حبيبتي ام قسمت جزاكي الله الف خير وبارك بصحتك وعمرك يارب على تعبك معايا واعتذر ياغالية على عدم تواجدي بالامس لانقطاع النت

انا حضرت الصوف وكله تمام بس معلش بعد اذن حضرتك عندي شوية استفسارات لو سمحتي
اولا كم جرام صوف احتاج لعمل بلوفر لشخص في نفس حجم الموديل في الصورة الاولى وايضا يصنف تحت اي مقاس اللارج او الاكس لارج في الباترون لاني محتارة واود صنع نفس مقاس الشخص بالصورة ومحتارة بين اللارج والاكس لارج
ثانيا حبيبتي ماهي غرزة الحرف؟
ثالثا معلش لم افهم الارقام في اول الرتجمة ماذا تعني وايضا مسألة كرري بين العلاكتين لم افهمها رجاءا افيديني بمفهوم هذه الاشياء لاني فعلا لم استوعبها
لكي مني جزيل الشكر وانتظر ردك بفارغ الصبر

هذه العبارة لم افهمها اختي الحبيبة
المقاسالكبير (لارج)غرزه حرف- 8مقلوب*9عدل-8مقلوب*كرري مابين العلامتين منتهيه بغرزه حرف
Size XL: K 1 (edge st knit in garter st), P 9, *K 9, P 9*, repeat *-* and finish

وايضا انا لدي فقط الابر الكبيرة هل يمكن ان ابدأ بها البلسيه كما موجود بالباترون ولا لازم اشتري ابر صغيرة؟

بصي ياقمر
الصوف هم بيعملوا بصوف بتاع الموقع وبيكون باسماء غريبه وهم عاملين البلوفر خطوط علشان كده كميات الصوف مختلفه
من الاخر انا باعمل بكميه صوف في حدود من 500 الي 600 جرام
واعملي عينه بالصوف بتاعك مثلا 10 غرز في 10 سطور وقيسي بالسم وبعدين قيسي محيط جسم اللي عايزه تعملي له البلوفر واقسمي علي 2 علشان تطلعي الصدر لوحده والضهر لوحده وبعدين شوفي ال10 غرز عملوا كام سم واحسبي انتي عايزه كام غرزه
الابر انتي عندك علي الصوف بتاعك رقم الابر اللي تعملي بيها البليسيه ورقم الابر اللي تشتغلي بيها بقيه البلوفر
واشتغلي العينه بالابر اللي رقمها عندك علي الصوف علشان تحددي عدد الغرز اللي تبدئي بيها
غرزه الحرف هي غرزه في الاول وغرزه في اخر السطر وبتعمليها عدل علي طول كل السطور
مش فاهمه السؤال ده بتسالي علي اي ارقام
كرري مابين العلامتين
انتي عندك غرز بين العلامتين دول ** كرري الغرز دي علي طول السطر يعني مثلا
*1عدل- 2مقلوب* كده حايكون مطلوب منك تكرري 1عدل و2مقلوب وبعدين 1عد و2مقلوب ------- وهكذا
ولما تفهمي اللي انا شرحته حاتفهمي السؤال اللي سالتيه في الرد التالي
اللي عايزاه منك ماتزهقيش وتسالي علي كل حاجه وباذن الله اكون معاكي

شكرا لحضرتك جدا ياام قسمت على ردك السريع ربنا يبارك فيكي يارب بجد متعرفيش انا ممتنة ليكي قد ايه وبدعيللك دايما والله
حبيبتي انا الخيط عندي تومبرليه يعني درجات الازرق ومكتوب عليه ابرة 4 ونص وكان سؤالي لحضرتك الاولاني هو الموديل في الصورة الاولى معلش بس ياترى المناسب ليه الارج ولا الاكس لارج يعني ابدأ ب95 غرزة ولا 110 غرزة ولا لازم اخد مقاسات؟مينفعش بالنظر كده؟لاني اود صنعه مفاجأة
واسفة عزيزتي بس اللي عايزة اسأل حضرتك ماتقصديه بغرزة الحرف يعني اعمل غرزة عدلة ابدأ بيها وانهي دايما ولا تقصدي حاجة تانية لاني بجد مش مستوعبة الجزء ده اما حكاية بين العلامتين فهمتها ربنا يكرمك يارب ويجزيكي خير

بصي ياام يمني
ابدئي علي 110 وتوكلي علي الله
وبعدين مش لازم تقيسي الشخص يعني قيسي علي اي بلوفر عنده
لو مكتوب عندك علي الخيط 4ونص بس ده معناه المقاس الكبير للابر ابدئي البليسيه علي ابر اصغر يعني 3ونص مثلا
بس معلش قوليلي النتيجد في الاول يعني الشغل شكله كويس ولا مشدود ومكتوم كده
بالنسبه لغرزه الحرف ايوه بتعمليها عدل علي طول
يعني في السطر علي وجه الشغل بتبدئي بغرزه عدل وتنهي الشغل بغرزه عدل
وفي السطر التالي بتبدئي بغرزه عدل وتنهي الشغل بغرزه عدل وهكذا

شكرا حبيبتي على ردك السريع انا خلاص عملت 110 غرزة لكن معنديش ابر صغيرة مينفعش اشتغل بالكبيرة؟
الشغل لا مش مكتوم عادي الحمدلله انا مبحبش يبقى مشدود اوي يعني مهوي شوية والحمدلله كويس لكن معلش انا بدأت اهو السطر استنى لمااجيب ابر صغيرة ولااكمل وخلاص وان شاء الله ينفع يارب

حبيبتي انتي بتبدئي علي ابر صغيره علشان يكون ماسك شويه من تحت زي البليسيه اللي في الجاهز
ولو عايزاه سايب من غير كوت من تحت كملي بالابر الكبيره

كيف حالك يا ام ميني ماشاء الله شايفاكي بدأت سبقتيني
ان شاء الله يكون ملبوس الهنا علي زوجك

وجزاكي الله كل خير يا ماما قسمت ربنا يبارك لك ف صحتك واولادك

ممكن ترجمه الجزء ده

Stripe Pattern: The entire pattern is knit in rib.
1 strand Camelia + 1 strand flint Silke-Tweed until the piece measures 5-6-6-7-7 cm
1 strand Camelia + 1 strand brown Silke-Tweed until the piece measures 10-12-12-13-13 cm
1 strand Camelia + 1 strand light blue Silke-Tweed until the piece measures 20-23-23-25-25 cm
1 strand Camelia + 1 strand beige Silke-Tweed until the piece measures 25-29-29-32-32 cm
1 strand Camelia + 1 strand flint Silke-Tweed until the piece measures 35-40-40-44-44 cm
1 strand Camelia + 1 strand brown Silke-Tweed until the piece measures 40-46-46-50-50 cm
1 strand Camelia + 1 strand light blue Silke-Tweed until the piece measures 45-52-52-56-56 cm
1 strand Camelia + 1 strand beige Silke-Tweed until the piece measures 50-58-58-62-62 cm
then knit with 1 strand flint Silke-Tweed (+ 1 strand Camelia) to finished measurements

ماما سؤال تاني
الجزء ده معناه ان البلوفر كله حيبقي زي البيليسيه 9 عدل 9 مقلوب صح
المقاس الكبير جدا جدا (اكس اكس لارج)- غرزه حرف (اشتغليها عدل علي طول)4عدل- 8مقلوب*9عدل- 9مقلوب*كرري مابين العلامتين منتهيه ب9عدل-8مقلوب-4عدل ثم غرزه حرف
When the piece measures 5 cm change to larger needles – continue with stripes and rib as before.
عندما يصل طول الشغل 5سم غيري للابر الاكبر واستمري في الباترون كما سبق شرحه

شكرا ام قسمت على التوضيح انا قلت خلاص ابدأ بالموجود وعموما انا بحبه نازل شكل واحد من غير كمبر من تحت والمرة الجاية بقى ابقى استعمل ابر صغيرة لان الوقت هيكون فيه متسع باذن الله

مرسي جدا لمتابعتك لي

بس في ملحوظة مزعلاني جدا معرفش ايه الحكاية واتكررت
السطر الاول اشتغلته تمام غرزة عدلة(حرف)وبعدين9 مقلوب بعدين(9عدل*9مقلوب)وكررتهم وبعدين انتهيت بالتسعة العدل ثم بدأت السطر التاني حرف مقلوب عدل مقلوب وجيت انتهي بالعدل اتبقى ليا اربع غرز معرفش ليه واتكررت معايا نفس الحكاية واناحزينة جدا بجد لاني عدته مرتين
ياريت تجاوبيني بسرعة ربنايجزيكي خير