ارجو عدم الرد

السلام عليكم ورحمه الله وبركاته

اخواتي العزيزات هنا تم جمع الدروس الخاصه بدوره التريكو لام قسمت لكي يكون مرجعا سهل التصفح..
وبهذه المناسبه اتقدم

باسمي واسم جميع محبي التريكو بالشكر لام قسمت على هذه الدوره وحرصها على توصيل المعلومه بكل بساطه ومتابعتها المستمره لنا اثابك الله وجعل ماقدمتيه في ميزان حسناتك ...امــــــــــين

توضيح ...جمعت بالنص مع تغيير بسيط مع دمج الاجوبه مع الشرح...واضافه بعض من اعماال المتدربات

بسم الله الرحمن الرحيم

ياللا بينا يابنات نبد
سيبوا الكسل وهاتوا الابر و الخيط وتعالوا ورايا
شوفوا يابنات انا حاابتدي من الاول
نتعرف علي الخيوط
نتعرف علي انواع الابر
نتعرف علي الغرز الاساسيه
نعرف ازاي نقرا الباترون
ننفذ حاجات بسيطه
وبعدين نشتغل شغل الخبيرات
اـ الخيوط
وهى انواع مختلفة منها : اصواف ـ اقطان ـ حرير .ـ اكليريك . . الخ) وطبعا الاوزان مختلفة وكمان سمك الخيط مختلف منه السميك او الرفيع ونستطيع تحديد ما نريده منه حسب الغرض من القطعة المراد شغلها ودائما هتلاقى الخيط مكتوب عليه وزنه وكم لفة فى الخيط ومقاس الابر المستخدمة فيه.
هذه الصور توضح بعض الخيوط

2_الإبر

وهى مقاسات مختلف وانواعها كثيرة فى منها الالمونيوم والخشب والاستالستين

يوجد عدة انواع من الابر منهم

ابرتين مدببين من طرف والاخر مقفل اما بخرزة او ترمسة وهى بعدة ارقام منهم للبليسية

ومنهم للشغل العادى بالنسب للبليسية نستعمل الابر الرفيعة جدا اما الابر الاكبر فللشغل الباقى

ويتحكم فى مقاس الابرة سمك الخيط كلما زاد سمك الخيط وعدد الفتلات زاد سمك الابرة

وكلما قل سمك الخيط قل سمك الابرة
هذة ابرة البليسية


[
وهذة الابر العادية لباقى الشغل منها الخشب والا منيوم والبلاستك او العاج



وايضا يوجد 5 ابر مدببة من الجهتين وهذة خاصة لشغل الجوانتى والاشكال الدائرية




ومنها ايضا الابرة الدائرية الخاصة بشغل الملابس القطعة الواحدة اوالمفارش المستديرة

الابر الخاصة بعمل الحردات وحجز الغرز لعمل الضفيرة او الجدلة

طريقه عمل عقده البدايه





لعمل البدايه يوجد طرق كثيره منها
الطريقه الاولي
وانا بافضلها لانها بتدي شكل نظيف ومتينه

















بكدة نكون كونا غرزة ونكرر حتى ننتهى من العدد المطلوب
[ url=http://www.s77.com/up][/url]


ودي الطريقه بالصور علشان نفهم اكتر

الطريقه الثانيه
[ url=http://www.s77.com/up][/url]





الطريقه الثالثه





وا لرسم التوضيحى للغرزة هو






طبعا فية طرق تانية للبداية ولكن متشابهة تقريبا لهذة الطرق بس هذة الطرق اسهلهم


ملاحظه
السطر الاول دايما بيكون قاسي بس ممكن تتجنبي ده بانك بدل ماتبتدي علي ابره واحده بتحطي الابرتين جنب بعض زي مايكونوا ابره واحده وتبتدي عليهم ولما تخلصي عدد الغرز المطلوب شدي ابره وسيبي الشغل علي ابره

الغرز الاساسيه
اولا الغرزه العدله
ورمزها في الباترونات الانجليزي k وده شكل توضيحي لها












ملاحظه
لما بتشتغلي السطر الاول عدل من امام الشغل بيكون شكل الغرزه من ورا مقلوب صح؟
لما تيجي تشتغلي علي الضهر عدل برضه بيبان من الامام ايه؟؟؟؟
علشان كده شكل الشغل من اي ناحيه بيبان سطر عدل وسطر مقلوب
لو فهمتوا ده حايساعدنا كتير في الباترونات

الغرزه المقلوبه
الغرزه المقلوبه بتدخلي الابره اليمين في الغرزه علي الابره اليسري من الامام للخلف وبيكون سن الابره متجه لفوق شوفوا كده الرسم ده




وده كمان

في الصوره دي دخلت الابره وبتلف الخيط عليها


في الصوره دي طلعت بالغرزه وحتنقليها للابره اليمين

نماذج الغرز

اولا البليسية
البليسية الفردى
وهو نبدا عدد من الغرز على الابرة ثم نشتغل غرزة عدل وغرزة مقلوب حتى اخر السطر


البليسية المزدوج
وهو نشتغل 2غرزة عدل و2غرزة مقلوب حتى اخر السطر

يصوا علي الغرزه الاولي علي الابره اليمين دي واخدينها مقلوب صح؟ ماتلفيش الخيط علي الابره لا رجعيه خلف الابره علشان تشتغلي الغرزه اللي بعدها عدل


وهذة الغرز تستخدم اما لعمل بدايات الملابس مثل البلوفر والجاكت او البنطلون من الوسط و
احرف الارجل واحرف الاكمام
ويمكن عمل قطعة متكاملة من هذة الغرزة او ادخالها مع غرزة اخرى لتشكيل موديل



غرزة الجرسية
وهى عمل السطر الاول كلة عدل والسطر الثانى كله مقلوب من هذين السطرين تتكون الغرزة

وجة الشغل بعد نهاية السطور

الظهر او الخلف


يوجد نوع ثالث من البليسيه يعطي حافه مزدوجه زي مايكون طبقتين من النسيج

ويعمل باي عدد من الغرز وتشتغلي الغرزه العدل ومرري الخيط للامام كما لو كنتي حاتشتغلي غرزه مقلوبه واسلتي الغرزه من غير شغل ورجعي الخيط للخلف واشتغلي العدل وهكذا لاخر السطر


في الصوره دي السطر التاني تشتغلي الغرزه العدل وتعدي الخيط امام الابر زي ماتكوني حاتشتغلي غرزه مقلوب
[ center]

اسلتي الغرزه علي الابره من غير شغل

رجعي الخيط تاني للخلف

اشتغلي الغرزه العدل

غرزه حبه الرزه
نشتغل واحدة عدلة والثانية مقلوبة أول سطر وثاني سطر اللغرزة اللي باينة عندنا عدلة نقلبها والمقلوبة نشتغلها عدلة

اللفه
وهي مهمه في شغل الاجور او التخريم الاختصار yo(علشان الباترونات ) اسمها بالانجليزي yarn over
لفه بعدها غرزه عدل واختصارها yok








[


وهى لفه بعدها غرزه مقلوب واختصارها yo p
وممكن يكون مكتوب في الباترون لفتين ودول بناخدهم في السطر التاليواحده مقلوب من امام الغرزه وواحده مقلوب من الخيط الخلفي

ملاحظه
اللفه بتتعمل بين الغرز يعني في وسط الغرزه زي ماالرسم موضح وبتبقي زي الخرم وبتتعمل علشان الشغل التخريم الاجور يعني او تعملي بيها عروه صغيره



(البدايه والعدل والمقلوب والبليسيه و اللفه)

ملاحظه
الواحد اوقات وهو بيشتغل بيسرح
لو نقصت غرزه شوفي مكانها في الغرزه فين وزوديها ولو زادت غرزه برضه شوفي مكانها فين وخديها مع اللي بعدها في غرزه واحده بس المهم مايبانش

تقفيل الغرز
اولا نشتغل اول غرزتين ثم ندخل سن الابرة الشمال فى اول غرزة ونسقطها فوق ثانى غرزة

فيصبح على الابرة اليمين غرزة واحدة ثم نبدا باخذ غرزة من على الابرة الشمال فيصبح

غرزتين على الابرة اليمين فنسقط الاولى فوق الثانية وهكذا حتى ننتهى من جميع الغرز التى

على الابرة الشمال ويصبح غرزة واحدة على الابرة اليمين فنقطع الخيط وندخلة فى الغرزة

ونشدة وهكذا ينتهى التقفيل






بتقطعي الخيط وتلفيه وتدخليه فيها وتعقدي

وبعدين يابره الخياطه بس تكون سميكه شويه وعينها واسعه يعني ابره كنفاه بتدخلي الخيط في جوانب الشغل




شكل التقفيل

غرزه حرف
في الباترون بنلاقي كلمه غرزه حرف ودي بتعمليها بانك لو السطر عدل بتسلتي اول غرزه زي ماتكوني حاتشتغليها مقلوب وترجعي الخيط للخلف وتشتغلي عدل عادي والعكس في السطر المقلوب
تتعمل في اول السطر واخره يعني مش بتتكرر مع الباترون وعلشان كده اسمها حرف يعني حافه السطر اخره واوله مافيش بعدها ولا قبلها غرز يعني لما تنفذي غرزه في بلوزه وعايزه تكرري الغرزه كذا مره بتبدئي بغرزه الحرف دي وتكرري الباترون بتاع الغرزه عدد المرات اللي انتي عايزاها وتختمي السطر بغرزه حرف وبتكوني عامله حسابها في العدد




ده الغرزه الاولي في السطر العدل بتسلتيها زي ماتكوني حاتشتغليها مقلوب



في الصوره دي بترجعي الخيط ورا الابره علشان تشتغلي السطر العدل خدي بالك بترجعي الخيط من تحت الابره




هنا بتشتغلي السطر العدل عادي


دي اول غرزه في السطر المقلوب بتاخديها زي ماتكوني حاتشتغلي عدل من تحت يعني





هنا بعد ماتسلتي الغرزه بترجعي الخيط امام الابره علشان تاخدي الغرزه التانيه مقلوب
وهتاخذى السطرمقلوب عادي...




ملاحظه
ممكن مش تعمليها خالص لو ملخبطاكي

الحردات
حناخد الحردات للكم والرقبه
بس واحده واحده
اولا حرده الكم وهي انواع
العاديه او المدوره
الرجلان

اولا المدوره

اولا للكبار

( 1 ) اقفلى 5 غرز فى اول السطر ثم اشتغلى باقى السطر حتى النهاية

( 2 ) مثل السطر الاول

( 3 ) اقفلى 4 غرز فى اول السطر واكملى باقى الغرز حتى اخر السطر

( 4 ) مثل السطر الثالث

( 5 ) اقفلى 3 غرز فى اول السطر واكملى باقى الغرز حتى اخر السطر

(6 ) مثل السطر الخامس

( 7 ) اقفلى 2 غرزة فى اول السطر واكملى باقى الشغل حتى اخر السطر

( 8 ) مثل السطر السابع

( 9 ) اقفلى غرزة فى اول السطر واكملى باقى الشغل حتى اخر السطر

( 10 ) مثل السطر التاسع

هكذا تنتهى الحردة ثم نشتغل دون تنقيص حتى الطول المطلوب لحردة الابط مع مراعاة حردة الرقبة اذا كان الامام او

الخلف ونوعها

ملاحظه
احنا حانحرد غرزتين ونمشي السطر عادي
السطر التالي حانحرد برضه غرزتين ونكمل السطر عادي
السطر التالي اشتغلي غرزه وبعدين اسلتي غرزه من غير شغل واشتغلي اللي بعدها واقلبي الغرزه اللي من غير شغل علي الغرزه اللي اشتغلتيها زي الصوره وامشي السطر عادي لغايه مايتبقي علي الابره اليسري 3 غرز خلاص؟؟؟ اشتغلي غرزتين مع بعض واعمليهم غرزه واحده وبعدين اشتغلي الغرزه اللي فاضله
السطر التالي اشتغليه من غير اي تنقيص
السطر التالي كرري التنقيص اللي عملناه في السطر قبل السابق يعني كده حانشتغل سطر تنقيص وسطر عادي وعلي فكلره سطر التنقيص علي وجه الشغل والسطر العادي علي ظهر الشغل



ثانيا الحرة للاطفال من سن 10 فما فوق

نفس حردة الكبار ولكن من السطر الثالث

يعنى نبدا بقفل 4 غرز ثم نكمل باقى الحردة عادى

بالنسبة للاطفال المواليد حتى سن العشر سنوات نبدا بقفل 3 غرز ونكمل باقى الحردة عادى

يبقى للكبار عدد الحردة ( 5 - 4 - 3 - 2 - 1 ) من الجهتين

للاطفال ( 4 - 3 - 2 - 1 ) من الجهتين

وللمواليد ( 3 - 2 - 1 ) من الجهتين




الحردة الثانية

اولا للكبار
1 ) اقفلى 5 غرز فى اول السطر ثم اكملى السطر حتى اخرة

( 2 ) مثل السطر الاول

( 3 ) اقفلى غرزة واحدة فى اول واخر السطر

( 4 ) كررى السطر الثالث 6 مرات اخرى

( 10 ) اشتغلى سطر عادى حسب الغرزة المستعملة دون تنقيص حتى الاخر

( 11) اقفلى غرزة فى اول واخر السطر

( 12) كررى السطرين ال10 --- ال 11 اربعة مرات اخرى

ثم اشتغلى دون تنقيص حتى مقاس الحردة المطلوبة مع مراعاة حردة الرقبة

توضيح

حنقفل 5 غرز فى اول السطرين التاليين

ثم نقفل غرزة لمدة 7 اسطر

ثم نقفل غرزة فى سطر ونترك الاخر دون تقفيل لمدة 5 مرات
ثم نشتغل دون تقفيل حتى الحردة المطلوبة

ثانيا للصغار

مثل الحردة السابقة ولكن نبدا اما ب 4 غرز او 3 غرز بدل ال5 غرز

وتنقيص الغرزة فى 5 اسطر بدل من ال7 اسطر

والتنقيص الاخر سيكون 3 مرات بدا من 5 مرات

ونكمل الباقى عادى خالص
الحرده دي بيطلع الشكل مدور زي مايكون مقصوص بمقص

حرده الكتف دايما من اول السطر ولما بيبقي وجه الشغل مواجه لكي بيبقي الناحيه اليمين دايما تحرديها علي وجه

الحرده المربعه
او المستقيمه وبتتعمل بانك تقفلي عدد من الغرز من الناحيتين زي الباترون ما يطلب وبس تطلعي بعد كده علي طول
حرده الرجلان


بتقفلي غرزتين( او حسب تعليمات الباترون) في الناحيتين
السطر التالي تشتغل1 ع - 1 بدون شغل - 1 ع - مررى الغرزة التى بدون شغل على الغرزة العدل ثم اكملى باقى السطر عادى حتى

اخر 3 غرز اشتغليهم 2 ع معا - 1 ع

( 4 ) هذا السطر وجميع الاسطر الزوجية تعمل بدون تنقيص

) كررى السطرين الثالث والرابع حتى تصلى لمكان حردة الرقبة ثم نبدا فى التنقيص لحردة الرقبة وحردة الابط

معا حتى تصبح على الابرة غرزة واحدة نقفلها



ملاحظه
الصوره دي لحرده الرجلان الجزء اللي فوق يمين دي حرده الرقبه
وش الشغل بيكون ناحيتك

حرده الرقبه
وهي 4 انواع
المدوره - المربعه - ال7 او الv –السابرينا

اولا الحرده المدوره
بتبدا علي ارتفاعات مختلفه حسب الموديل يعني لو فتحه الرقبه واسعه بنبدا مع حرده الباط ولو ضيقه زي البادي او الهاي كول بنبدا في الثلث الاخير من حرده الباط وانا حااشرح علي الهاي كول
بعد ماتعملي حرده الباط دا بالنسبه للامام بتطلعي عادي لغايه بدايه الثلث الاخير وتعلمي غرزه المنتصف وتحسبي عدد الغرز اللي علي الابره وتقسميهم علي 3 بس تعملي حسابك ان الجزء الاوسط يكون اكتر يعني لو عدد الغرز 100 بيكون الكتفين مثلا 30 و 30 والرقبه 40 غرزه ونبدا الحرده علي وجه الشعل وخليكوا معايا انا دلوقتي اخدت 30 غرزه للكتف حانشتغلهم عادي ونعلم علامه وبعدين ال40 غرزه بتوع الرقبه حانشتغل 15 ونقفل 10 غرز (وكده الشغل حاينقسم معاكي قسمين) ونشتغل ال15 غرزه ونعلم علامه ونشتغل ال30 غرزه للكتف التاني
السطر التاني اشتغلي لغايه اول العشر غرز اللي حردتيهم ووصلي خيط تاني عند بدايه العشر غرز من الابره اليسري واقفلي 5 غرز حايفضل عندك علي الابره دي 10 غرز للرقبه وال30 غرزه بتاعه الكتف كملي السطر عادي
السطر الثالث اشتغلي ال40 ؤغرز عادي وحايقابلك الناحيه التانيه اقفلي منها 5 غرز وكملي السطر
السطر الرابع اشتعلي ال40 غرزه عادي وعند الناحيه التانيه اقفلي4 غرز وكملي السطر
السطر الخامس زي الرابع
السطر السادس اقفلي 3 غرز
السطر السابع زي السادس وهكذا لغايه ماتخلصي الغرز بتاعه حرده الرقبه وامشي عادي بعد كده لغايه ماتوصلي لحرده الكتف

طبعا لو الحرده في الموديل اعمق من كده حانبدا من منتصف المسافه بيب حرده الباط والكتف او ممكن من قبل كده ولو الحرده اوسع حاناخد عدد اكبر من الغرز لفتحه الرقبه زي في الحمالات



ملاحظه
حطي علامه يعني تشبكي خيط قصير بلون تاني في اخر غرزه من الغرز اللي انتي حجزتيها للكتف من ناحيه اليمين واول غرزه بعد ال40 غرزه اللي انتي حجزتيهم للرقبه علشان مش تتلخبطي او ممكن تشبكي بنسه
.................................................. ..
احنا بنشتغل بابرتين عادي بس بخيطين يعني تخلصي ناحيه بخيط وتركنيها علي الابر وتبدئي في الناحيه التانيه او ممكن تخلصي كل ناحيه لوحدها
فيه طريقه تانيه زي الكروشيه
لما بتحردي العشر غرز في البدايه وتمشي السطر وترجعي في السطر التالي ماتوصليش خيط واعملي الجهه دي لوحدها لغايه ماتخلصي الحرده وبعدين اعملي الجهه التانيه زي الكروشيه


الحرده المربعه
بالنسبه للامام

وتبدا مع نهاية حردة الابط

مع اخر سطر من الحردة نقسم عدد الغرز على 3 ثم نلقط غرز الوسط على دبوس

ثم نشتغل الجهتين دون تنقيص حتى تصبح حردةالابط مساوية لحردة ابط الظهر ثم نقفل الاكتاف

مثل الظهر

حرده الرقبه
افرضي ان عندك 100 غرزهعلي الابره حايكون عندك 30 لكل كتف و400 للرقبه معايا؟؟؟ عدي 30 غرزه للكتف الاول وحطي علامه و40 غرزه للرقبه وحطي علامه يفضل عندك 30 غرزه للكتف الثاني
ابدئي الحرده علي الوجه الامامي للشغل
اشتغلي ال30 غرزه بتوع الكتف و15 غرزه من غرز الرقبه وبعدين احردي ال10 غرز اللي في النصف واشتغلي باقي السطر عادي

السطر التاني اشتغلي عادي لغايه ماتوصلي لمكان الحرده وصلي خيط عند الطرف الاخر من الحرده

واحردي 5 غرزواشتغلي بقيه السطر عادي

السطر التالي حايكون السطر العدل اشتغلي عادي وعند الجهه الاخري من الشغل احردي 5 غرز

كملي السطر عادي
السطر التالي حايكون السطر المقلوب وفي نفس الوقت ظهر الشغل اشتغلي الناحيه اليمين وفي الجهه اليسري من الشغل احردي 4 غرز

وكملي السطر


حرده الظهر للحرده المدوره
ممكن حرده الظهر تكون علي اي ارتفاع انتي عايزاه بس عموما بتكون اعلي من حرده الامام
وفي الباديهات والبلوزات هاي كول يفضل ماتحرديش خالص يعني تكنفي بحرده الكتف علشان تلم حول الرقبه وتكون مظبوطه وتتعمل بانك برضه بتعلمي لبدايتها ونهايتها زي حرده الامام بس علشان بيبقي عدد سطررها قليل بنحرد عدد غرز اكتر في كل مره يعني مثلا عندنا 40 غرزه حاتحردي 20 غرزه في سطر والسطر التالي 10 واللي بعده 10 كده تكوني حردتي علي 3 سطور واحردي الكتف علي طول علي مرتين او 3 مرات ويفضل تعملي الحردتين معا او زي الباترون مايطلب منك
يعني مثلا حاتحردي 20 غ للرقبه في سطر
السطر التالي احردي 10 غ للرقبه برضه السطر الثالث احردي 15 غ للكتف وامشي ال15 غ الباقيين وبعدين في الجهه الاخري احردي ال10 غ الباقيين للرقبه وكملي السطر
السطر التالي احردي 15 غ للكتف وكملي ال15 الباقيين حايقابلك ال15 غ للكتف الثاني مش تحرديهم اشتغليهم عادي برضه واحرديهم في السطر التالي حايفضل معاكي ال15 غ للكتف التاني اشتغليهم واحرديهم في السطر التالي
مهم حرده الكتف تبدا دائما من الجهه الخارجيه للشغل
الشرح علي اعتبار ان معاكي 100 غرزه

ملاحظه
فيه ناس بتحرد علي 3 مرات وفيه ناس بتحرد علي مرتين وممكن كمان مره واحده تبع الباترون

حرده السابرينا
انا باعملها من غير حرده يعني بامشي عادي واخد اخر 10 سطور بايسيه بنفس الابر اللي باشتغل بيهم مع عمل حرده الكتف
انما فيه طريقه تانيه انك بتقسمي الشغل 30 للكتف 40 للرقبه 30 للكتف الاخر وتشتغلي 30 وتقفلي 40 وتشتغلي 30 وفي السطر التالي تحردي الكتف علي مرتين اوثلاثه وافتكري دايما حرده الكتف من بره ومش من ناحيه حرده
الرقبه وبعد الانتهاء من حرده الرقبه ده بالنسبه للامام والخلف لان حرده السابرينا متماثله من الامام والخلف

الكلام ده علي اعتبار ان عدد الغرز 100


الحرده المربعه
وبساطتها انها زي السابرينا بس اعمق يعني الحرده بتبدا زي الحرده المدوره بعد ماتخلصي حرده الباط وتحردي الجزء الاوسط كله مره واحده وبعدين تطلعي عادي بدون تنقيص لغايه الكتف وتحردي الكتف ومن الظهر زي حرده السابرينا او تبع الموديل


حرده السبعه
الامام - بتبتدي مع حرده الباط اوبعدها بقليل تبع الباترون
حانفرض اننا حانبدا مع حرده الباط والوجه الامامي حانبدا الشغل فيه نطرح غرز حرده الباط من الجهتين 5 - 4 - 3 - 2 - 1 بالنسبه للكبار و3 - 2 - 1 - للصغيرين ونحط علامتين علشان نحدد عدد غرز الصدر
عدد الغرز المتبقي حانحدد غرزه المنتصف ودي حاتكون بدايه الحرده
علشان نحدد اتساع الحرده محتاجين نحدد الغرز اللي حانحجزها للاكتاف ونحط علامتين كده انا عرفت عدد غرز السبعه وعدد غرز الاكتاف وعدد غرز حرده الباط
بعد كده حانحرد 5 غرز للباط ونمشي لغايه الغرزه اللي حددتها للمنتصف ونقفلها ( ولو كانوا غرزتين نقفلهم برضه)
كدة اصبح الشغل مقسم لقسمين نربط خيط في الجزء التاني من الشغل نشتغل كل قسم لوحدة وننقص الابط حسبترتيبة وننقص غرزة لحردة ال7 فى سطر ونترك سطر دون تنقيص ( ودا لو عايزين الحردة v ضيقة أو ننقص غرزتين لو كنا عايزين الv واسعة ) ونشتغل هكذا حتىنصل الى طولى حردة الرقبة والابط المطلوبين ثم نشتغل الي الارتفاع المطلوب مع التنقيص في الv حتي نصل الي اخر غرز حردة الv في الوسط ونكمل حتي نصل الي ارتفاع الكتف المطلوب ثم نقفل الاكتاف بالطريقةالمعتاد
ونشتغل الجزء الثاني زيه
بالنسبه للظهر يستحسن يتعمل من غير حرده رقبه واحردي الاكتاف عادي
رسم توضيحي للv ,



ملاحظه
ان الحرده العاديه للباط 5 - 4 - 3 - 2 - 1 وخلاص يعني بعد ماتحردي للباط غرزه واحده حاتكون تهايه الحرده للباط وتطلعي عدل من غير حرده وتستمري في حرده السبعه بس

وان حرده الرقبه من جهه الرقبه بس وحرده الباط من الخارج دايما

...

قراءه رموز الباترون
فيه باترونات كتير وكل واحد له رموز مختلفه ولما نكون عارفين اسماء الغرز حانعرف نقرا اي باترون ولو حتي كان بالروسي
اولا البدايه اسمها في الباترو( casting on) , وعكسها التقفيل ( casting off ) o],h fhg;l خدوا بالكم الفرق بينهم في on للبدايه وoff للتقفيل
وممكن يقول beg ده اختصار ل begining او البدايه
تريكو knitting=
غرزه عدلknit=
للاختصار=k
غرزه مقلوب =purl للاختصار p
غرزه=stitch للاختصار= st
السطر في الباترون اسمه row
عرزه الجرسيه سطر عدل وسطر مقلوب = stockinette stitch اختصارها =stst
Ribbon = Ribbed = Rib =غرزة البليسية او التضليع
=increase= inc زيادة غرزة
=slip stitch = sl st تنقيص غرزة
=pass slip stitch over knit stitch= psso تنقيص غرزة عدل
pass slip stitch over purl stitch= pssop =تنقيص غرزة مقلوب
=decrease= dec غرزتين عدل معا
together= tog =معا
Repeat= rep =كررى
=remaining= remداومى - استمرى
pattern= pat =باترون
main color= mc =اللون الاساسى
contrasting color= cc ت=ناغم او تناسق الالوان
Knot =عقدة
=Tighten زمى او شدى
neat =نظيف او مرتب

=Armhole shaping حردة الابط

sleeves=الاكمام

sleeve cap shaping =حردة الكم

shap shoulders =حردة الكتف

shap back neck=حردة الرقبة الخلفية

through =من الاول الى الاخر

sid =جانب

heel =كعب

turn =ارجعى

=pickالقطى
اللفه وبيكون رمزها y