الى الغالية والعبقرية فنانة مصرية عندي هذي اللانجري وابغى السر في عمل التقوس اما الغرز فتقريبا سهلة




اما القطعة الثانية فاشرحي لي طريقتها لو سمحت والله يجزاك كل خير ياسكر

بصي يا ستي الاولانيه دي اعتقد مثلين وبيشبكوا في بعض
وتقريبا غرزتها حشو

والتاني مش عارفه

ان شاء الله فنانه تفيدك

انا ابغى السر في التقوس اللي يعطي السكل للصدر

شكرا حبيبتى دعوة على الفكرة دى وتنفع
اما بقى السر فى التقوس عموما هو ايييييييييييييييييييه ؟؟؟؟؟؟؟؟
شوفوا يا قمرات :
مثلا حاشرح القطعة اللى فوق :
1- نعمل سلسلة من 5 او 4 غرز ونقفلهم دايرة
2- وبعدين نملأ الدايرة بغرز حشو مثلا 12 غرزة عشان تقبل القسمة على 3 عشان يطلع شكل المثلث
3- نعمل السطر التالى 4 عواميد فى اربع غرز وبعدين سلسلة من 3 غرز ونعمل فى 4 عواميد برضه فوق الاربع غرز الحشو ونعمل سلسلة من 3 غرز ونكمل 4 عواميد وسلسلة 3 غرز ونقفل السطر بغرزة منزلقة
4- السطر التالى حنوسع شوية عشان مش يبقى فيها بوز جامد نعمل عمودين فى فى اول واخر كل مجموعة( المجموعة اللى هى اربع عواميد وسلسلة ) يعنى حيبقى عدد عواميد المجموعة الجديدة 6 عواميد وسلسلة من 3 غرز وهكذا لاخر السطر
5- السطر اللى بعده بقى حيحصل التقوس لا نقلل غرز ولا نزود يعنى نعمل فوق كل عمود عمود وسلسلة ب 3 غرز
وكل ما نبقى عايزين نزود نعمل زى السطر الرابع عمودين فى اول واخر كل مجموعة مع الاحتفاظ ب3 غرز السلسلة وعشان يبقى التقوس مرتاح نعمل سطر وسطريعنى سطر نزود وسطر مش نزود وطبعا كل ده حسب المقاس
وهو ده سر التقوس ان احنا بنزود فى سطر والسطر اللى بعده مش بنزود وممكن عايزين التقوس يزيد نعمل سطرين من غير زيادة ولو عايزينه خفيف نعكس سطرين نزود وسطر مش نزود

يارب تكونوا فهمتوا قصدى والشرح واضح واى سؤال انا هنا

بالنسبة للمفرش هو سهل بس عايز عد
انا حاشرحلك جزء ولو قدرت اكمل انهاردة حاكمله معلش اصلى تعبانةشوية عندى برد
- نعمل سلسلة من 5 غرز ونقفلها
- نعمل سلسلة من 5 غرز وندخلها فى قلب الدائرة ونعمل غرزة حشو وبعدين نكرر العمل لغاية ما نعمل 7 فوسطونات او ورقات مفرغة
- السطر التالى نطلع بمنزلقة لغاية الغرزة التالتة يعنى فى وسط الورقة الاولى نعمل سلسلة من 6 او 7 غرز وندخل الابرة فى قلب الورقة ونعمل غرزة حشو وهكذا لاخر السطر حيبقى عندنا 7 ورقات تانى بين السبع ورقات اللى فى السطر اللى فات
- السطر التالى نملأ الورقة الواحدة ب6 او 7 عواميد وبعدين غرزة سلسلة ونملأ الورقة التانية وغرزة سلسلة لغاية ما نملأ ال7 ورقات كلهم وبين كل ورقة والتانية غرزة سلسلة واحدة
- السطر التالى نزود فى اخر كل 6 او 7 عواميد عمودين فى الاخر يعنى لو 6 حيبقوا 8 لو 7 حيبقوا 9 ونعمل سلسلة من غرزتين بين كل ورقة
نكرر العمل بالطريقة دى نزود عمودين فى اخر كل ورقة ونزود غرز السلسلة عشان يدينا الحلزون
نكرر لغاية السطر السابع

ومعلش اكتفى بكده دلوقتى وان شاء الله اكمل
وياريت تنفذى وتقولى لى النتيجة
وعلى فكرة شكرا حبيبتى على الكلام الجميل ده وكلنا بنتعلم
ياللا بقى ورينا شطارتك

الف سلامة على قلبك وتقومي بالسلامة يارب
والله ماني عارفة اجازيك كيف بس الله لايحرمك الاجر
وانا نسخت الشرح وانفذة وارد عليك بس كملي لي اذا التكملة فيها حاجة جديدة

انا كنت محتاجه اعرف بجد الشرح دا
لانه حابة اعمل بلوزة بشكل يكون بسيط و تكون حمالات من فوق .

يعني جزء الصدر يكون زي الا وضعته اخت عطر الليالي و من تحت تتعمل عواميد او حتى وحدات مربعه و تتشبك في بعض او غرزة يكون شكلها حلو .

يسعدك يارب يا فنانه .و اخت عطر الليالي كمان لانه فتحت باب الاستفاده لينا بسؤالها.

نكمل شرح المفرش ... احنا وصلنا للسطر السابع
- السطر اللى بعده حنبدأ ننقص فى عدد عواميد الورقة ونزود فى السلاسل اللى بين كل ورقة والتانية يعنى نعمل 3 سلاسل بمثابة عمود فى اول السطر ونسيب عمود ونعمل فى العمود اللى بعده عمود ونكمل عواميد وونسيب العمود اللى قبل الاخير ونعمل عمود فى اخر عمود وبعدين سلسلة من 4 او 5 غرز وعمود فى وسط السلسلة اللى فى السطر السابق ونعمل سلسلة من 4 او 5 عواميد ونكرر العمل فى الورقة التانية وهكذا لاخر السطر
وكل ما نطلع ننقص اعمدة من الورقة ونزود فى السلاسل ونعمل بين كل سلسلة والتانية عمود
يارب اكون وضحت وانا تحت امرك فى اى سؤال
بالتوفيق ان شاء الله

وانا عندي باترون يشبه العمل الي حاطته الاخت

عزيزتى عطر الليالى
بالنسبه للقطعه الاولى شوفى الباترونات دى و ان شاء اله تفيدك




و دى





و علشان تعملى الحجم صح اعتقد انك تكررى الاسطر لحد ما توصلى للمقاس صح