يا جماعه انا ابتديت فى بلوزة من الوحدات المربعه بالخيط الحرير

وكنت عرفت طريقه الكوى بس يا ترى اكوى الوحدات الاول وبعدين اشبكها

والا اشبك وبعدين اكوى ؟؟؟؟؟؟؟؟؟؟

ويا ترى الكوى حياثر على وسع البلوزة

افيدونى الله يخليكم

اعتقد ان ان الكوي ممكن يوسع الواحدت شويه

بس ننتظر راي الاخوات هما كمان

انا برده اعرف ان الكوى بيوسع الوحدات شويه وبالذات الخيط الحرير
وننتظر راى الخبيرات

شوفى عزيزتى انا باعمل طريقة احسن من الكوى وتدى نفس النتيجة
براحة فيه طريقتين الاولى :
ممكن بعد ما تشبكى الوحدات وتخلص البلوزة تحطيها تحت مرتبة السرير او تحت شلت كنبة الانتريه
المهم يكون فوقها حاجة تقيلة ومستوية وطبعا تحطيها حسب الوضع اللى عايزاه للبلوزة
الثانية :
انك بعد ما تخلصى البلوزة تنديها بشوية ماء وتفرديها على فوطة كبيرة او قماشة كبيرة عشان تتشرب الماء وتثبتيها بدبابيس على الفوطة بالوضع المطلوب وكل فترة تقلبيها عشان تنشف لحد ما تنشف خالص حتديمى نتيجة احلى من الكوى وتضمنى ان الوحدات مش توسع

يارب اكون افدتك
بالتوفيق ان شاء الله

يا اجمل فنانه تسلمى يارب و ربنا يخليكى لينا دايما
شكرا على المعلومه الاكتر من رائعه
جزاك الله كل خير

تسلمى لى يا ام عمرو يا قمر

فنانة الف شكر حببتى
لان المعلومة رائعة
ودى كمان تنفع قوى فى الصوف علشان المكوة بتضرة خالص

ممكن تكويها من الجهة الثانيه
يعني مش على الوجه كوي خفيف وبعدين تشبكيها

حبيبتى حبيبة امها من خلال خبرتى فى الشغل بالحرير انا اكتشفت انك بعد ما بتغسلى الشغل بيمط ويتفرد شوية عن المقاس اللى انتى كنتى عاملاه فبقيت باعمل الشغل بمقاس اقل حاجة بسيطة من المقاس المطلوب وبعد كدة اغسله واحطه على حاجة طولية علشان ينشف وكل شوية اقلبه علشان ينشف من كل الجهات هيدى لك نتيجة الكوى من غير ما تتعبى
وعلى فكرة انا كنت عاملة فساتين لبناتى من الخيط الحرير وكنت عاملة الوسط مظبوط على قد وسطهم وبعد ما غسلت الفساتين الوسط اصبح تحت وسطهم بمسافة لدرجة انك لوشوفتى الفستان تقولى عليه ده فستان بوسط ساقط مع انى والله عاملاه على قد الوسط بالظبط
وعلى العموم جربى فى عينة صغيرة وشوفى النتيجة هاتتطلع ايه
واسفة على الرغى وطولت عليكى معلش سامحينى

الله يخليكم لى والله افادتونى

والله مش عارفه اقولكم ايه على اهتمامكم

اخجلتونى

جزاكم الله خيرااااااااااااااا