السلام عليكم ورحمه الله وبركاته

حبيت اعرض عليكم الخيط اللى جيبته عشان اعمل المشايه
وكان فى موضوع للدكتورة فوفو فيه مشيات حلوة واتكلموا عن الخيط ده
وامبارح بالصدفه لاقيته بعد ما دوخت عليه فى المنشيه
لانى بصراحه ايدى بتوجعنى من خيط الشنط
وعلى فكرة انا لاقيت خيط شنط رفيع جداااااااااا بس لاسف مفيش منه غير الابيض بس

عموما الخيط اهوة ويارب يعجبكم

انا جيبت لونين , ابض فى احمر غامقو وابض فى لبنى ..................







وده كل لون لوحده







وباذن الله حبتدى فيها وانا سخنه كده عشان روحى المعنويه مش تهبط

مبروك يا قمر
يلا استغلى الحماس ده و ابدأى و احنا هنشجعك
بس قوليلنا بقى شكلها ايه السجاده الى عجبتك و عايزه تعمليها

ماشاء الله جميل قوي الخيط
جبتيه من عند مين ؟ وبكام وهل في الوان تانيه والا لا؟
وقوليلنا حتبتدي انهو مشايه واحنا نبدا معاكي

ووووواااااااووووو
الخيط شكله جميل جدا
ما شاء الله
ها يلاه ابتدى وورينا الحماس الجميل
والسجاده اللى ان شاء الله رراح تكون جميله من ايديكى

ما شاء الله حلو هو اسمهه خيط سجاد ولا ليه اسم تانى

كنت متأكده انكم انتم الاتنين اول ناس حتدخل هههههههههههه
عموما الخيط انا جيبته من عندى الورديان لانى مش لاقيت فى المنشيه ومش كنت ضامنه الاقى محل فرغلى فاتح لما اروح لماما
دورت فى المحل بنفسى لحد ما لاقيته
وعموما شفت منه الوان ساده زيتى واخضر بصراحه مش عجبونى حيت انهم مطفين اووووووى
بس كان فيه اللونين دول بس عنده
وخدت الكيلو بــــــ 20 جنيه وحاسه انه الضحك على فيه ههههههههه

ومبدئيا انا ان شاء الله حنفذ زى دى




بس بصراحه كان نفسى انفذ سجاده الشمس بس حاسه ان الخيط ده مش حينفع فيها





وعموما لو كان ليكم رأى تانى قولوا يمكن تفيدونى


وجزاكم الله خيرا

بصراحه مش عارفه اسم الخيط ايه
لانى لما نزلت المنشيه وسألت عن خيط ينفع للمشيات مفيش حد فدنى وكله قال مفيش غير خيط الشنط
بس الخيط ده هو من الصوف ومليان لانى استعملت فيه ابره مقاس 4 او ممكن 3 من الابر الكبيره بتاعه الشنط
واعتقد انه افضل نوع يتحمل عن القطن
وممكن برضه خيط الشنط لانه مليان

جزاكم الله خيرا على مروركم

حلو كثير الله يعطيكي العافيه

ربنا يوفقك ياربي

كنت متأكده انكم انتم الاتنين اول ناس حتدخل هههههههههههه

مين دول ؟؟؟؟؟؟؟؟
هههههههههههههههههه



يلا ربنا يعينك و ادينا متابعين معاكى
انا بس مشغولة فى مفارش لبنت خالتى و روح قلبى
عقبال كل العرايس يارب

بس لو لقيت خيط عجبنى هعملها معاكم ان شاء الله