بسم الله الرحمن الرحيم
السلام عليكم ورحمة الله وبركاته
هنبدأ ورشة الفانوس والخطوات هتبقى مصورة بس بع اذنكم يا بنات فى طلب انا مش ممناعة ان الموضوع يتنقل لمنتدى تانى بس يا ريت محدش يمسح اسمى من الصور علشان الامانة لانى انا عملته وتعبت فيه
وكمان حاجة انا عاوزة اشوف التطبيقات الجميلة من ايديكم الحلوة علشان افرح بيهم لانى كل ما اعمل ورشة كتير يشتركوا ويسألوا بس ميحطوش التطبيقات
دية صورة الفانوس

بسم الله نبدأ
الاول هنعمل جسم الفانوس بس قبل ما نبدأ لازم اقول
حجم الفانوس بيرجع لسماكة الخيط المستخدم ممكن تستخدمى الخيط الصوف لو عايزاه كبير وممكن تستخدمى القطن لو عاوزه صغير شوية
كمان ممكن تتحكمى فى حجمه عن طريق عدد الغرز والاسطر بتاعته وكل واحدة تعمل الحجم اللى يريحها

كمان الشغل بتاعنا هيبقى حلزونى يعنى بداية السطر مش هتتبتدى بسلسلتين كالعادة ولو هتتلخبطى فى بداية كل سطر علميهم بقطعة خيط او دبوس مشبك صغير

الغرزة المستخدمة هتبقى ان شاء الله الحشو بس ممكن تستخدمى فيه نصف العمود او العمود بلفة وده يرجع لذوقك وممكن تتحكمى فى حجم الفانوس بيها بس انا بفضل غرزة الحشو علشان هى صغيرة وبتعطى منظر حلو وكمان الحشوة بتاعتك مش هتبان منها

اللى هتستخدم غرزة كبيرة ممكن تلفى الحشو بمنديل ورق علشان متبانش وكمان متتعبكيش فى الشغل
اى استفسار ان شاء الله اجاوب

ما شاء الله شرح جميل شكرا يا عسل

الحجم ان شاء الله متوسط لو تشتغلى بخيط الصوف وصغير لو استخدمتى خيط القطن

الاول تعملى 4سلاسل وتقفليهم بمنزلقة
السطر الاول تعملى عشرة غرز حشو السطر التانى متعمليش السلسلة الارتفاع بس انتى اشتغلى حلزونى على طول علشان الشغل ما يبقاش فيه علامة

السطر التانى تشتغلى فى كل غرزة غرزتين حشو

السطر التالت تشتغلى غرزة فى الغرزة الاولى والغرزة التانية فيها غرزتين
انا اكتفيت بكده من الزيادة انتى ممكن تعملى السطر الرابع الغرزة الاولى فيها غرزة والتانية فيها غرزة والتالتة فيها اتنين والزيادة ممكن تستمر حسب الحجم اللى انتى عاوزاه زى ما انتى بتعملى طاقية البيبى بالضبط




السطر الرابع والخامس والسادس والسابع والتامن والتاسع بدون زيادة

تسلمى

كتبت بواسطة شاوي

ما شاء الله شرح جميل شكرا يا عسل

تسلميلى يا بسبستى نورتى وحليتى الموضوع كله

كتبت بواسطة ام جعفر و محمد

تسلمى

تسلميلى يا ام محمد
خليكى متابعة

متابعه معاكِ ان شاء الله

بعد كده تبدأى تنقصى بس الاول تحشى جسم الفانوس بالفايبر او القطن انا استخدمت القطن بس علشان مايضايقنيش فى الشغل لفيته بمنديل ورق ومتقلقيش مش هيأثر عليها فى الغسيل


حسب الزيادة اللى انتى زودتيها هتنقصى وبالتدريج
يعنى انا عملت غرزة فى غرزة وغرزة وغرزتين هبدأ انقص غرزة كل تلاتة غرز وبالتدريج هتلم معاكى بالتدريج






وبعد كده هتقفلى وتسيبى حتة خيط كبيرة شوية فى النهاية علشان تقفلى بيها وكمان تعملى تعليقة الفانوس

خلاص نخلي النمل ايلف الموضوع ههههههه
لكن استادة ما شاء الله ممكن تعمليلي دورة تعلميني الشرح والله اكون فهمة الشغل وعرفاه وما اعرف كيف اشرح

اختي ام جعفر فيه ورشة للبنانية تشبه سؤالك شوفيها