بدأت رحلتي مع الكروشية عندما كان عمري 10سنوات حينها كانت لدي خالة شاطرة في جميع الأشغال اليدوية وأهل المدينة المنورة زمان كان عندهم عيب إن الست ماتعرف مجموعة من الأشغال طبعا هذا إلى جانب الترتيب والتنظيف والطبخ والعجن وجميع أعمال المنزل.
المهم حاولت مسكينة معايا بكل الطرق بدون فائدة كنت أهرب وأطلع ألعب مع الأولاد(الصبية)ما كنت أحب أي شيء من شغل البيت ولا الخياطة...أصلا كنت أكره الإبرة......أي إبرة
المهم خلصت دراستي المدرسية ...على فكرة برضه كنت أهرب من حصة التدبير المنزلي علشان أطلع الحوش ألعب كورة هههههههه بس المعلمة الله يجزاها خير كانت تطلب مني أثبت إني أعرف كل شيء هي بتعلمنا هو إذا بغيت ألعب......فاتعلمت التفصيل على البترون معاها (على مضض)وكنت يوم الطبخ ألعب في الحوش بشرط أدخل آخر عشرة دقايق من الحصة وأغسل كل الصحون.......هي المعلمة علمتني أعمل بلح الشام ومهلبية وخلتني أعمل قميص نوم لنونو وبلوزة لي........
المهم بعدها كملت دراستي الجامعية واتزوجت وسافرت أمريكا مع زوجي..كان بيدرس....والطفش بدأ...كان مايخليني أخرج ومانطلع سوى إلا في آخر الأسبوع...طيب قرآن وحفظت منه 3 أجزاء وفقه السنة ودرست الأجزاء الثلاثة طيب والتلفزيون طفشت منه...إيش أسوي في عمري ياربي...الأيام طويلة وأهلي بعيد ومافي صاحبات قريب مننا....يوم ونحن بنتمشى في المول لقيت واحدة قاعدة تعلم الناس كيف يعملوا غرزة النفيش على مخدات وقفت اتفرجت واشتريت واحدة وسويتها...طيب وبعدين؟!
الروابط المفضلة