شفت موضوع في عالم حواء وحبيت يكون في زيه هنا لأنه بصراحة مرة مهم ومفيد وأنا كنت ولا زلت في أمس الحاجة له :

فرجاء كل وحدة حابة تفيد أخواتها تكتب المنطقة اللي ساكنة فيها وأسماء المحلات اللي تشتري منها مع وصف مبسط اضافة لنوعية المشتريات وأسعارها حتى نتنور كلنا ونروح على بصيرة وراح أبدأ انا :

أنا ساكنة في المدينة جربت قرطاسية المطار في الحرة الشرقية على ما أظن تحصلي فيها الخيوط الرفيعة تبع المفارش بريال ونص للفة والصوف في أنواع كتيرة أكترها على 5 ريال للفة وتكون 50 أو 100 غرام ما عدا الكشميري بيكون الحبة بريال 20 غرام

وفي مكتبة ابن هشام في الخالدية عند الاسكان .. وتحصلي الخيوط الرفيعة بريال وبتنوع أكبر عندهم ألوان حلوة لكن الصوف أقل

ودلوني على محلين ما جربتهم واحد اسمه تامر وتمارا بس غالي والتاني في سوق الكعكي الدور الثاني اللي في قباء

بس صراحة أحسن شي للي تقدر انها تروح جدة سوق الهنداوية تشتري بالجملة وبتراب الفلوس .. أنا رحت بضعت من عندهم مع انه كانوا كلهم بيقفلوا وصرنا أنا وزوجي سباق نجري عالمحلات وندور الألوان الحلوة بس كل اللي أخدته من الكشميري تشتري كيس فيه 16 حبة كل وحدة 20 غرام ب8 ريال ( يا بلاش )

ولقيت نوع صيني أغلى شوية وخامته حلوة الكيس فيه 12 حبة برضو 20 غرام ب 10 ريال ..

والسنانير تعبت أدور مقاسات كبيرة اللين ربنا فرج همي وجابتلي مرت أخويا مجموعة من أمريكا جنان ما شاء الله

سؤالي : مني محصلة خيوط قطن زي اللي أشوف الاخوات المصريات هنا يشتغلوا بيها ممكن تدلوني فين ألاقيها ؟؟

صباح الفل والياسمن يسعدنى اكون اول الردود انا من القاهرة وبشترى الخيوط من الغورية واسعارة حلوة يعنى الخيط القطن ب50 جنيه للكيلو وانواعة والوانه كتير والاصواف متعددة الاسعار بدا من جنيه ونصف الى 8جنيه لل50 جرام

ياصباح الخير على كل الموجودين
انا من جدة وأراوح سوق الهنداوية واشتري أشياء كثير حلوة
فإذا أحد يبغا مني حاجة أنا في الخدمة
ههههههههههههههههههههههههههههه

الفكرة اكثر من رائعة تسلمي

مبتدئة جدا : يسعد صباحك .. إن شاء الله أوصي اختي تجبلي من المحل دا بس ممكن اعرف الجنيه كم يسوى بالريال ؟؟ وكمان اذا المحل في خيوط قطن او لا ؟؟

ديو موون : يا هلا وسهلا .. من جد في خيوط حلوة غير الكشميري ؟؟ قوليلي اش صناعتها ؟؟ واسماء المحلات اذا تعرفي .. وكمان اذا في خيوط قطن أو لا ؟؟ انا ما حصلت في المدينة غير خيط أسباني اللفة صغيرة مرة وب6 ريال .. افترى ..

بسبسا : انت الأروع ان شاء الله الكل يستفيد من الموضوع ..

في الدمام لقيت صوف في شركة رامز للتجارة الكيس فيه 12 حبة لكن مااعرف وزنه ب5ريال لكن الالوان منوعه بس فيها اولوان تجنن وفيه كيس ب6 ريال فيه 8حبات لكن حجمه اكبر من اللي 5ريال وهذي صورته وزنه 25
وفي كيس زيها بس تجي الالوان مونسة بس تجنن مره
وفيه نوعية اكبر منها الكيس فيه 10 حبات ب10 بس مو متاكده 10 حبات او12 حبه والثلاثة الانواع صيني
وفيه محل ثاني لكن في القطيف اسمه الصدير عنده انواع ثانيه وحتى اثقل وتترواح الاسعار بين 5و6 ريال للاسف ماعندي صوف منه حتى تشوفوه بس عندي قبعة
انشاء الله يكون واضح لكن الصوف مااذكر نوعه
اما بالنسبه لسنارات الكروشية كل المقاسات اللي للمفارش لقيتها عندالصدير والمقاسات الكبيرة بس 5 و10
الصغيرة الحبة بريالين
اما السنارات الكبيرة ب4ريال بس في رامز السنارات رخيصة بس تجي بالجملة لقيت سناره من الطرفين مقاس 105و3 الكيس فيه 6 سنارات ب5 ريال السنارات الصغيرة 12وحده ب5ريال لكن ما اذكر المقاسات ارجو اني اكون افدتكم وشكر لكم لطرح هذا الموضوع لان دائما نلقى صعوبة حتى نلاقي الصوف اللي يعجبنا

ارجو ان تعذروني الصور طلعت كبيرة لاني اول مرة انزل صور في المنتدى

هذا الموضوع فتحناه قبل مدة
وحكينا فيه ومع هيك حلو لانه فيه بنات جدد وبيحبوا يعرفوا
والفكرة حلوة كتير
انا فلسطينية
ومن منطقة الناصرة
وكل اغراضي بشتريها من الناصرة من الوق القديم
فيه محل اسمه نبيل شباط
ما شاء الله كل شيء موجود عنده
من ادوات حياكة وسنلنير وصوف وخيطان تطريز بالحرى كل شيء بيجي على بالك
واسعاره كتير منيحة وانا مبسوطة بمعاملته
والخيطان اشكال الوان وخصوصا الان اجا الشتاء واجا الصوف يا عيني
واناعنديبوتيك وفيه محل جمله اولاد الوهبة من عندهم باخد للمحل بس تشكيلة اصغر

انا من المدينه المنوره وبصراحه مالي مكان محدد اشتري منه الخامات عندي مكتبه جنب البيت بتوفر خيط المفارش البيج لكن الحبه ب 7 ريال ...والصوف العادي الرخيص كمان عنده بكل لون اشتري الكيس ب8ريال فيه 16 حبه .......ومن جرير بتجبلي صاحبتي صوف حلوووو ناعم غالبا اعمل منه قبعات وبلايز اطفال شتوي سعر الحبه 6 ريال.........ومن عند مسجد ابي ذر اشتري خيط ابيض خاص بالطواقي تبع الرجال لكن انا اعمل منها اشياء ثانيه وناسيه بكم سعرها .........ومن مكتبة الوسائل التعليميه اشتري خيط بكره كبيره ب12 ريال للبكره وهو خيط قطني بيشبه الكتن بريل الصغير تبع التطريز بالمدرسه هههههه ما عرفت كيف اوصف الا كذا .......وكمان الخيط الذهبي والفضي بالقصب .......ومن قبا اروح لكن نادرا لانها بعيده علي فيه محلات كثيره وكبيره اهمها ابو فهد وتامر وتمارا وعالم الفصوف بصراحه ما اطل فيه لانه جددددا غالي..وكمان ما ادري هو بيوفر الخيوط والا لا......المهم انا اذا نزلت قبا بروح للمحلات الصغيره واللي ذكرتها قبل ما اروح لها الا اذا عجزت وما لقيت اللي ابغى........ووحده من الاخوات في الرد السابق ذكرت طريق المطار وصحيح انا ذكرولي انه هناك محل بيبيع خيوط حلو لكن انا ما زرتها.............وكمان سوق الجمله او رحيم او الخشه اللي خلف سوق بلال ما اعرف ايش بيقولولها المهم زمان اشتريت خيوط من عندهم..........وسلامتكم هذا كل اللي عندي وانشاء الله اكون كفيت ووفيت واذا جد جديد خبرتكم.......المهم من هذا كله انا حابه اسأل فيه خيط اللي بيشتغلوا فيه البلايز الجاهزه من السوق ناعم وحرير فين القاه اتمنى لو وحده تقولي لو اسمه ...وبس ......شكرااااااااااا على موضوعك كنا محتاجينه.......
بارك الله فيك..............سامحوني طولت عليكم وسويت مجلد.ههههه

مشكوره شفافيه على الموضوع الحلو ذا انا من مكه واشتري صوفي من المكتبه اللي جنب البيت حبة الصوف العادي بريال والنوع الكبير ب8ريال ونفسي اعرف مكان بيع الصوف بالجمله ياليت وحده من بنات مكه تدلني وسامحوني طولت عليكم