يا بنات بعد إذنكم ممكن أطلب منكم طلب ومعلهش أثقلت عليكم
أخت زوجى طلبت منى عمل ركبة لها
عايزة أعرف إزاى تنعمل الركبة وهى قطعة من الصوف تلبس فى منطقة الركبة لتدفئتها اللى تعرف ممكن تقولى أزاى وإيه هى الغرزة المستخدمة
واللى عندها صورة أو باترون أوفكرة يا ريت ما تبخلش
وشكرااااااااااااااايلا يا بنات طولواااااااااااااااا رقبتى

اختى صهيب لقيت لك حاجة تشبه للانت عايزاه ودى الصور



ممكن نعملها بشكل اقصر شويه وتبقى للركبة مع استخدام غرزة العمود يعنى ابداى بسلسلة بعدد غرز تمثل محيط الركبة وتقفلى السلسلة تبقى دائرة وتطلعى بعواميد لحد الطول المطلوب

ودى لليد ممكن نعملها تكملة لكم وبتدى شياكة فى اللبس خاصة فى الشتاء وممكن نطلعها على الكف تدفى الكف واليد فى نفس الوقت



يارب اكون افدتك بحاجة

أخت فنانة مصرية جزاكى الله كل الخير
والله أنت فعلا أفدتينى
بس إيه رأيك تكون الغرزة حشو تكون أسمك وأضيق
أنا كنت فاكرة أنا أعمل قطعة من الكروشيه وبعدين أقفلها إيه رأيك
معلهش أنا عايزة أستفيد منكم
أنا حاسة الصورة الثانية معمولة الصفوف فيها بالعرض صح ولا
ألف شكر

ديه فيدتها ايه معلش يعني بسال

حبيبتي صهيب
بعد صباح الفل شوفي ياستي ممكن تعمليها تريكو بليسيه حاتكون مطاطه وفي نفس الوقت متماسكه او كروشيه بغرزه البريد الاماميه والخلفيه تدي نفس النتيجه

ممكن عزيزتى تعمليها باى غرزة ممكن حشو او عواميد عادية او امامية وخلفية زى ماقالت الغالية ام قسمت
وممكن تعمليها مستطيلة وتقفليها بس مكان الخياطة ممكن يبقى مكلكع خاصة ان الركبة فيها ثنية
فالاحسن تخليها حتة واحدة يعنى تقفلى السلسلة ويبقى دائرية وتكملى شغل

ده رأيى واختارى اللى يريحك
وانا تحت امرك حبيبتى فى اى استفسار

ألأخت نسمات الصباح أولا شرفت بمرورك
بصى بقى يا ستى الركبة دى عشان تدفى منطقة الركبة وما بتتلبس زى الموجودة فى الصورة ياستى على الأقل اللى أنا إن شاء الله أعملها مش هتتلبس كده وأخت زوجى طلباها منى عشان عندها خشونة فى الركبة وبتبرد منها
ماشى يا نسمااااااااااااااااااااااات

الأخت أم قسمت شكرا على ردك واهتمامك وعلى فكرة فيه أخت اقترحت نفس اقتراحك بالنسبة للتريكو بس أنا مبعرفش أعمل تريكو خالص
وللأسف أنا مش عارفة طريقة عمل الغرزة الأمامية والخلفية بتنعمل إزاى ممكن لو فيه باترون أنفذها

الأخت العزيزة فنانة مصرية شكرا يا حبيبتى على اهتمامك
أنا لسة للأسف للآن لم أقرر إيه نوع الغرزة أو الطريقة اللى أنفذ بيها
وعندى تساؤل لو أنا عملت الشغل دائرى مرة واحدة إزاى أوفق بين محيط منتصف الساق وبين محيط منتصف الفخذ وفى نفس الوقت يكون الشكل جميل
والله أنا محتارة جدا ولو عندك فكرة عن الغرزة الأمامية والخلفية ممكن تفيدينى وشكرااااااااااااااا

ماشاء الله

روح التعاون جميله بينكم

يارب دايما

و