ارجوكم ساعدونى انا عملت البنشو 6مرات وفكيته لانه مش مظبوط فارجو من الخبيرات مساعدتى فيه مره عملت حردة الرقبه على شكل مربع مع عمل 4اعمده اى عمودين ثم 2سلسله ثم عمودين عند زوايا المربع وطلع غلط وبعدين مره تانيه عملت سلاسل لحردة الرقبه ومليتهم باعمده ثم اغلقتهم بمنزلقه وعملت 4اعمده فى غرزه واحده ومقابل لها اربع اعمده وكلهم غلط فارجو افادتى بالطريقه السليمه وشكرا

الصراحة انا مش خبيرة فية

بس انا عندى مسجلة موضوع من احد الاخوات بس للاسف مش فاكرة بتاع مين

ممكن انة يفيدك







لو عجبك دة طريقة شغلة

الطريقة

نبدا باسم الله الرحمن الرحيم

1-اشتغلى سلسلة على اد فتحة الرقبة بحيث يكون عدد يقبل القسمة على 2 ويكون النصف يقبل القسمة على 2 برده يعنى النصف الاول يبقى ربعين

2-السطر الاول اشتغلى غرزة حشو

3-السطر الثانى اشتغلى اعمدة فى كل غرزة حشو بدون ترك سلسلة بين كل عمود والاخر

4-السطر الثالث اشتغلى اعمدة برده ولكن اشتغلى فوق عامود واتركى التالى واعملى سلسلة بين كل واحد والتانى يعنى هاتعملى عامود سلسلة اتركى العامود التالى واشتغلى فى اللى بعده

5-عدى عدد الفتحات المتكونة فى السطر السابق واقسمى على 2 ثم اقسمى ا لنصف الاول على ربعين وشوفى عدد فتحات الربع الاول كام

6- السطر ده هاتشتغلى فى فتحة وتتركى التالية وهكذا يعنى هاتدخلى فى اول فتحة وتشتغلى 3اعمدة وسلسلة وتتركى الفتحة التالية وتشتغلى فى اللى بعدها لحد ما توصلى لنهاية الربع الاول او نصف النصف الاول من عدد الفتحات هاتشتغلى فى الفتحةالمتممة للربع الاول دى 6 اعمدة ,3 اعمدة وسلسلتين و3 اعمدة ثم تكملى الشغل فى الفتحات التالية 3 اعمدة وسلسلة فقط واوعى تنسى تشتغلى فى فتحة وتتركى فتحة ولكن المرة دى هاتشتغلى النصف التانى كلة بدون تنصيص لحد ما توصلى لنهاية عدد فتحات النصف التانى هاتكررى العملية وتشتغلى فى الفتحة المتممة لنهاية النصف التانى من عدد فتحات الشال 6 اعمدة برده بنفس الطريقة 3اعمدة وسلسلتين و3 اعمدة فى نفس الفتحة وتكملى الشغل فى باقى الفتحات التالية اللى هى الربع التانى من النصف الاول 3اعمدة وسلسلة حتى نهاية السطريعنى لوكان مثلا عدد الفتحات 100 هاتشتغلى 25 ثم6 اعمدة ثم 50 ثم 6 اعمدة ثم 25 فهمتوا حاجة يعنى بالرسم التقريبى كدة هاتشتغلى -- 6اعمدة ---- 6اعمدة --

7- السطر الرابع هاتشتغلى فى الفتحات كلها بدون ترك واحدة يعنى هاتشتغلى 3اعمدة بين كل 3 اعمدة واللى بعدها بنفس الطريقة هاتشتغلى 3اعمدة سلسلة 3 اعمدة فى الفتحة التالية لحد ما توصلى للست اعمدة هاتشتغلى بينهم 6 اعمدة اخرى بسلسلتين فى النصف لحد ما تكملى حوالى 5 اسطر بنفس الطريقة

8- قيس الوسع بتاع الاكتاف عليكى وابداى بعمل التوسعة فى جانبين الشال اللى هم على الذراعين هاتدخلى فى اول فتحة فى السطر وتشتغلى 4 اعمدة وسلسلتين وتكملى الشغل عادى 3 اعمدة وسلسلة فى الفتحات التالية وهكذا لحد ما توصلى للجنب التانى من الشال اللى ناحية الذراع الايسر واعملى فى الفتحة 4 اعمدة وسلسلتين برده وتكملى الشغل عادى فى باقى الفتحات 3 اعمدة وسلسلة

ملحوظة: علشان يطلع الوسع متساوى من النحيتين هاتقسمى عدد الفتحات المرة دى على 2 وهاتخلى التوسعة (ال4 اعمدة وسلسلتين) فى بداية السطر الجديد وتشوفى المقابل ليها من الجانب التانى وتعملى نفس الحكاية وده علشان يبقى التوسعة فى جانبين الشال وتبقى مش باينة لانها هاتبقى على الذراعين من الجنب مش من الامام وتبقى باينة وده المغزى من اننا نقسم عدد الفتحات فى البداية لربع ونصف وربع

9- استمرى على هذا المنوال لحد ما توصلى للوسع المناسب والطول المناسب

اخر سطر اشتغلى حشو فوق كل الاعمدة والسلاسل اللى بينهم علشان يدى متانة للغرز ويبقى شكلها حلو

10-اعملى شراشيب فى فتحة واتركى فتحتين او 3 على حسب ما انتى عايزة

11- هاتى لون افتح واطلعى للشال فى اول سطر من فوق اللى كان حشو واوصلى الخيط واشتغلى حشو باللون الجديد فوق اول سطر حشو فى بداية الشال علشان يدى حز حلو اوكنار زى ما بتقولوا ويبقى الشغل شكله نظيف ومرتب

اعملى سلسلة لعمل رباط الشال ودخليها فى فتحات الشال من فوق واعملى بونبون للاطراف او ممكن وردات وتخيطيها فى طرفين السلسلة

ودة واحد تانى



ودة الحافة بتاعتة



ودة شرحة

الباترون ب3 مقاسات
لبنت 4 سنين
ولبنت من 5الى 6 سنوات
ولبنت من7الى 8 سنوات
المقاسات الكبيرة حتبقى بين الاقواس
الغرز المستخدمة
غرزة البلوك ..... وهى عبارةعن3 عمود بنعملهم فى نفس الغرزة او فى نفس السلسلة الفراغ
غرزة الصدفة ..... وهى عبارة عن 3 عمود و 3 سلسلة و3 عمود فى نفس الفراغ
ملحوظة هامة جدا
قبل العمل جربى المقاس على قطعة صغيرة حتى يظبط معك المقاس اللى حنشتغل عليه وحنشتغل بأبرة كبيرة 4 او 5 البلاستيك وخيط سميك نسبيا
والمقاس هنا بالطول كل 4 اسطر بتعطينا 10 سم طول وكل 7 اعمدة بتعطينا 10 سم عرض
يعنى تعملى قطعة مكونة من 7 أعمدة وتكرريهم 4 اسطر لوطلعت القطعة حوالى 10 سم فى 10 سم يبقى المقاس مظبوط
وتبدأى العمل
اما لو طلعت اصغر يبقى تكبرى الابرة او تعملى المقاس التانى او التالت حسب المقاس اللى يناسب البنوته
لو بتستخدمى الابر الاستانليس الصغيرة وخيط رفيع نسبيا استعملى الطريقة وهى عدد زوجى من الغرز لعمل الرقبة والسطر الاول لن يتغير
اما من السطر التانى فسوف اشرحه مع الباترون
بإذن الله نبدأ الباترون
للبداية نشتغل 36 ( 36 / 40 ) سلسلة لعمل فتحة الرقبة ونغلقهم بمنزلقة لنكون حلقة
سطر 1
3 سلسلة تعد كأول عمود وفى نفس الغرزة نعمل 2 عمود (وهذ اهو اول بلوك )
نترك سلسلة وفى التالية نعمل بلوك نكرر ذلك 17 (17 /19 ) مرة
نترك اخر سلسلة ونشبك بمنزلقة للنهى السطر فى قمة السلسلة التى بدأنا منها السطر
لدينا 18 (18 / 20 ) بلوك بين كل منها 1 سلسلة
سطر2 غرزة منزلقة فى اول سلسلة فراغ
3 سلسلة و2 عمود فى نفس الفراغ
نترك 3 عمود (او البلوك التالى ) ونعمل بلوك فى السلسلة الفراغ التالية
نكرر ذلك 7 (7 / 8 ) مرات
نترك بلوك ونعمل صدفة مكونة من ( عمود و سلسلة و3 عمود ) فى السلسلة الفراغ وذلك لعمل الركنة . نترك بلوك ونعمل بلوك فى السلسلة الفراغ التالية ونكرر 8 (8 / 9 ) مرات
kترك البلوك التالى وفى السلسلة الفراغ نعمل صدفة تانية لعمل الركنة الثانية عبارة عن ( 3 عمود و3 سلسلة و3 عمود )
ونقفل السطر بغرزة منزلقة فى قمة السلسلة التى بدأنا بها السطر
للتى تستعمل ابر صغيرة
اقسمى عدد البلوكات التى عند على وعند نهاية النصف الاول اعملى الصدفة الاولى وفى اخر السطر اعملى الصدفة الثانية
الاسطر الباقية هى تكرار للسطر 2 مع ملاحظة انه فى كل سطر زاد عدد البلوكات قبل ما تصلى للركنة
يعنى فى سطر 3 ستجدى 8 (8 / 9 ) قبل الركنة الاولى و 9 (9/ 10 ) قبل الركنة الثانية
وهكذا كل سطر
نكمل لنصل الى 10 اسطر للمقاس الاول
و13سطر للمقاس التانى
و 15 سطر سطر للمقاس التالت
وفى اخر سطر فى كل مقاس ستجدى ان لديك 36 ( 42 / 48 ) بلوك بين الركنتين
لعمل الحافة
والحافة لها باترون مرسوم

وده المترجم

ملحوظة غرزة الصدفة هنا عبارة عن ( 2 عمود سلسلة 2 عمود)
السطر الاول
غرزة منزلقة فى اول فراغ ثم سلسلة
نكرر ما يلى لنهاية السطر
((( غرزة حشو فى كل عمود من عواميد البلوك الاول وحشو فى السلسلة الفراغ التى بين البلوكين
3 سلسلة نترك بلوك ونعمل صدفة مكونة من 2عمود وسلسلة و2عمود فى الفراغ التالى بين البلوكين
3سلسلة نترك بلوك وحشو فى السلسلة الفراغ بين البلوكين التاليين )))
ونقفل السطر بغرزة منزلقة
سطر 2
غرزة منزلقة لنصل الى الحشو التانية ونعمل سلسلة
ونكرر ما يلى لنهاية السطر
((( حشو فى كل عمود من البلوك الاول 3 سلسلة نترك الحشو التالية ونعمل صدفة / سلسلة/ صدفة فى السلسلة الفراغ التالية
3 سلسلة نترك حشو )))
ننهى السطر لغرزة منزلقة
سطر 3
غرزة حشو فى اول غرزتين
ونكرر ما يلى لنهاية السطر
((( حشو فى الحشو التالية نترك الحشوالاخيرة ونعمل 3 سلسلة ثم صدفة فى السلسلة الفراغ التالية و3 سلسلة نترك حشو )))
وننهى السطر لغرزة منزلقة
سطر 4 سلسلة
ونكرر ما يلى لنهاية السطر
((( حشو فى اول حشو / 3 سلسلة صدفة فى السلسلة الفراغ التالية / 3 سلسلة )))
ننهى السطر بغرزة منزلقة ونقطع الخيط
الكولة
اشبكى الخيط من خلف اى غرزة من عند فتحة الرقبة
واعملى سلسلة لبداية السطر وبعدين غرزة حشو فى نفس الغرزة وكملى السطر كل غرزة فيها غرزة حشو لنهاية السطر بس ما تقفليش السطر بمنزلقة ضعى دبوس عند بداية السطر
سطر 2 الى سطر 4
حشو فى كل غرزة
فى نهاية السطر الرابع اقفلى السطر بمنزلقة واقطعى الخيط
ومبروك على البنوتات الحلوين

شكرا شكرا شكرا ........والله ساعدتيني كثير وجزاك الله خير

مشكوره يا رشا ما قصرتي

روعة أختي رشا تسلم ايدك
بس ممكن تشرحي لي طريقة القبعة

شرحك هايل بارك الله فيك

مشكوووووووووووووووووووووووووورة

تسلمو جميعكم على الرد الجميل

بس الصراحة المواضيع دة مش بتاعتى دة بتاعة احد الاخوات وانا كنت مسجلاهم عندى على الكمبيوتر

انا مش عارفة معلش شرح القبعة

بس اكيد لو عرفتة مش هتاخر عليكم طبعا

كتبت بواسطة rasha_zeze

تسلمو جميعكم على الرد الجميل

بس الصراحة المواضيع دة مش بتاعتى دة بتاعة احد الاخوات وانا كنت مسجلاهم عندى على الكمبيوتر

انا مش عارفة معلش شرح القبعة

بس اكيد لو عرفتة مش هتاخر عليكم طبعا

مشكورة أختي رشا ويكفي انك حطيتي الشي اللي تعرفيه
والشرح اللي وضعتيه أنا حفظته على الجهاز وناويه أعمل واحد منهم
مشكوووووووووووووورة مرة ثانية