بسم الله الرحمن الرحيم
فيه برنامج بالتلفزيون اسمه قطبة وخيط على قناة هي
الساعة ستة وخمس دقائق او عشر دقائق بتوقيت السعودية حلو كتير
بتعلم كروشية وتريكو مكرمية
ةانا لي زمان ما شفت البرنامج بس امبارح صدف انني انتبهت لموعد اذاعته
وكانت تشتغل بالنول شغل حلو كتير وعملت مجموعة قطب وشغلات حلوة كتير
اكيد راح تستفيدوا كتير من مقدمة البرنامج لانها بتعلم بطريقة مبسطة كتير
وامبارح قبل برنامجها كانت واحدة تانية وعملت شجرة حلوة كتير من غصن يابس وتمار وورود يابسة
بس الظاهر انه بيجي بس مرة بالاسبوع لانه اليوم ما قدموه
ان شاء الله ما اكون طولت عليكم وتحضروا البرنامج وتستفيدوا

ما تحرقي قلبي يا دراوشة.. نفسي ببرامج مثل هيك.. عندنا برامج ديكور وبرامج للفنون البسيطة مثل استغلال الخامات المنزلية الموجودة عندك، بس نفسي أشوف برنامج بيعلم شيء خطوة خطوة مثل ما حكيتي... صحيح وفي برنامج بيعلم الخياطة، بس أفتح عليه بنام

اليوم قدمت الحلقة الاخيرة عن النول
وموضوعها كان يستاهل المتابعة
والاشياء اللي عملتها لها استعمالات كتيرة
خسارة اننا ما نستطيع مشاهدة الحلقات مرة تانية لانها كانت معادة
وانا مستغربة من شكل النول اللي استعملته كان مربع وعلى اطرافه مغروز مجموعات مسامير صغار كل 3 مسامير مجموعة وفيه بينهم مسافة صغيرة كتير وهذا كان يساعدها بعمل الرسمة اللي بدها اياها
مش عارفة اذا واحدة من الاخوات بتعرف هذة الالة بتكون جاهزة والا نوصي عليها عند نجار مثلا
والاحلى انها حكت بكرة بدها تبدا تعلم عالمكوك (التاتينج هيك سميتوه بالمنتدى) بتتذكروا قديش سالها عن هالموضوع وما عرفنا نلاقيه الا عن طريق مواقع اجنبية وما ساعدتنا يمكن مع هذا البرنامج نتعلم شيء
مع انني ما بعرف اذا بتقدمه بكرة والا لا لانه زي ما حكيت لكم اليوم كان البرنامج اعادة
عارفة طولت عليكم بس سامحوني حبيت انقل لكم هالاخبار الحلوة

دراوشة، يا ريت إنك تحاولي تصوري البرنامج أو على الأقل تكتبيلنا تفاصيل مملة حسب شرحها

ليش انت يا ايمان ما بتشوفي هذة القناة
على كل ان شاء الله اجيب لك الاخبار بكرة بس مش مصورة
لانه ما عندي فكرة كيف
نحكي شفهي ان شاء الله

أخت ايمان كيف حالك ؟ بدي اسألك عن البرنامج اللي بيعلم الخياطه بأي قناة؟

الحمد لله يا لوز، فيه برنامجين يعرضوا على الـ PBS ، واحد اسمه: sewing with nancy, تجدين كل تفاصيله على النت.
والآخر keeping you in stitches, لكن هذا ما حضرته من قبل.




دراوشة.. كيف بدي أشوف هالمحطة؟ إلا لو كانت المحطة اللي بتحكي عنها أمريكية
ما عندي دشششششش يا أختي

ايمان انا جبت لك نشرة الاخبار
في البرنامج اليوم بس جابت المكوك وطلبت انه نجيبه عشان تعلمنا كيف نستعمله
بس ما حكت اي يوم
وبديت تعمل كيس صغير بالكروشية لوغع الاعشاب العطرية
انا ان شاء الله بنقل لك الاخبار اول باول

شكلي بدي أتابع البرنامج وأشوفه بعيونك يا أم حمودي

اذا بدك يا ايمان
انا جاهزة
وبعدين كيف عرفت انهم بينادوني ام حمودي