهم بين الجزء التانى والتالت ونطلع بخمس سلاسل والبيكو ونقفلهم فى البريد قبل الأخير للجزء التالت وهكذا لآخر السطر.

ملاحظة من ماما سارة يابنات
عندي ملاحظه مهمه في عمل البيكو
البيكو التزيينيه هنا بتعمليها كالتالي
4 سلسله -ثم 8 سلسله لعمل دائرة الوسط وبشبكيها في اول سلسله منهم على شكل دائرة المركز للبيكو -ثم بتعملي داخل دائرة المركز 3 بيكو صغيره كل واحده من 3 سلسله - ثم 4 سلسله

بعد ماخلصت الوحدات نبدأ نشبكها ان شاء الله

والتشبيك هيكون كالتالى
نجيب وحدتين ونشبك البيكو للوحدة الاولى مع الوحدة التانبة بحشو هيكون خمس بيكو من الجنب للوحد الاولى والتانية زى ماواضح فى الباترون وهنلاقى فوق الخمسة البيكو من الوحدتين بينهم دائرة مكتوب فيها هنا هنعمل بيكو جديدة علشان نشبك بيها الوحدتين وتحت الخمس بيكو برضه نفس الكلام نعمل بيكو جديدة علشان نشبك بيها الوحدتين كدا نكون خدنا سبع بيكو من الجنب لكل وحدة وهنشبك باقى الوحدات بنفس الطريقة .