السلام عليكم ورحمة الله وبركاته

أخواتي انا حبة اكون منكم وانا بتمني اتعلم الكروشية وكنت نفسي ابتدي اول شيء اني اعمل جراب لموبايلي ممكن تساعدوني ازاي اعملة ودي هتكون أول شيء اعملة بالكروشية ياريت تسعدوني لان ده اكيد هيفدني املي وقتي بعمل مفيد بدل الفراغ واتمني تقبلوني أخت ليكم لأني بجد محتاجة اصدقاء مثلكم


وجزاكم الله عني خيرا


أختكم في الله وعد

نرحب فيك ياوعد صديقة جديدة
أنا من محبي التريكو أكثر ولكن خذي جولات بين مواضيع هذا المنتدى وستجدين ماتتمنين وأكثر وستصبحين فنانة ان واصلتي متابعة الاساتذة هنا
واهلا بك من جديد

اهلا بالاخت وعد معنا بهذا الركن
غاليتي انت طلبت البدء بعمل جراب للموبايل
افتكر انك لسة ما تعلمتي شغل الغرز من طريقة كلامك
ليش ما تتعلمي الغرز بالاول وبعدين تكون البداية بجراب الموبايل ؟
وقتها رح تشتغلي باتقان وترتيب اكتر
صح كلامي؟؟؟؟؟؟؟؟؟؟؟؟؟
الله يعطيك العافية

اهلا بيكي وعد بينا وان شاء الله تستفادي وتفيدي
بالنسبه لجراب الموبيل ان شاء الله نحاول نساعدك
شوفي دي ورشه لسما كايرو حبيبه قلبي الله يجازيها خير
هو الجراب بسيط وسهل

[center][center]

اول شىء لاى موبيل هو المقاس انت بتجيبى الموبيل وتشتغلى سلسلة بعرض الموبيل ودة اساس الشغل وباقى العمل سهل جدا

واليوم انا عملت الحافظة مقاس موبيل n 73 علشان محدش يغلط فى المقاس

اولا :- هنبدأ بعدد 15 سلسلة

ثانيا:- فى السلسلة ال15 هتطلعى عدد 2 سلسلة ودة هيكون اول عمود

وتكملى باقى السطر الاعمدة على باقى السلسلة

ثالثا :- هتطلعى عدد 3 سلسلة وتكملى باقى السطر اعمدة

رابعا:- هتشتغلى بنفس الطريقة لحد متوصلى لعدد 20 سطر ودة هيكون طول ضعف الموبيل

انا ليسة مكملتش باقى العشرين سطر انا بوريكم الشكل

نتــــــــــــــــــــــــــــ ـــــــــــــــــابع الجزء التالى للحافظة


حتى لا تملون من الانتظار فجهزوى المطلوب لحين البنات تنتهى من ال20 سطر


اولا تعملى الروباط الا هتزمى منه الحافظة وهو عبارة عن سلسلة بالطول المناسب



ثانيا:- هنحضر الدائرتين لحين تثبيتهم بالروباط



طريقة الدائرة:-

نبدأ بعدد 5 سلسلة ثم تغلق بمنزلقة

ليصبح عندنا دائرة هتشتغلى 3 سلسلة للعمود الاول ثم تكملى عليه عدد 20 عمود وتغلقى الدائرة بمنزلقة


ثم ترتفعى عدد4 سلسلة





وتدخلى بين الفراغ الا بين العمود والتالى وتشغلى غرزة حشو ويكرر 5 مرات بهذا الشكل




بعدها ارتفعى عدد4 سلسلة وتدخلى فى وسط الاربع الا فى السطر السابق بغرزة حشو


وتكررى ايضا 5 مرات وتقطعى الخيط


وتشتغلى الدائرة التانية بنفس الطريقة لحين تثبتها

اولا الجزء بعد ماوصلنا للسطر العشرين بالشكل هذا




بنطويه نصفين حتى نقفل الجنبين ونبدأ بالجانب الاول ثم القاعدة ثم الجانب الاخر ويقفل بغرزة الحشـــــــــــــــــــــو


واليكم الصور للتوضيح









نتابــــــــــــــــــــــــــ ــــــــــــــــــــــــــع

بعد التقفيل وصلنا عند الفتح التى ندخل منها الموبايل هنطلع ارتفاع 3 سلسلة وده ارتفاع العمود ثم نضيف عمود اخر جانبه


وتكررى هذا بين الفراغات الابين العواميد عدد 2 عمود لحد متصلى لنهاية الفتحة وتغلقى بمنزلقة









والسطر الا بعده تطلعى عدد 3 سلسلة وبين الفراغات تشتغلى عدد2 عمود لحد نهاية السطر وتغلقى بمنزلقة





السطر الا بعده هتطلعى عدد 5 سلسلة وبين كل فراغ تشتغلى غرزة حشو زى مبتشغلى غرزة البيكو وهكذا لحين الانتهاء


من السطر وتقطعى الخيط






وبعد كدة تركبى الروباط الاول ثم بعد تركيبه تثبتى الدوائرة ودة كانت اخر خطوة فى الحافظة

واليكم صور الحافظة بعد الانتهاء

الاخت رعد انا مع راي لبنانيه لازم تدوري علي دوره الكروشيه للمبتدئين عشان تتعلمي الغرز والا ساسيات
واتمني اكون افادتك

اهلا وسهلا بيكى ياوعد
نورتى المنتدى
ماشاء الله الاخوات ماقصروا معاكى ابدا
جزاهم الله خيرا