الفكرة حلوة
لكن نكتب نوعية الخيط وسعرة واسم المحل صح
للبحث في شبكة لكِ النسائية:
|
الفكرة حلوة
لكن نكتب نوعية الخيط وسعرة واسم المحل صح
ماشي حبيبتي انا معكي بحكيك بس في حاجة
فرضا عرفنا الاسعار وطلع مثلا الي بيتباع هناك اقل من هنا
مثلا بين القاهرة والاسكندرية في القاهرة طلع سعر كذا وفي اسكندرية اقل من كذا الي بالقاهرة هاتعمل ايه هاتنقهر وبس مش هاتعرف تجيب السعر الاقل بالرغم من انهم في بلد واحدة وراح تضطر تجيب الاغلى فهمتي قصدي واصحاب المحلات عمرهم ما هيسمعوا كلامنا هما عايزين السعر الي طلبوه وخلاص
الكلام دا ممكن يفيد في محلات المنطقة الواحدة بس مش بين المحافظات او الدول
الفكرة دى جميلة جدا
وياريت بجد تنفذوها
عارفين يا بنات انا من مدينة الاسماعيلية
وعندنا محل واحد فقط بيبيع الخيوط
تصوروا
وطبعا متقدريش تفاصلى واسعاره غالية جدا
عارفين مرة فى منتدى البنات قالوا على خيط الشلة منه ب 1.5
رحت للمحل واشتريته ب 5 جنيه للشلة
طبعا لانه عارف ان مافيش غيره موجود فبيستغل الفرصة
وكمان سمعت ان فى محلات فى التربيعة فى القاهرة بتبيع بالجملة او قطاعى واشكال حلوة مش هتلاقيها فى اى مكان تانى
وفى منه مستورد كمان وبرخص التراب
بس انا مقدرش اروح لهناك ونفسى حد يشتريلى
وابعت الفلوس الاول
واذا كان على شركات الشحن اعرف شركة داخلية اتعاملت معها وهى امينة تانى يوم يوصلك علطول
مش عارفة اذا كان ينفع اكتب عنوان المحل ولا لاء
لو ينفع قولولى وانا اكتبه
جزاكن الله خير الفكره جيله فعلا
هنا في السعودية انا بشتري الخيوط القطينه غاليه شوي والشله 50 غرام فقط
لو اخذ خيوط من الخارج تطلع ارخص بكثييير
فعلا موضوع رائع وجميل وان انضحك عليا اكثر من مره اشتريت النوع الكويس طلع غالى قوى وبع كده اشتريت نوع رخيس طلع وحش جدااااااااااا ينتف وينقطع طلع عينى ومش رخيص قوى كان صوف 50 جرام 1.75 يعنى ال100 جرام ب3 جنيه
والغالى ال50 ب3 وال100جرام ب6 جنيه
والحمد لله حماى دلنى على محل اسمه البيه ( انا من دمياط) فى سوق الخضار او القلل عنده انواع كتير جدا من الصوف والقطن والحرير وكمان صوف على موهير وفرو وصوف سميك ورفيع ووسط وكمان عنده من النوع اياه وقللى ده للعاوز يتعل يتعلم فيه او للمدارس وهكزا المهم اسعاره حلوه جدااا ومعقوله مع ان دمياط معروفه بالاسعار الغاليه فى كل حاجه
انا عارفه انى طولت عليك بس انا سعيده انى عرفت طريق المحل ده ربنا يخليلى حمايا
انا جبت من عنده خيط صوف رائغ الوان ثابته وجميله ال100 ب4 جنيه بس بس يستاهل اكتر ومفيش فيه عيوب ولا توصيل هنزلك صورته وخيط قطن مصرى جنجاه تحفه 100 جرام ب9.50 اسمه helwan cotton
ايوه يا ريت تنزليه حبيبتى وكل واحدة فى المنتدى تحاول على قد ما تقدر ونحاول بعد كده نحل مشكلة اختلاف الاسعار المهم نقف الاول على السعر الحقيقى
أنا معاكى 000 وجزاكى الله خيرا على الاقتراح ده
السلام عليكم: شوفي اخت اسماء موضوع الاسعار ده شوية معروف, يعني مثلا بكرة الخيط القطن اشترتها من محل قريب من البيت ب4,5 واشتريت مثلها بالظبط من محل في شارع الموسكي ب3,5 وكان في محل اسمه الغندور في شارع الموسكي ايضا بيبيع الكيس كله على بعض واكيد ارخص, بس الفتلة كانت مختلفة عن اللي اشتغلت بيها, ولعلمكم انه بسبب زيادة الاسعار كل فترة بسيطة الاسعار بتزيد, يعني ماما اشترت خيط قطن غزل ولا مش عارفة اسمه ايه, اللي هو بيج ورفيع ده, المهم هي اشترته بسعر وراحت لنفس المحل بعدها بشهر وجدت سعره زاد حوالي 5 جنية.
والمحل القريب من بيتي كنت اشتريت منه خيط صوف ابيض ب165 قرش للبكرة, ووجدتها في محل اخر قريب جدا لبيتي ب2 جنيه, فالزيادة دي بالنسبة لي عادي. المهم اننا نعرف اماكن بيع الجملة لأنها فعلا ارخص من القطاعي وكمان بيبقوا محكومين بسعر عكس محلات القطاعي.
الروابط المفضلة