عزيزتي ايمام البلوزه البيضاء معموله بغرزه الشبكه يعني سلاسل وغرزه حشو وبعد كده تشتغلي الورد وتشبكيه
ده الشرح بايجاز لو عايزه بالتفصيل اقول لك
العيال مش بيدوني فرصه اقعد علي النت كتير وبافكر اجيب لنفسي كمبيوتر خاص علشان ابقي معاكم علي طول

العزيزه جيجي
اهلا بيكي نورتيني بالنسبه للبلوزه الحمرا انا نزلت الباترون ولو عايزه الترجمه بصي انا حااقول الترجمه بالترتيب
المربع1-غرزه عدل
2 غرزه مقلوب
3لفه
4 - bobble يعني تاخدي غرزه وتفتحيها اي عدد من الغرز حسب المطلوب في الباترون وتشتغلي سطرين علي الغرزه دي وبعدين تقفليها بتعمل زي شكل كره صغيره
5- 2عدل معا
6 - اسلتي غرزه عدل من غير شغل اشتغلي غرزه عدل اقلبي المسلوته علي المشغوله
7-ده اسمه تنقيص ثلاثي اسلتي غرزه عدله اشتغلي 2 عدل معا اقلبي المسلوته علي المشغوله
كده انتي ممكن تبصي في الباترون وتعرفي الغرز
البلوزه مكونه من الثلاث باترونات دي فوق بعض
كويس لغايه كده ولا فيه حاجه مش واضحه علشان اكمل

حبيبتي صهيب انتي فيننننننننننننننننننننن

عزيزتى ام قسمت تسلم ايدك
بجد البلورات تجنن
وياريت تشرحى لى بالتفصيل الممللللللللللللللللل طريقة عمل البلوزة الزرقاء
ولك جزيل الشكر

اهلا بيكي يافنانه منوره
حاضر حااشوفها وارد عليكي

ده نورك ياجميل

شوفي ياستي حااقول لك الباترون
اشتغلي علي 24 غرزه السطر 1-غرزه ع (يعني عدل) لفه - 5م(يعني مقلوب ) - اسلتي غرزه ع اشتغلي غرزه ع اقلبي المسلوته علي المشغوله -8ع -2 ع معا -5م - لفه - 1ع
السطر 2 وجميع الاسطر الزوجيه اعملي الغرز كما تظهر اك واعملي اللفه مقلوب
السطر3 - 1ع - لفه - 1ع - 5م - اسلتي غرزه ع اشتغلي غرزه م واقلبي المسلوته علي المشغوله -6ع- 2ع معا - 5م - ع - لفه - ع
السطر الخامس- ع - لفه -2ع - 5م --اسلتي 1ع اشتغلي 1ع اقلبي المسلوته علي المشغوله - 4ع - 2عمعا - 5م - 2ع - لفه - 1ع
السطر السابع - 1ع - لفه - 3ع - 5م - اسلتي 1ع اشتغلي 1ع اقلبي المسلوته علي المشغوله - 2ع - 2ع معا - 5م - 3ع - لفه - 1ع
السطر التاسع - 1ع - لفه - 4ع - 5م - اسلتي 1ع اشتغلي 1ع اقلبي المسلوته علي المشغوله - 2عمعا - 5م - 4ع - لفه - 1ع
السطر11-4ع - 2ع معا - 5م - لفه - 2ع - لفه - 5م - اسلتي 1ع اشتغلي 1ع اقلبي المسلوته علي المشغوله - 4ع
السطر 13 - 2ع - 2ع معا - 5م - 1ع - لفه - 2ع - لفه - 1ع - 5م - اسلتي 1ع اشتغلي 1ع اقلبي المسلوته علي المشغوله - 3ع
السطر 15 - 2ع - 2ع معا - 5م - 2ع - لفه - 2ع - لفه - 2ع - 5م - اسلتي 1ع اشتغلي 1ع اقلبي المسلوته علي المشغوله - 2ع
السطر 17 - 1ع - 2ع معا - 5م -3ع - لفه - 2ع - لفه - 3ع - 5م -
اسلتي 1ع اشتغلي 1ع اقلبي المسلوته علي المشغوله - 1ع
السطر 19 - 2ع معا - 5م - 4ع - لفه - 2ع - لفه - 4ع - 5م - اسلتي 1ع اشتغلي 1ع اقلبي المسلوته علي المشغوله
هو ده الباترون ابدئي الظهر بعدد غرز من مضاعفاته + 10 غرز حسب المقاس اللي انت عايزاه
بس انا عايزه اعرف عايزه البلوزه طويله ولا قصيره وعايزه بليسيه من تحت ولا لأ لو عايزه البلوزه دي بالضبط اقول لك و تصبحي علي خير







0يعني عدل )

حبيبتى ام قسمت شكرا لك جدا
بس مش فاهمة يعنى ايه الاسطر الزوجية اعمليها زى ما تظهر لك ...؟؟؟؟
وكمان عايزة البلوزة طويلة لانى محجبة وممكن يكون فيها بليسيه
وربنا يخليكى ويبارك فيكى

فنانتي العزيزه شوفي ياستي
افرضي انك عامله السطر رقم 1- (يعني اول سطر وبيسموه في الباترونات الانجليزي right side وفي الباترونات العربي(وجه الشغل ) المهم افرضي انك اشتغلتي 4 ع- 2 م - 5ع
لما تخلصي السطر وتقلبي الشغل علشان تعملي السطر الثاني بيكون السطر الثاني ده في الباترونات الانجليزي اسمه wrong side ,وبالعربي اسمه خلف الشغل كده بيكون السطر الثاني والرابع والسادس .................. وهكذا المهم في السطر ده حاتعملي فوق المقتوب عدل وفوق العدل مقلوب يعني 5 م- 2ع- 4م
ارجو اني اكون عرفت اوضح
اقول لك بقي علي البلوزه
الضهر - ابدئي 112 غرزه (122 )جوه القوس للمقاس الاكبر واشتغلي 7 سم بليسيه
زودي 20 غرزه في اخر سطر كده بيكون عدد الغرز 132 (142)غرزه ابدئي في الباترون كده
اشتغلي5 (10)غرز جرسيه مقلوب (اشتغلي مقلوب في السطور الفرديه وعدل في السطور الزوجيه ) 120 غرزه تكرار الباترون يعني كرري الباترون 5 مرات -5 (10) غرزجرسيه مقلوب
نسيت اقول لك ان فيه غرزه حرف في البدايه والنهايه
جربي وردي عليه

تسلمى حبيبتى
بس ياريت توضحى اكثر الشرح الثانى الخاص بالبلوزة