حبيباتى شكرا على مروركن جميعا شرفتونى بالمرور
الأخت أشعار أنا مبعرفش فى التريكو بس يمكن أعملها وأنا من المنصورة فى مصر
الأخت أم قسمت صدقينى أنت كده مرتاحة مش عاوزة أوجع دماغك نفسى أعرف أنتى منين
الأخت مايا شرفتينى بمرورك
الأخت نسمات الصباح لأ سلامتك من البرد ياقمر
يلا اعملى لكى واحدة معايا ولو تحبى أعملك قولى بس

حبيبتي صهيب ياحبيبتي اوجعي ولايهمك
انا مصريه من المحله يعني طلعنا جيران شفتي بقي الدنيا صغيره ازاي

يا حبيبتى يا أم قسمت أن فرحت قوى والله أنك من المحلة مش عارفة أنا فعلا أنا كنت حاسة إنك مصرية بس طلعت أقرب وأقرب فرصة سعيدة جدا جدا وخلينا دلوقتى فى الكروشيه وأنا بفكر أتعلم تريكو بس فى إيدى شوية حاجات أخلصها الأول

ومتشكرة على الرابط الثانى هى دى الغرزة الأمامية صح شكرا لكى جدا جدا

انتي فين ياصهيب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وعملتي ايه في الركبه ؟؟؟

والله أنا موجودة يا أم قسمت وبدأت أعمل فى الركبة ولكن مليت منها قوى مش عارفة أنا نفذت الغرزة صح ولا غلط على العموم شكلها طلع سميك قوى ومبيبانش الشغل بسرعة عشان كده سبتها وبنفذ بغرزة ثانية وبرضه مليت منها ومش عارفة أعمل إيه بس مضطرة أكملها بأى طريقة شكرا على سؤالك يا حبيبتى وأنا عينى دمعت لسؤالك عليا حالتى النفسية وحشة قوووووووووووووووووووووووى النهاردة يا رب يخليكى لى أنا لسه داخلة على النت دلوقتى وما تحرمش منك ولا من المنتدى ياااااااااااااااا رب

شوفى يا أم قسمت أنا صورت لكى الشغل واحدة بالغرزة الأمامية والخلفية وواحدة بغرزة ثانية وربنا يسهل أخلص أى حاجة

حبيبتي صهيب
معلش انا لسه داخله علي النت حالا واول حاجه عملتها اني دخلت عندك
سلامهتك ياجميل وسلامه نفسيتك ارمي حمولك علي الله وادعي من قلبك وهو سبحانه يزيح الهم عنك ويحميكي
والله انتي اتحسدتي شوفي كده فيه واحده غيرك بتعمل ركبه ؟
علي العموم طمنيني عليكي والشغل اعمليه لو الخيط رفيع حايكون احسن ويدي نتيجه احسن ولو الخيط تخين كبري مقاس الابر
ده موقع بقي جميللللللللللل بتاع المبدعه الفنانه المصريه شوفي الغرزه فيه
وماتزهقيش نحن كلنا ورائك في سبيل الركبهههههههههههههههه

حبيبتى صهيب ليه الملل والحالة النفسية الوحشة
فيه حد يبقى معاه الصحبة الحلوة دى ويبقى مضايق
على العموم دى حالة كلنا مرينا بيها فى الاول
وعن نفسى انا باعمل شال من غرزة جديدة وفكيت البداية خمس مرات عشان كانت ساعات غلط وساعات مش عجبانى لغاية ما استقريت على شكل
المهم هو طولة البال وحطى فى بالك ان الاستعجال بيلخبط الشغل
اشتغلى على راحتك خالص ومش شرط تخلصيها فى الشتا براحتك يعنى
ولما تحطى الموضوع ده فى بالك حتلاقى الشغل خلص وبقى خفيف
واحنا هنا كلنا معاك ومش حنزهق ابداااااااااا

حبيبتى ام قسمت وحشتينى وعلى فكرة الرابط مش باين
ولومش عارفة تنزليه انا ممكن انزله

تصدقي يافنانه انا قعدت اتكلم ونسيت احط الرابط
http://www.lakii.com/vb/showthread.php?t=260653