ازيكو عملين ايه
انا عوزاكم تشرحو لي الغرزة دي
وهكون شكرو لكم

اولا اوريكو الطاقية



وبعدها الغرزة لاني حاولت ومفلحتش



ازي اعمل التشكيلة ديت ؟؟
ومشكورين سلفا

حبيتى ذريه
بصى يا قمر الغرزة دى اسمها غرزة الياسمينه

السطر الاول
اشتغلى 4 سلسله----- اشتغلى عمودين بلفتين بس يكونو غير منتهين (يعنى لفى الخيط على الابره مرتين واغرسى الابره فى نفس مكان السلاسل ثم اسحبى الخيط ثم لفى واسحبى واتركى اخر لفه على الابره وكمان مره زيها) هيكون عندك كده على الابره 3 لفات صح؟؟؟

اتركى 4 غرز واغرسى الابره فى الغرزة الخامسه واشتغلى 3 عمود غير منتهين( نفس الشرح السابق)
كده اصبح عندك على الابره 6 لفات
لفى الخيط واسحبيهم كلهم مرة واحده
ثم اشتغلى سلسله لقفل الدائره
اشتغلى 4 سلسله ثم لفى الخيط على الابره مرتين واغرسى الابره فى السلسه (اللى عملناها من شويه وقفلنا بيها الدائره) واشتغلى 2 عمود غير منتهين
كده عندك على الابره 3 لفات سبيهم
واشتغلى فى نفس مكان الورقه التانيه 3 عمود غير منتهين
هيكون كده عندك 6 لفات على الابره سبيهم
واشتغلى فى 5 غرزة على الدائره 3 عمود غير منتهين
بكده هيكون عندك 3 بتلات اى 9 لفات اسحبيهم مرة واحده ثم سلسله
............. وهكذا كررى الى نهايه السطر
ولما توصلى للنهايه اغرسى الابره فى قاعده اول بتله اشتغلناها واسحبى ال 9 لفات
ثم 4 سلسله ثم 3 عمود غير منتهين
اسحبى من خلال ال 3 لفات ثم اشبكيهم فى مركز البتله التانيه
وكده السطر الاول خلص


السطر التانى
6 س 2عمود اسحبى ال 3 لفات
4 س_ 3عمود _3عمود فى مركز البتله التانيه _3 عمود فى مركز البورده اللى بعدها
كده هيكون عندك 9 لفات اسحبيهم
واغلقى الدائره بسلسله............ كررى الى نهايه السطر
وعند اخر ورده نشتغل فيها بتلتين فقط اى تسحبى من 6 لفات ونغلق بسلسله واشبكيها فى البتله المجاوره


حاولى تتبعى الخطوات كده براحه هتيجى معاكى ان شاء الله
وابقى ورينا الطاقيه يا قمر ومبروك مقدما

يارب اكون افدتك

حبيبتى شوفى كده

من موضوع لفنانه مصريه

اعتقد هى فى المنتدى هنا

يارب يارب يارب

تكون الصور واضحه وفادتك

دمتى بحفظ الرحمن

مشكور علي الشرح الرائع

ان شاء الله تكوني استفدتي من الاخوات

حبيبتي منمن مشكورة وربنا يخليك
وتحلام منك ابدا شرح جميل وواضح
فرح الزهور بنا يجزايك خيرا

حبيبتى ذريه
يالا ورينا بقى الشطاره
عايزين نشوف الطاقيه قريب

يريت والله بس انا عمري معملت حاجة وكملتها
وان شاء الله اما اعرف اعملها واكملها هانزلها
اوريكم
بس انا بصراحة لما جيت اطبق الشرح لقيت اني مش
بعرف بس هحاول ونشوف بعدين

بلاش يأس


اذا احتجتى اى شيىء البنات كلها حاضره