لو سمحتوا ممكن ترجمة هذا الباترون لانى محتجاة ضرورى لبلوزه ومش عارفة البداية فين ولا حتى ترتيب الصفوف وجزاكم الله كل خير

بصى حبيبتى الباترون دة بيبتدى بنص الوردة لغاية ما يخلص السطر ونطلع للدور التانى

شكرا لكى اختى شط اسكندرية ولكن الرجاء التوضيح

عند العلامة السمراء بداية الشغل وتنزلى على تحت وتمشى على الاسهم السمراء هتعرفى طريقة الشغل

تعملى نصف الوردة وفى السطر اللى وراة النص التانى يعنى بتتعمل على جزءين

لو تحبى اعرفك طريقة العمل انا تحت امرك

شوفى الوردة دية موجودة وسط شغل يارب تستفيدى منها

اتنمى اكون افدتك

بصي ياقمر الغرزه دي انا شرحتها قبل كده بس الباترون كان واضح وكبير بس حااحاول اكبره
بصي اني حاتبدئي من الناحيه اليسري في الاسفل وتعملي الاتي

بصي ياقمر انتي حاتبدئي 7 سلسله وتدخلي الابره في رابع سلسله من الابره وتقفلي بمنزلقه
(اعملي في السلسله الاولي من الحلقه المتكونه ا3 سلاسل - 2 عمود - 3 سلسله واشبكيهم بمنزلقه

وفي السلسله التانيه اعملي 3 سلسله و2 عمود ) - اعملي10 سلسله واغرزي الابره في الغرزه الرابعه من جهه الابره واقفلي الاربع غرز الاخيره من العشر سلاسل بمنزلقه وكرري مابين القوسين
واعملي 10 سلاسل واشبكي ال4 الاخيره بمنزلقه وكرري بين القوسين ثم 10 سلاسل واشبكي ال4 الاخيره بمنزلقه وكرري بين القوسين كده وصلتي لاخر السطر اعملي 3 سلسله واشبكيهم بمنزلقه كده تاني سلسله في الحلقه الاخيره اصبح فيها 4 عمود - اعملي 3 سلسله و2عمود و 3 سلسله واشبكيها بمنزلقه في تالت سلسله من الحلقه وبعدين اعملي 3 سلسله و 2 عمود في رابع سلسله من الحلقه واشبكي اخر عمود عملتيه في تالت سلسله من ال6 سلاسل اللي بي الحلقه دي والحلقه اللي قبلها
مش عارفه لغايه كده واضح ولا ايه ؟

[]