طريقة تشبيك وحدات بلوزتى لعيون الاخت(زهره 82 )مع نصيحه هامه عن الخيط الحرير
دى طريقة تشبيك الوحدات الخاصه ببلوزتى اللى عرضتها من قبل زى ما الاخت زهره طلبت
ده اخر سطر لما تيجى تشبكى بدل ما تشتغلى 6 سلسال تشتغلى 3 بس وتشبكى فى الورده التانيه ثم 3 سلسال تانى ثم فى الورده الاساسيه ثم 3 تانى وتشبكى فى الورده التانيه ........وهكذا
ممكن الصور توضح اكتر لانى عارفه ان شرحى غريب
نتابع الصور
هنا من قريب اشتغلت 3 سلسال بس
وهنا شبكتها فى الورده التانيه وبعدين عملت 3 سلسال وشبكتها فى نفس الورده الاساسيه تانى ونكرر
يارب اكون قدرت افيدكو
***
***فى معلومه هامه جدا اتعلمتها من واحده بقالها اكتر من 40 سنه بتشتغل كوروشيه وهى انى لما بشتغل بالخيط الحرير خصوصا الملابس بخل فى الشغل خيط خياطه عادى مع الخيط الحرير يعنى بشتغل بالاتنين مع بعض وده لان الخيط الحرير مع الوقت بيهرول والملابس مع الوقت بتطول وتوسع لكن خيط الخياطه بيمسك الخيط الحرير ومايخليهوش يتمط وكمان هو رفيع جدا وطبعا بيبقى نس لون الخيط الحرير اللى حنشتغل بيه فمش بيبان خالص زى بلوزتى دى وانا حطيت خيط خياطه مع الخيط الحرير ومش بيبان خالص فى الشغل
يارب يكون فى حد فهم حاجه من شرحى الغريب ويارب تكونو استفدتو
رد مع الاستدلال
الروابط المفضلة