حبيبتي ام قسمت شوفي هذا معه الشرح

هذا الرابط به الشرح متمنية لك التوفيق

http://www.elann.com/ShowFreePattern.asp?Id=111024

وهذو ليس لهم شرح شوفوهم فقط

هاه اش رايكم يطيرو العقل صح

تسلم ايدييكي يا روزي الحاجات حلوه بجد

في انتظار ماما ام قسمت

شوفي ياقمر
هذا الشال المثلث تشتغليه من اعلي لاسفل
ومقاسه تقريبا 80 بوصه (البوصه 2.5 سم اتنين ونص )عرض في اعرض مسافه وطوله 40 بوصه عند اطول مسافه الباترون من عده غرز واي غرزه ممكن ان تتبدت
المواد المطلوبه 8 شلات كل شله 50 جرام
الابر ابدئي بالابر مقاس 4.5 مم وكل ماتبدئي شله جديده يكبر مقاس الابر يعني اول شله 4.5 الثانيه 5مم الثالثه6 مم وهكذا لغايه السابعه 8 مم والثامنه حاتقفلي بيها برضه مقاس 8 مم
الغرزه الاولي
عدد من الغرز يقبل القسمه علي 6 + غرزه
الغرزه دي حاتكون دائما غرزه حرف للوجه الامامي من الشغل
السطر الاول وكل السطور الخلفيه مقلوب
السطر الثاني غرزه حرف -* لفه - اسلتي غرزه بدون شغل واشتغلي اللي بعدها عدل واقلبي المسلوته غلي المشغوله (حاابقي اقول اسلتي واقلبي علي الخطوه دي) - 1 عدل - 2عدل معا - لفه - 1ع(يعني عدل )* كرري بين العلامتين **
السطر الرابع - غرزه حرف -* لفه - 1ع - اسلتي غرزه واشتغلي 2 ع معا واقلبي الغرزه المسلوته فوقهم (تنقيص ثلاثي يعني اخدتي 3 غرز في غرزه واحده ) - 1ع - لفه - 1ع * كرري بين العلامتين
السطر السادس - غرزه حرف -* 2ع معا - لفه - 1ع - لفه - اسلتي واقلبي - 1ع * كرري بين العلامتين
السطر الثامن- غرزه حرف * (1ع - لفه ) مرتين - 1ع - تنقيص ثلاثي* كرري بين العلامتين
حلو كده ياروزي ولا ايه اكمل؟؟؟؟؟

ما شاء الله اكثر من روعة

تسلمي حبيبتي بس يبغى لي وقت حتى افهم الشرح
كما تعرفين لا اعرف الغرز جيدا معلش عزيزتي تعبتك معي
وانشاء الله الاخوات يتعلمن

حبيبتي روز
ليه ماانضميتيش معايا في دوره التريكو وبعدين انتي عايزه تعرفي ايه وانا اديكي درس خصوصي
المهم
الغرزه التانيه - عدد من الغرز مضاعفات 10 +غرزه
السطر الاول والثالث خلف الشغل م(يعني مقلوب)
السطر الثاني - غرزه حرف - *لفه - 3ع - تنقيص ثلاثي - 3ع - لفه - 1ع* كرري بين العلامتين
السطر الرابع - غرزه حرف - *لفه - 3ع - تنقيص ثلاثي - 2ع - لفه - 1ع - 1م * كرري بين العلامتين
السطر الخامس والسابع -* 1ع - 9م* كرري بين العلامتين
السطر السادس - غرزه حرف - *2ع - لفه - اع - تنقيص ثلاثي - 1ع - لفه - 2ع - 1م*كرري بين العلامتين
السطر الثامن - غرزه حرف - *3ع - لفه - تنقيص ثلاثي - لفه - لفه - 3ع - 1م* كرري بين العلامتين

الغرزه الثالثه - عدد من الغرز مضاعفات الرقم 7 + 3 غرز
السطر الاول وكل السطور الخلفيه مقلوب
السطر الثاني 2ع - *لفه - 1ع - اسلتي واقلبي - 2ع معا 1ع - لفه - 1ع* كرري بين العلامتين وتفضل معاكي غرزه في اخر السطر اشتغليها ع
السطر الرابع - 1ع - *لفه - 1ع - اسلتي واقلبي - 2 ع معا - 1ع - لفه - 1ع *كرري حتي اخر السطر يفضل معاكي غرزتين اشتغليهم عدل
التقفيل
2ع رجعيهم تاني للابره اليسري واشتغليهم 2 ع معا *1ع - اسلتي غرزتبن علي الابره اليمني.......اكمل بعدين احسن شامه ريحه شييييييييييييييييييياط

شكلي ما فهمتش حاجه انضم ا ليك احسن اتعلم من اول وجديد
ااااااااااااااااااااااااااااسفه على التعب حبيبتي

شياط يعني اكل بيحترق يا ساااااااااااااااااااااتر
يعني ما فيش غداء اليوم

شرح ممتاز يا ام قسمت...ايه بقى الصعب يا rosse هو انت زى انا ما فهمتش حاجه
يلا بكره نكبر ونتعلم...

حلوييييييييييين اوى وبالاخص اول واحد شغله جميل جدا
تسلمى حبيبتى