بوسى معلش ممكن تشرحيلى انت تانى

بس نفس الفستان الى انت عاملاة

معلش يا بوسى هتعبك معايا

من عنيا يا قمر
هشرحهولك و يارب شرحى يعجبك

بس مش قلتيلى ايه اخبار البطانيه؟

اول حاجه نعمل سلسلة بالوسع المطلوب من تحت لان شغلنا فى الفستان من تحت لفوق و بعدين نغلقه بمنزلقه
انا اشتغلت اول سطر بعد كده عواميد كله و برده نقفل بمنزلقه

السطر الى بعده بقى بدايه شغل الفستان
اشتغلى 3 سلسلة علشان ارتفاع السطر
سيبى 3 غرزة و اشتغلى عمود فى الرابعه و بعدين سلسله و عمود تانى فى نفس الغرزة لحد ما يبقى معاكى فى الغرزة الرابعه دى مروحه مكونة من خمس اعمدة
سيبى 5 غرزة و كررى نفس المروحه فى الغرزة السادسة و تشتغلى بنفس النظام لحد ما تكملى السطر و تقفلى بمنزلقه


السطر الثانى
فوق اول عمود اشتغلى غرزة حشو و بعدين 3 سلسلة و نقفلهم بغرزة حشو فى السلسه الى بين اول عمودين فى المروحه
و 3 سلسله و نقفلها بغرزة حشو فى السلسله الثانيه فى المروحه
و بردو نكرر الشغل لحد اخر السطر


السطر الثالث هو تكرار للسطر الاول ( المروحة ) و بتشتغليها فى السلسله الثانيه الى فوق المروحه
لكن انا عملت تغيير علشان الفستان يكون اثقل وهو انى فى السطر الثالث و فى اخر عمود فى المروحة عملت عمود لكن دخلته فى السطر الاول
يعنى العمود فى السطر الثالث بس بدايته من السطر الاول

قوليلى كده فهمتى شرحى و لا لا علشان اتابع معاكى
كمان انتى عايزاه لسن كام علشان نحدد المقاسات

انا عاوزة اعملة لسن سنة

وان شاء اللة اطبق الشغل اليوم مصغر علشان اشوف اذا كنت فهمت الشرح ولا لا

بس انا اعتقد ان شرحك هايل

جزاك اللة خيرا

تسلم الايادي

تسلمى حبيبتى سمية
شكرا لمرورك


انا مشكلتى يا رشا هى المقاسات
انا كنت عاملاه لسن سنه و طلع صغير
حاولى تجيبى مقاس و حطيه قدامك و انتى بتشتغلى
و طبقيه كده و شوفى هتعرفى تطبقيها صح و لا ايه
و ميرسى على كلامك الحلو

بوسى معلش السطر التانى

بشتغل حشو على طول معملش اى عدد سلاسل

رووووعة


الله يعطيك العافية

بوسى معلش السطر التانى

بشتغل حشو على طول معملش اى عدد سلاسل

السطر الثانى اول غرزة حشو و بعدين 3 سلسله و حشو و تكررى

تسلمى حبيبتى انثى العنكبوت
شكرا على مرورك