نبدأ العمل
بسم الله
البطانية عبارة عن وحدات مربعة من لونين... نشبكهم من خلف الشغل بغرز حشو
أول شي نبدأ باللون الأساسي اللي هو الأبيض أو حسب ذوقكم.. نعمل 7 سلاسل ونشبكهم بمنزلقة ونعمل داخل الدائرو غرز حشو وكل ما كترنا كان احسن يعني لازم نرصهم منيح ونقفلهم بمنزلقة
وبعدين نعمل 3 سلاسل ونشتعل 24 عمود داير ما يدور الشغل طبعا لازم نوزعهم بشكل مرتب غرز تعملي فيها عمودين وغرز عمود واحد يعني المهم يطلعوا 24 عمود مو مهم كيف توزعيهم.. نقفل الشغل بمنزلقة
وبعدين نعمل 3سلاسل ونشتغل في راس العمود اللي بعدو على طول عمودين واللي بعدو عمود واللي بعدو عمودين لغاية آخر الشغل ولازم يطلع معانا 36 عمود وقفل بمنزلقة ونقطع الخيط
الحين نشبك اللون الثاني ونعمل 4 سلاسل ونعمل عمود بلفتين في راس العمود اللي بعدو على طول ... وكمان* عمود بلفتين في اللي بعدو ,,, وعمود بلفتين في اللي بعدو .. وبعدين سلسلة وعمود بلفتين في نفس العمود* نكرر ما بين النجوم إلى آخر الشغل بتلاحظو انو بتتكون عنا مجموعات عواميد ما بينهم سلسلة .. لازم يكونو 12 مجموعة .. نقفل بمنزلقة ونقطع الخيط
الحين بنشبك اللون الأساسي في الفراغ اللي فيه السلسلة ونعمل 3 سلاسل
ونشتغل 4 عواميد في نفس المكان وبعدين* سلسلة و5 عواميد في الفراغ اللي بعدو وسلسلة و5 عواميد في الفراغ اللي بعدو وسلسلة و5 عوميد في الفراغ اللي بعدو وبعدين 3 سلاسل و5 عواميد في نفس المكان* عشان تتشكل زاوية المربع ... نكرر ما بين النجمتين إلى آخر الشغل ونقفل بمنزلقة ... وهيك بنكون شكلنا المربع
بعديها بنعمل 3 سلاسل و4 عواميد في نفس الفراغ في البداية ونعمل ونكرر في كل فراغ 5 عواميد بينهم سلسلة ... بس الزوايا 5 عواميد 3 سلاسل 5 عواميد في نفس الفراغ ... نهاية الشغل نقفل بمنزلقة
وبعدين نعمل 3 سلاسل ونكرر اللي عملناه في السطر السابع وننهي الشغل وهيك خلصنا الوحدة
وبعدين بنعمل العدد اللي بيناسبنا من الوحدات وبالألوان اللي بتحبوها وبنشبك الوحدات مع بعض بغرزة الحشو خلف الشغل
والحاشية بتعملوها بأي غرزة بتحبوها ,,, أنا عملتها صدفات
وهيك خلصت البطانية وأي سؤال أنا حاضرة
الروابط المفضلة