طلتك علي هي النبض اللي في قلبي .. ومشاركتك دي مسيرة حياتي

**كوتى** · 02-07-2007, 02:44 AM

*** منتــ لكِ ــــدي هتوحشني أينما كنت ***
المرفق 59428

أخواتي حبايب قلبي وروحي
هتوحشوني هتوحشوني ..
أنا مسافرة للقاهرة وهناك ما عندي كمبيوتر .. لذلك فكرت أني أكتب لكم علشان تعرفوا ليه هغيب عنكم .. وتسامحني كل أخت منكم هتنزل موضوع وتلاقيني غائبة عن الرد والمشاركة ...
أنا زعلانة علي فراقكم لمدة أسبوع .. لا أعرف أزاي هتحمل البعد عنكم بعد ما مليتوا عليُ حياتي وخليتو لدنيتي معني وهدف ..قبل ما أعرفكم كانت أيامي روتينية كأني بتفرج علي فيلم في شريط فيديو .. بيبتدي أول ما أصحو من النوم ويتنهي لما أرجع أنام أخر اليوم .. فيلم لا بيتغير ولا بيتطور .. ودخلت في دور أكتآب ..
زوجي - الله يبارك لي فيه - كان ناوي يشتري تكييف لأننا محتاجينه جداً للأولاد لأن الجو في أسيوط نار شوب وأنتظرنا ورن جرس الباب وفوجئنا به حامل بين أيديه كمــــــــبـــــــيوتـر وأبتدي يعلمني النت والبحث وأثناء بحثن عن مجلة بوردا الشهير التي أعشقها بجنون .. فوجئت بظهور منتدي ألوانه رائعة الجمال لأنها المفضلة عندي وأركانه بها كل اللي بتمناه من طهي وحلويات تجارب منزلية متعددة و...... ألخ حتي وجدت ركن الكروشيه والتريكو ....

معقول .. لا مش ممكن يكون حقيقة .. أكيد أنا بحلم .......

ومن وقتها نظمت أوقاتي .. علشان منتدي لكـِ
بأنتهي بسرعة من واجباتي المنزلية .. علشان منتدي لكـِ
وأصبح لحياتي هدف ومعني ... هو منتدي لكـِ

علشان كده أنا بحبكم مش حب عادي ولا مجرد كلمات مجاملة .. لالالالالالالالالالا
ده حب بعد تجربة طويلة مع اليأس وفقدان طعم الحياة ولوعة الحياة في تابوت ..

علشان كده أصبح شعارى
طلتك علي هي النبض اللي في قلبي .. ومشاركتك دي مسيرة حياتي

بحبكم وهتوحشوني قوووووووووووووووووووووووووي

**frasha2** · 02-07-2007, 03:01 AM

حتوحشينا يا كوتي
ان شاء الله ترجعي لينا بالسلامه وانا ما ألومك لان حياتي ايضا كانت ممله والآن اصبحت مجنونة لك،،،
عندي كمبيوتر بس مو مثلك كنا محتاجين تكييف وراح زوجي اشترى بدله كمبيوتر ههههه اشتراه لما كنت ادرس بالكليه لانه هذا تخصصي بس ما كنت ادخل على النت لاني ماتوقعت اني راح استفيد منه بالشكل الكبير هذا وانا احب الكروشيه فقررت ابحث في النت واشوف هل هذا الفن فيه افكار جديده غير اللي اعرفهلما دخلت المنتدى عجبني موت ولا بحثت اكثر وبصراحه مثلك ما اقدر افارقه يوميا ادخل واشوف الاخبار الا من مدى ما دخلت لان الكمبيوتر كان متعطل وانا مريضه.. المهم هذا احلى منتدى شفته وانا احب الكل من قلبي بصراحه...........

بتقولون:
ثرثاره صح

المهم تروحين وترجعين لنا بالسلامه يا كوتي
الله يحفظك

**ام عمرو 28** · 02-07-2007, 03:09 AM

حبيبه قلبى كوتى ترجعيلنا بالف سلامه و انتى مش حتغيبى عنا
دايما موجوده بردودك الحلوة ومموضوعاتك المتميزه و كلامك اللى زى العسل اللى بيطلع من القلب و يوصل للقلب علطووووووووووووول من غير اى حواجز او عقبات
كلامك بيمس القلب و فعلا انا حاسه اننا اسره واحده و من يوم ما عرفتكم و عرفت منتدى لك الرائع وانا حاسه بسعاده و ان حياتى ليها طعم و لون بيكم و معاكم
و على فكرة انا من عشاق مجله بوردا الشهيره

المهم خلى بالك على نفسك وربنا يرجعك لينا بالف سلامه انتى و العائله الكريمه
فى رعايه الله

**ندى الورد2007** · 02-07-2007, 06:01 AM

يعني مسافره!..ملها حل ثاني

ان شاء الله تروحين وترجعين بالسلامة

الله يحفظك ويحفظ العائلة الكريمة من كل شر

**منمن19** · 02-07-2007, 06:28 AM

حبيبتى كوتى
تروحى وترجعى لينا بالف سلامه
احنا فعلا اسره واحده من غير ما نشوف بعض
وعلى فكرة انا كمان بضم صوتى لصوتكم واقول انى اصبحت مجنونه لكى
يعنى انا دلوقتى مقتوله نوم والله ومع ذلك قولت لازم ابص بصه عليكو
وزى ما حبينا بعض كلنا فى الدنيا من غير لقاء ربنا يجمع بينا جميعا فى جنه الفردوس ان شاء الله
واشهد الله انى احبكم فى الله

بس ليا سؤال غلس شويه........ ايه علاقه التكيف بالكمبيوتر؟؟؟؟؟؟؟
هههههههههههههههه عارفه لو مروحه كانت تعدى انما كمبوتر بعيده اوى
اجازة سعيييييييييييييده ان شاء الله