اللي يحب النبي يدخل

**مجد الاقصى** · 18-03-2009, 10:13 PM

مرحبا بنات انا الي اكثر من 18 سنه ما اشتغلت كورشيه وعلى فكره احنا عنا بحكوله سناره المهم اللي تحب النبي تساعدني اعمل فستان للعبة بنتي الباربي وبالخطوات كمان وانشاء الله تلاقيه بميزان حسناتها

**1974semsema** · 18-03-2009, 10:22 PM

اهلا بيكي اخت فروحه انا من مده كنت شفت في موضوع لبنانيه بجده في دوره الحردات شرح لعمل فستان عروسه ممكن تروحي وتشوفيه يا رب اكون افدتك

**الازهرية ناصرية** · 18-03-2009, 10:25 PM

السلام عليكم: شوفي الرابط ده:

http://picasaweb.google.com/dsy5265/fYQRAL#
لكن الحقيقة لو محتاجة شرح عليك بالخبيرات, لبنانية, امال رفقي, فراولاية العسل.

**مجد الاقصى** · 19-03-2009, 06:40 PM

الله يجزاكم كل خير اخواتي وانشاء الله تلاقو في ميزان حسناتكم

**جمانة خطاب** · 19-03-2009, 08:18 PM

بصى حبيبتى انا عندى البتورنات دى لحاجات للبربى بس الفساتين المنفوشة بتاعت الخروج معنديش بترونها بس عندى موديلات كتير لو حابة انزلهالك انا عن قريب هعمل واحد للباربى بتاعت بنتى ولما اعملة ان شاء الله هحطهولك

ودى البتونات بتاعتها

ودة تطبيقى على حاجة منهم

**شاوي** · 19-03-2009, 08:27 PM

مشاء الله عليك

**farawlla07** · 19-03-2009, 08:36 PM

ام جمانه ماشاء الله عليكي سلامي لجوجو صحبتي ولبقي عمليلي واحده معاها

ممكن تعليق للاخت فروحه غير مستحب تقولي الي يحب النبي يدخل لان اكيد كلنا بنحب الرسول صلي الله عليه وسلم يفضل تقولي بالله عليكم ادخلو واعتذر لو تعليقي يضايقك
كمان الحلف بغير الله شرك

**جمانة خطاب** · 19-03-2009, 09:21 PM

[quote=farawlla07;7769355]ام جمانه ماشاء الله عليكي سلامي لجوجو صحبتي ولبقي عمليلي واحده معاها
انتى تأمرى يا فراولة
وجوجو بجد بقت بتحبك اوى ومستنياكى تيجى تانى بفارغ الصبر

**مجد الاقصى** · 20-03-2009, 03:41 PM

اختي جمانه خطاب شكرا جزيلا لك والله يخليلك اولادك يارب بس حابه اغلبك اتحطيلي كيف بشتغلي هاي الشغلات لانب ما بعرف اقرا او اطبق الباترون.اما بالنسبه للاخت فراولة7 فانا ما بزعل من الانتقادات ابدا وانتي زي اختي بس انا خفت ما حدا يدخل على موضوعي وما حدا يعبرني

**جمانة خطاب** · 20-03-2009, 08:25 PM

كتبت بواسطة فروحة قلبي

اختي جمانه خطاب شكرا جزيلا لك والله يخليلك اولادك يارب بس حابه اغلبك اتحطيلي كيف بشتغلي هاي الشغلات لانب ما بعرف اقرا او اطبق الباترون.اما بالنسبه للاخت فراولة7 فانا ما بزعل من الانتقادات ابدا وانتي زي اختي بس انا خفت ما حدا يدخل على موضوعي وما حدا يعبرني

بصى انا هشرح ليكى الطقم اللى انا عملتة للباربى اللى فى الصورة
1_ هتعملى حوالى 5 سلاسل وتقفليهم بمنزلقة
2_ هتشتغلى جوة الدائرة دى (هتطلعى 3 سلاسل وتعملى 3 عواميد وبعد كدة هتعملى 3 سلاسل وتعملى 4 اعمدة و3 سلاسل 4 اعمدة و3 سلاسل وتقفلى بمنزلقة فى السلسلة التالتة من التلات سلاسل اللى عملتيهم فى الاول

يعنى كدة هيكون عندك ثلاثة مجموعات من الاعمدة كل مجموعة 4 اعمدة

هتقطعى الخيط

3_ هتكررى السطر 1 و2 لعمل الناحية التانية
وبعد كدة هتشبكيهم ممكن بالخيط والابرة من عند اى تلاتة سلاسل للاتنين علشان يتشبكوا من قدام
4_وهتيجى من عند التلاتة سلاسل اللى فوق وتعملى 20 سلسلة وتقفلى بمنزلقة فى التلاتة سلاسل اللى فوق فى القطعة التانية علشان نعمل الدوران حوالين الرقبة
5_ هتشبكى الخيط فى ال3 سلاسل اللى من الجمب وتعملى حوالى 20 يليلة وتقطعى الخيط وتعملى نفس الحكاية فى القطعة التانية علشان يتربطوا من ورا للباربى
وبكدة تكونى خلصتى الجزء اللى فوق

الجيبة بقة
1_هتعملى سلسال غلى قد دوران وسط البارى واكبر شوية
2_هتعملى سلسلةوتشتغلى على باقى السطر دة غرزة الحشو
3_ هتعملى 3 سلاسل وهتشتغلى كل السطر عواميد
4 _تكررى السطر 3
5_هتعملى 3 سلاسلوتدخلى فى الغرزة اللى بعدها وتعملى ( 2عمود و 2 سلسلة و2 عمود 2 سلسلة) وتسيبى غرزتين من السطر 4وتكررى مابين القوسين لنهاية السطر
6_هنعملى 3 سلاسل وجوة كل ( 2عمود و2سلسلة و2 عمود) هتعملى زيهم بردة وهتعملى فى ال2 سلسلة اللى بين كل مجموعة والتانية من السطر 5 هتعملى2 عمود

يعنى هتعملى(2 عمود و2 سلسلة و2 عمود ) وبعد كدة 2 عمود وهكذا كل السطر

بصى جربيها واى حاجة تحسى انها مش واضحة قوليلى وانا معاكى

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: اللي يحب النبي يدخل

أدوات الموضوع

العرض