بسم الله الرحمن الرحيم
أولا أحب أشكر و أقول جزى الله خيرا كل من قام و يقوم بجهد فى هذا المنتدى الأكثر من رائع وأشكر كل مبدعات الكروشيه و التريكو وغيرها من قيامهم بمجهود مشكور فى تعليم غيرهم أو عرض تجاربهم و اسمحوا لى أحيي بجد التفاعل بين الأعضاء.
معلش طولت شويتين فى المقدمة ندخل بأى فى الموضوع:
بجد الواحد ساعات بيفكر ان احنا تقريبا كل حاجة بنستوردها....طيب احنا فين...هل للدرجة دى تخلفنا عن شعوب كتير؟!!!!طيب هم أحسن مننا فى إيه؟!!!!!!! طيب ليه منكونش أمة منتجة؟!!!!ليه منقولش للكسل مع السلامة وكل فرد فينا يتعلم حاجات ويشتغل بإيده و يعمل حاجات حلوة.
أنا اتعلمت الكروشيه بفضل الله ثم بفضل الأخوات اللى بيبذلوا جهد كبير علشان يعلمونا-جعل الله هذا فى ميزان حسناتهم-لكن أنا طبعا لسه مبتدئة بس حسيت بشعور رائع كل أما بعمل حاجة جديدةة حسيت أنى أنتجت شئ من عمل ايديا ولسه عاوزة أتعلم حاجات تانية كتير
عاوزين نتجمع كلنا فى المنتدى الرائع ده نشارك بعضنا فى الأفكار و الآراء سواء فى الكروشيه..التريكو..الأعمال اليدوية....نشجع بعض نعمل ورش أكتر من كده.. نعلم غيرنا من أصحابنا.. أو غيرهم..
بجد محتاجين ننشر ثقافة الإنتاج شويه...إيه رأيكم ؟!!!!!!!
مين بجد مستعد يخصص وقت أكبر لتحقيق الهدف ده؟!!وهل هو هدف يستحق يكون أحد أهداف حياتنا؟
لجد أسئلة كتير ومحتاجين تفاعل كبير من أخواتنا اللى حبيناهم من غير ما نشوفهم..محتاجة بجد تفاعلكم وآرائكم.
واسمحوا لى أستغلكم دلوقتى وأفتتح التفاعل بأى آخد رأيكم فى تانى بلوزة أعملها وطبعا المستوى مش أد كده بس أرجو المعذرة لأنى لسه مبتدئة وأعتقد أهم حاجة هى خطوة البداية وبجد شعور الإنتاج شعور آخر
الروابط المفضلة