انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 2 12 الأخيرالأخير
عرض النتائج 1 الى 10 من 16

الموضوع: حردة الابط والرقبه........لو سمحتوا

  1. #1
    تاريخ التسجيل
    May 2007
    الموقع
    مصريه اسكندرانيه
    الردود
    253
    الجنس
    امرأة

    حردة الابط والرقبه........لو سمحتوا

    ممكن حد يعلمنى ازاى ابدا بلوزه من حردة الرقبه؟
    يعنى ازاى اعمل حردة الرقبه وانزل منها بباقى الشغل؟
    وازاى كمان اعمل حردة الابط؟
    وياريت لو فيه صور يكون افضل.
    ربنا يجازيكى كل خير ويغفرلك جميع ذنوبك وينولك كل اللى تتمنيه ياللى حتجوبينى

  2. #2
    تاريخ التسجيل
    Dec 2006
    الموقع
    مصر
    الردود
    114
    الجنس
    أنثى

  3. #3
    تاريخ التسجيل
    Jan 2007
    الموقع
    قاهرة المعز - مصر
    الردود
    312
    الجنس
    رجل
    بسم الله
    نبدأ من اول حردة الابط خطوة خطوةهنا انت وصلت بالتيشيرت للسطر اللى حتبتدى من عنده حردة الباط


    نبتدى ب5 منزلقة وفى الغرزة السادسة نعمل 3 سلسلة تعتبر كأول عمود
    ونكمل السطر ونترك فى اخره 5 غرز بهذا الشكل





    نعمل فى السطر الجديد 4 منزلقة ثم فى الغرزة الخامسة نعمل 3 سلسلة تعتبر كأول عمود


    نكمل السطر ونترك 4 غرز فى اخره كهذا الشكل



    نعمل 3 منزلقة وفى الغرزه الرابعة نعمل 3 سلسلة كأنها اول عمود


    ونستمر بهذه الطريقة السطر التالى نعمل 2 منزلقة و3 سلسلة ونكمل السطر ونترك 2 غرزة فى اخره
    بهذا الشكل

    ودى صورة السطر فى اخره


    واخر سطر فى التنقيص نعمل غرزة منزلقة ونترك غرزة فى اخر السطر


    ونكمل بدون زيادة او اتنقيص حتى تصلى الى مكان حردة الرقبه الخلفية

  4. #4
    تاريخ التسجيل
    Jan 2007
    الموقع
    قاهرة المعز - مصر
    الردود
    312
    الجنس
    رجل
    حردة الرقبة الخلفية 1</STRONG>
    انت وصلت هنا للمكان اللى حتحردى فيه حردة الرقبة الخلفية
    عدى الغرز وقسميهم على 3 تقريبا او خللى القسم الاوسط اقل قليلا لو عدد الغرز لايقبل القسمة على 3
    ثلث للكتف الايمن وثلث للكتف الايسر والثلث فى المنتصف للرقبة

    اشتغلى اول ثلث مثل الصورة

    بس اخر غرزة اعمليها حشو مش عمود ( احنا هنا ممكن نكمل عمل حردة اول كتف بس علشان الشغل يبقى نضيف ومانقطعش خيط ونوصل خيط اعلمك طريقتى )
    كملى الثلثل الثانى بغرزة الحشو او المنزلقة زى ما تحبى


    واول غرزة فى الثلث التالت اعمليها حشو وكملى لاخر السطر




    من هنا حنبدأ نشتغل كل كتف لوحده

    اشتغلى 3 سلسلة وكملى السطر واتركى غرزة واحدة لعمل الحردة بس دائما اخر غرزة فى حردة الرقبة نعملها حشو وبعدها نترك الغرزة بتاعة الحردة

    كما بالشكل



    نعمل غرزة منزلقة وبعدين غرزة حشو ونكمل السطر


  5. #5
    تاريخ التسجيل
    Jan 2007
    الموقع
    قاهرة المعز - مصر
    الردود
    312
    الجنس
    رجل
    كده خلصنا كتف

    برضه علشان الشغل يبقى نضيف ولانقطع خيط ونوصل نشتغل منزلقة على الحردة


    ونشتغل منزلقة على الثلث بتاع الرقبة

    حتى نصل لبداية الثلث الاخير


    نشتغل غرزة منزلقة وبعدها حشو وبعدين نكمل السطر







    نبتدى السطر التالى ب3 سلسلة ونكل السطر والغرزة الاخيرة نتركها واللى قبلها نعملها حشو


    اخر سطر نعمل منزلقة ثم حشو ثم نكمل السطر

    وتعقدى الخيط وتقصيه


  6. #6
    تاريخ التسجيل
    Jan 2007
    الموقع
    قاهرة المعز - مصر
    الردود
    312
    الجنس
    رجل
    حردة الرقبة الامامية مثل الخلفية بس الاول لا نقسم عدد الغرز على 3 بل نترك حوالى 10 او 12 غرزة فى المنتصف ونستمر فى التنقيص حتى نصل بعرض الكتف لعرض كتف الخلف

  7. #7
    تاريخ التسجيل
    Dec 2006
    الموقع
    مصر
    الردود
    6,599
    الجنس
    أنثى
    التكريم
    (أوسمة)
    حبيبتي نونا شرحك بديع وانا حااحفظه عندي
    بس اعتقد ان الاخت كانت بتسال علي الحرده اللي زي حرده الاطفال يعني تبدئي من الرقبه بعدد سلاسل وتعملي الحردات وتكملي البلوزه ولا يمكن انا فهمت غلط

  8. #8
    تاريخ التسجيل
    Mar 2007
    الموقع
    المملكه-الاحساء
    الردود
    1,446
    الجنس
    أنثى
    شرح جميل وواضح وراح احفظه على الكمبيوتر واستفيد منه لاني راح اعمل بلوزه

  9. #9
    تاريخ التسجيل
    Jan 2007
    الموقع
    قاهرة المعز - مصر
    الردود
    312
    الجنس
    رجل
    تعقيب كتبت بواسطة أم قسمت عرض الرد
    حبيبتي نونا شرحك بديع وانا حااحفظه عندي
    بس اعتقد ان الاخت كانت بتسال علي الحرده اللي زي حرده الاطفال يعني تبدئي من الرقبه بعدد سلاسل وتعملي الحردات وتكملي البلوزه ولا يمكن انا فهمت غلط

    اهلا ام قسمت

    لو كانت الحرده من فوق تبقى سهلة انا عملتها كتير
    بس عملتها والصدر مفتوح

    عبارة عن سلسلة تعمليها بمقاس الرقبة وتحاولى تنظمى عدد الغرز بحيث ان العدد يكون بيقبل القسمة على الرقم 6 مثلا نقول 42 غرزة يكون السدس الواحد 7 غرز وتزودى 4 غرز للاركان يبقى المجموع 46 غرزة ( اى عدد يقبل القسمة على 6 + 4 غرز )

    التقسيمة فى السطر الاول كالاتى غرزتين سلسلة لا(كأنهم اول عمود ) نتركهم ونشتغل فى التالتة عمود ثم 4عمود لدينا 7عمود (0السدس الاول)
    نشتغل 3 عمود فى غرزة
    7 عمود
    3 عمود فى غرزة
    14 عمود ( سدسين مع بعض )
    3 عمود فى غرزة
    7 عمود
    3 عمود فى غرزة
    7 عمود
    كدهانتهى السطر الاول
    2سلسلة ونلف
    ونستمر فى العمل عمود فى كل غرزة وعندما نصل الى اى ركنه والتى بها 3 عمود فى غرزة نشتغل فى العمود الاول منها عمود فى العمود الثانى 3 عمود فى العمود التالت عمود
    سوف تجدين ان الشغل بيكبر معك مكونا السفرة تستمرى بالعمل حتى تحصلين على الطول المناسب للسفرة والذى يصل بك الى مكان الابطين
    ثم نشتغل حردة الابط
    لعمل حردة الابطين
    نلاحظ هنا فى المقاسات التى اكبر من البيبى نقيس محيط الصدر بالمازورة او المتر او العرض الذى نريد ان يكون عليه ذيل الجاكت وهذه الملاحظة هامة جدا حتى لا يكون وسع الجاكت اقل مما نريد ونقيس حجم الشغل الذى معنا والفرق فى الطول نقسمه على 2 ونشوف كام غرزة سلسلة تعمل هذا الفرق وهذه الغرز هى التى سنعملها فى كل حردة ابط

    هناك ملاحظة اخرى ان عددالغرز الكلى لهذا السطر بعد ان ينتهى لابد ان يكون بيقبل القسمة على الرقم 5 يعنى تزودى او تقللى عدد الغرز فى السلسلة حتى يصبح العدد فى النهايه بيقبل القسمة على 5
    سطر الحردة
    2 سلسلة ـــ عمود فى كل الغرز التالية حتى نصل الى غرزة المنتصف الركنة والتى كان من المفترض اننا نشتغل فيها 3 عماويد نشتغل عدد من السلسلة يكفى لحردة الابط ونترك كل الغرز الى ان نصل الى منتصف غرز ال3 عماويد التالية و فى غرزة المنتصف نشتغل عمود ثم نشتغل عمود فى كل غرزة حتى نصل الى منتصف غرز ال3 عماويد فى غرزة التالية فنشتغل عدد مساوى للسلسلة التى اشتغلناها سابقا ونترك كل الغرز الى ان نصل الى منتصف غرز ال3 عماويد فى الركنة التالية ونشتغل عمود ثم ونشتغل عمود فى كل غرزة حتى نصل الى اخر السطر
    وبكده نكون حددنا حجم حردة الابط وايضا محيط الجاكت الكلى

    مثل هذا الجاكت



    او هذا لطفلة كبيرة شويه

  10. #10
    تاريخ التسجيل
    Dec 2006
    الموقع
    مصر
    الردود
    6,599
    الجنس
    أنثى
    التكريم
    (أوسمة)
    ربنا يحميكي شرحك جميل جدا واي حد حايسال بعد كده حااحط له رابط الموضوع ده علي طول

مواضيع مشابهه

  1. طلب حردة الابط المدورة وحردة الرقبة السابعة او المدورة
    بواسطة بسكوتة نونو في ركن الكروشيه والتريكو
    الردود: 5
    اخر موضوع: 05-10-2010, 08:12 PM
  2. شرح حردة الابط والرقبة فى الكروشيه
    بواسطة فنانة مصرية في ركن الكروشيه والتريكو
    الردود: 167
    اخر موضوع: 20-12-2007, 01:31 AM
  3. العطور والرقبه؟؟؟؟
    بواسطة عسوله@ في العناية بالجسم والبشرة والمكياج والعطورات
    الردود: 5
    اخر موضوع: 10-09-2006, 01:03 PM
  4. الوجه بدر والرقبه؟؟؟؟؟؟؟؟؟؟
    بواسطة (ام احمد) في جمالكِ سيدتي وأناقتك حواء
    الردود: 0
    اخر موضوع: 14-08-2005, 02:02 AM
  5. قناع لشد البشره والرقبه
    بواسطة مشمش في العناية بالجسم والبشرة والمكياج والعطورات
    الردود: 2
    اخر موضوع: 05-07-2001, 03:37 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ