الأخوات الفاضلات
سلام الله عليكم ورحمته وبركاته
أنا جديدة على هذا المنتدى وقرأت الكثير من المشاركات وأعجبتني وأحب أن أقدم مساعدة ، وأنا أحب شغل التريكو وعندي خبره في قراءة الباترونات باللغة الإنجليزية ومستعدة لتقديم المساعدة لمن ترغب في ذلك أو لتبادل الخبرات والباترونات

بارك الله فيك اختي ام قسمت
على تقديمك المساعدة لاخواتك محبات هذا الفن المتميز
واكيد هناك الكثيرات ممن سيطلون منك المساعدة
واهلا بك بيننا

حبيبتى ام قسمت اهلا بك معانا نورتينا
وعلى فكرة حتلاقينى منزلالك باترونات كتيرة بالانجليزى عشان تترجميها
مستعدة ......

حياك الله أختي، ونشكرك على المساعدة

الأخت الفنانة المصرية ، الأخوات الفاضلات
أنا مستعده وربنا يوفق بإذن الله وهاتي ماعندك

الاخت ام قسمت

طبعا نورتينا جزاكي الله كل الخير علي تقديم العون والمساعده ولاخواتك


في الترجمه

عزيزتى ام قسمت
تسلمى حبيبتى على المساعدة
جزاكى الله كل الخير
و اهلا بكى معانا فى المنتدى

السلام عليكم ورحمة الله اخواتى الحبيبات عايزه اعرف ياتري استني لما واحده تبعت سؤال ولا اشرح واحده واحده ردوا بسرعه لاني متحمسه جدااااااوعيزه اقول ماشا الله كلكن فنانات بدرجة امتياز وشكرا لترحيبكن اه في بعض الصور مش بتظهر يعني بلاقي شكل + مكانها عايزه اعرف اعمل ايه و السلام عليكم ورحمة الله وبركاته

اختى العزيزة ياريت تعملى دورة لتعليم او قراءة الباترون
بالنسبة للصور ضعى المؤشر على الصروة واضغطى يمين واعملى show picture ان شاء الله تطلع الصورة
وياللا احنا مستنينك

السلام عليكم
انا ساشرح الاساسيات اولا
knite=k معناها غرزة عدلة
p=purl معناهاغرزة مقلوبة
yo=yarn over needle معناها لفة
rep=repeat معناها اعد مرة اخرى
RS=right side معناها وجه الشغل الامامي
ws=wrong side معناها وجه الشغل الخلفي
tog=together غرزتين معا
وهذه هي البداية وساقوم بشرح الباقى بالتدريج حتى يسهل الاستيعاب
الاخت العزيزة فنانة مصرية:
انا جربت الطريقة اللي قولتيها منفعتش معايا عندك اي فكرة ليه؟