الأخت أم قسمت أنا أقصد المفارش عامة إيه نوع الخيط اللى استخدمتيهأأنا ظهر لى مفرش واحد دلوقتى إظاهر إن النت مشغول قوى وعلى العموم أنا فاكرة إن الثانى تقريبا نفس الخيط

روعة عجبونى كتير خاصة الفساتين تسلمى يا فنانة

حبيبتي صهيب
المفارش المدوره الصغيره انا باستعمل فيهم الخيط الخام عموما بس فيه خيط اسمه خيط صنانير باشتريه من المنصوره رااااااائع وبيدي نتيجه تحفه بس متعب شويه في الشغل (في الاول بس لغايه ماتتعودي عليه ) المفرش اللي باظ من خيط مصر صباغي البيضا ده خيط حلو جدا وبيدي نتيجه جميله انا باستعمله علي طول في عمل بلوزات صيفي لبناتي حاابقي افرجك ودي اول مره استعمله في مفرش
فيه بقي خيط اسمه d m c وهو غالي شويه

ما شاء الله تسلم ايدك

لشال عملتيه ازاي استخدمتي فورشيه في عمايله ام لا؟ ارجو منك الرد اختي العزيزة


مشكورة عزيزتي

العزيزه حبيبه
مش فاهمه يعني ايه فورشيه لكن علي العموم انا عاملاه تريكو وهو سهل جدا وبيطلع بسرعه ولو عايزه الطريقه انا تحت امرك

معلهش يا أم قسمت أنا ما قدرتش أفهم الخيط ده اسمه إيه والخيط اللى بتعمله منه بلايز صيفى اسمه إيه وبتشترى منين من المنصورة وإبرة رقم كام

حبيبتي صهيب
الخيط اللي تتعمل منه المفارش الكروشيه عموما هو الخيط الخام (خيط اللحاف )تلاقيه حتي بيج وبيعملوا منه المفارش الجازه
الخيط التاني حاتلاقيه عند بتوع الحبال وهو ابيض او سكري وتلاقيه زي الخيط النايلون
الثالث بقي اسمه كده وتلاقيه في كل حته وهو شكل الكوتون بارليه بس البكره اكبر والخيط اسمك
ده يتشغل علي ابر نم 3 تريكو ونم2 كروشيه البكره اخر مره اشتريته كانت بتلاته جنيه وربع وفيه كمان خيوط مستورده باشتغل منها البلوزات الصيفي ممكن تتشغل علي ابر5 و7 حسب سمك الخيط

شكرا أم قسمت وجزاكى الله كل الخير انا عرفت خيط اللحاف اللى هوشلة وبيجى يتلف أنا عارفة إنه خيط أبيض
الخيط الثانى اسمه إيه والخيط الثالث اسمه إيه لآنك قلت اسمه كده إزاى ومعلهش لأن أنا عايزة أعمل من معلوماتك وخبرتك دليل لى
ومعلهشومعلهش سؤال كمان الإبر اللى أنت تقصديه 2 مثلا تكون سميكة و6 مثلا تكون أرفع لأن فى أماكن تختلف فيها النظام ده على تعبك
ومعلهش سؤال كمان الإبر اللى أنت تقصديه 2 مثلا تكون سميكة و6 مثلا تكون أرفع لأن فى أماكن تختلف فيها النظام ده

يسلموا إيدكى ويخيلك بناتك وتعيشى وتعملهم أكثر ويدوبوه فى عرق العافية.

السلام عليكم اخواتي الاعزاء
اختي الغزيزة ام قسمت
ممكن اعرف انتي عملتي الغرزة دي بالتريكو ازاي علشان عجباني و اريد عملها وتسلم ايدك
انا من مصر ايضا من الدقي
ماما عايزة تتعرف بيكم وعايزة هى كمان تنضم معانا وهي عملت حاجات تحفة وعجبتها مفارشكم جدا

جزاكم الله كل خير