حبيبتي تانيه
المفرش ببساطه مكون من الورده اللي في السنتر وبعدين حاتعملي الدائره البيضاء حولها وبعدين تعملي 8 وردات صغيره وبعدين الفروع الخضراء وتشبكيها في الدائره المركزيه وفي نفس الوقت في 6 بتلات من الورد الصغير تاركه بتلتين من كل ورده وفي نفس الوقت برضه تشبكي كل فرع في التالي في موضعين وبعدين تعملي الحرف وتشبكيه من اول ماتبدئي فيه
السؤال الاول ايوه تحسب لو كنتي بتسالي عن الورده لانك بتلفي الخيط علي صباعك 5 مرات لتكوين حلقه وبعدين حوالين الحلقه دي بتعملي سلسله وبعدين 16 غرزه حشو
السؤال التاني علامه الxالسوداء دي غرزه حشو بتتعمل من ضهر البتلات الاولي يعني في السطور 4 و 6 و 8
العلامه التانيه انتي بتغرزي الابره من الخلف برضه بس بتلفي عليها لفه يعني بتعملي نص عمود
وبالنسبه للسؤال الاخير في الورده بتشتغلي البتلات من ضهر بعضها يعني واحده خلف اللي قبلها علشان يطلع شكلها زي الورده الطبيعيه
ارجو اني اكون عرفت اوصل المعني
الروابط المفضلة