اختى العزيزه نادين سالم
رايت مجموعه المفارش الرائعه التى جئتى بها لنا وابهرتنى جدا جدا ولكنى شعرت بإكتئاب شديد لفشلى فى تنفيذ اى منها
ولذلك نطلب منكى طرق هذ المفارش الجميله وشكرا لكى........

ودعوه حب لكل الاخوات التى تعرف طريقه تنفيذ احد هذه المفارش الجميله شرحها لكل الخوات المبتدئات فى عمل الكروشيه.......


ريماز الشقيه

طيب ياريت تحطي الرابط يا ريماز
واختاري المفرش المطلوب شرحه
حتى نقدر نساعدك

انا حطيت ليكي باترون المفرش في الموضوع التاني

علي فكره انت لو عرفتي طريقه مفرش واحد هتقدري تطبيقي كويس بعد كده

وفي انتظار رد الاخت نادين

عزيزتى دعوه للتفاؤل و أرمله شكرا على اهتمامكم بالرد على الف شكرا
ولكنى احب ان اعرفكم انى اشتركت فى المنتدى من فتره قصيره جدا عن طريق الصدفه واننى حديثه جدا فى استخدام الكمبيوتر ولذلك لا اعرف كيفيه التعامل الصحيح مع المنتدى بالرغم من اعجابى الشديد به لمحبتى فى فن الكروشيه...فارجوا منكم مساعدتى فى معرفه كل شىء فيه ....مثل
كيفيه التواصل مع الاخوات المتواجدات
كيف يكون عندى صديقات فى ركن الكروشيه
كيف يمكنى الاحتفاظ بكل ما هو جديد من اشغال الصديقات عندى للرجوع اليها فى اى وقت

واسئله كتيررررررر اوى اوى اوى000000000بس انا مش عايزه اطول عليكم

استنوا.......


استنوا........


نسيت اقولكم انى بالرغم من شقوتى بس والله بفهم بسرعه

اختى ريما الشقيه انا اقول خفة دم مش كده ولا ايه
انا برضو زيك جديده ومشكلتى قريبه من مشكلتك وعندى امل كبير انى فى يوم من الايام هنزل
مواضيع وافكار تجنن وبصراحه انا بحترم المنتدى ده وربنا يوفقنا جمعيا ونقدم ماهو مفيد لنا كلنا
والسلام عليكممممممممممممم.

يارب يا اخت اشعار تتحقق امنيتنا الغاليه وشكرا لرد الرقيق

أهلاً بأختي ريماز اللي مش مبطلة شقاوة
بصي بقى يا ستي

كيفيه التواصل مع الاخوات المتواجدات

تواصلك يأتي بمشاركاتك الهادفة وافادتك لاخواتك وايضاً ردودك على موضوعات اخواتك من هنا ستتعرفي عليهم اكثر وكمان يمكن لك التواصل عن طريق الرسائل الخاصة بس لما تكملي مجموع مشاركات عدد الــــ 300 مشاركة

كيف يكون عندى صديقات فى ركن الكروشيه

نفس ردي السابق عليكِ وأعتبريني أول الصديقات لكِ

كيف يمكنى الاحتفاظ بكل ما هو جديد من اشغال الصديقات عندى للرجوع اليها فى اى وقت

أعملي ملف مخصوص بأسمك على جهازك وأحفظي فيه موضوعات من تحبي ويمكن السؤال في كل ما يخص بالكمبيوتر في الركن الخاص بقسم الكمبيوتر بالمنتدى

وعايزة أقولك كمان شوفي موضوع أم عزيزان الجديد علشان تتعلمي معها الكروشيه بأسس سليمة

كلنا معكِ خطوة بخطوة حتى الأحتراف في الكروشيه وكمان الكمبيوتر
ومنورانا دائماً بوجودك بيننا

زيمار الشقيه اللي دمها خفيف جدا
اولا اهلا بيكي وثانيا احنا هنا كلنا اخواتك وصديقاتك ثالثا انتي ممكن تدخلي اي موضوع وتكتبي الرد زي ماكتبتي الردودفي موضوعك
اما الاحتفاظ بالاشغال هو انا اعرف طريقتين الاولي مااعرفهاش والثانيه مش حااقول لك عليها ها ها ها ها
باضحك معاكي شوفي ياستي انا باضغط علي كلمه file اللي في اعلا الصفحه علي الشمال بتطلع كلام كتير اختا ي كلمه save as اضغطي عليها يطلع مربع امام كلمه save حاتلاقي اسم الموضوع اللي عايزه تحفظيه اضغطي save
الطريقه الثانيه تقفي بالماوس علي اعلا الصوره حايطلع مستطيل صغير فيه شكل زي التليفزيون اضغطي علي الشكل ده يحفظ لك الصوره هم دول الطريقتين اللي انا باعملهم يمكن فيه طرق تانيه اللي تعرف تقول وادي احنا بنستفيد

الف الف الف شكرا انا فعلا مش عارف اشكركم ازى

شكرا لكى يا ام قسمت على الافاده الف شكر وفعلا انا نفذت